Dadweynihii gobalka New South Wales ee Australia ku dhibaateysnaa fatahaadaha, ayaa dhinacyada qaar hada u muuqday in ay nafis heleen, kadib markii roobabkii mahiigaanka ahaa ay yaraadeen, daadadkiina meelaha qaar ay dib u noqdeen.
Dhinacyada nafiska dareemey ayaa ka mida magaalada Sydney iyo Central Coast.
Balse sida ay masuuliintu sheegayaan, khataraha daadadku waxey ku hadheen dad tobanaan kuna oo ku nool dhinacyada Dooxada Hunter iyo badhtamaha-Xeebta Waqooyi.
Xalaynimadii Arbacada ayaa kontan hawlgal badbaado laga fuliyey goobaha fatahaadaha.
Wasiirka Adeega Tamarta Stegh Cooke ayaa dadka ugu yeedhay in ay feejignaadaan waqtiga ay kusoo laabanayaan guryahooda.
Dhinaca kale Ra’iisul Wasaare Anthony Albanese ayaa ku dhawaaqay in bulshada ku waxyeeloowdey fatahaadaha la siini doono lacag gargaar soo kabasha ah oo 1,000 dadka waaweyn halka caruurtana 400 lasiini.
Ra’iisul wasaaraha ayaa sidoo kale balan qaaday in xukuumadiisu ay talaaba horumar leh ka qaadi doonto dhanka isbadalka cimilada, isagoo sheegay in hadii aan heer caalamiya wax laga qabanin in cimilada isbadaladan daran iyo fatahaadahani ay kasii dari doonaan.
