Muftiga guud ee Australia ayaa sheegay in baaqii Senator Anning oo ahaa in la joojiyo Muslimiintu inay soo galaan Australia inuu ahaa hadal qayrumasuulnimo ah cunsuriyadna ah.
Muftiga guud ee Muslimiinta Doctor Ibrahim Abu Mohammed ayaa codkiisa ku biiriyay dad badan oo hore u dhaliilay qudbadii u horeysay ee uu Senator Anning ka jeediyay aqalka Senatka.
Wuxuu sheegay in hadalada Muslimiinta loogasoo horjeeda sida ugu haboon ee loo waji karo ay tahay in dhagaha laga furaysto.
Muftiga ayaa yiri "Waan la qabsanay inaan iska dhaga tirno hadaladaas. Ardayda Muslimiintaa waxay uga jawaabaan inay guulo ka gaaraan jaamacadaha. Waxay uga jawaabaan inay bulshada siiyaan xirfadlayaal heer sare ka gaaray shaqooyinkooda. Wadankan anuguna waxbaan ku leenahay"
