Guddoomiyaha Golaha Shacabka Baarlamaanka Jamhuuriyada Federalka Soomaaliya Mudane Sheekh Aadan Maxamed Nuur Madobe ayaa magacaabay guddi gaar ah oo u kuur gala xaalada xabsiyada Xamar iyo maxaabiista ku xidhan.
Magacaabida gudoomiyaha ayaa timid kadib markii baarlamaanka kalfadhigiisii 3aad, kulankiisii 18aad ee 14 August qabsoomay lagaga dhex dooday waxribixin hordhaca oo laga keenay xaaladaha iyo duruufaha ka jira Xabsiga dhexe ee Xamar.
Sidoo kale isla fadhigaas ayaa Xildhibaano Golaha Shacabka BJFS ay ku tala bixiyeen in arintan loo saaro gudi gaara oo soo dhamaystirta baarista, isla markaana warbixin kasoo diyaarisa xaalada xabsiyada iyo maxaabiista ku xiranba.
Gudiga la magacaabay ayaa tira ahaan ka kooban sagaal qof, una kala baxa gudoomiye, gudoomiye ku xigeen, xoghaye, iyo xubno lix ah.
