Iyadooy wali soconayso dareenkii ka dhex taagnaa Paarlamaanka ee ahaan dhanka Jinsiyada, ayaa waxaa haatan banaanka lasoo dhigayaa taariikh-nolaleedka xubnaha iyo qoysaska ay kasoo jeedaan Xubnaha Labada aqal ee Baarlamaanka Australia ee dhanka Jinsiyada.
Waqtiga la shaacinayo Macluumaadkan qof kasta oo xubin ka ah mid ka mida labada aqal iyo qoyskiisa ayaa ah : Dhanka Senatka, maalinta Isniinta (04/12/2017) ayaa banaanka lasoo dhigayaa , iyagoo haystay ilaa iyo Jamcadii na dhaaftay (01/12/2017) galabnimadeedii, in ay soo gudbiyaan macluumaadkooda.
Halka dhanka Xubnaha Aqalka Hoose ay haystaan in ay soo gudbiyaan dhamaan macluumaadka loo baahanyahay, ugu danbayn galabta Talaadada ah, iyadoo banaanka lasoo dhigi doono maalinka Arbacada ( 06/12/2017) .
Ra'iisul wasaare Malcolm Turnbull, ayaa isagu ku goodinaya in ay xubna ka tirsan Laborka u gudbin doonaan maxkamada sare, arintan oo ka cadhaysiisay madaxda xisbiga mucaaradka ah ee Laborka oo uu oogu horeeyo hogaamiyaha / Bill Shorten.
Jawaab ay ka bixiyeen ayaa waxa Laborku ay sheegeen in ay tahay arin cabsi keenaysa in wasiirada kaliya ay yihiin kuwa kiisaska maxkamada u gudbin kara, iyagoo ku goodiyay in hadii wixii la isku ogaa ay xukuumadu badasho , in ay cid walba maxkamada wax u gudbin karto.
Tan ayaa u muuqata in xaalad cusub oo dareen wadata ay kusoo kordhin karto, arimaha tuhunka jinsiyad-labaad haysiga galaafatay tira hore oo xubnaha baarlamaanka Australia.
