Gudoomiyaha baarlamaanka Soomaaliya Sheikh Aaden Maxamed Nuur Madoobe ayaa soo saaray liistada gudiga Golaha Shacabka ee loo xilsaaray qabashada doorashada Madaxweynaha Soomaliya .
Gudidan Golaha Shacabka ka socota - ee qabanqaabada doorashada madaxweynaha - ayaa ka kooban 11 xubnood, (10 xubnood oo goluhu soo doortay, iyo 1 xubin oo gudoonku magacaabay).
Gudigan ayaa waxaa la jira 6 xubnood oo aqalka sare ee Baarlamaanka Soomaaliya uu soo doortay, iyada oo tirada guud ee Gudida Qabashada Doorashada Madaxweynaha Soomaaliya ay sidaas ku tahay 17 xubnood.
Xubnaha Gudiga Qabashada Doorashada Madaxweynaha Soomaaliya ayaa iyagu iska dhex dooran doono gudoomiye hogaamiya, sidoo kalena soo saari doona habraaca doorashada Madaxweynaha Soomaliya, iyagoo soo shaacin doona goorta iyo goobta ay doorashadu dhici doonto.
Doorashada madaxweynaha Soomaaliya ee 2022 ayaa la filayaa in ay dhacdo bisha May dhexdeeda.
