Roobabkii mahiigaanka ahaa ee ku dhuftay inta badan cariga Soomalidu dagtay ayaa khasaara badan gaystay oo naf iyo maalba isugu jira.
Magaalada Muqdisha ayaa roogakii mahiigaanka ahaa ee ka da’ay ay gaysteen khasaara naf iyo maalba isugu jira, iyadoo ilaa iyo haatan inta la ogyahay ay ku geeriyoodeen lix qof, oo sadex ka mida ay caruur yihiin, halka lagu qiyaasay guryaha roobabku ay burburiyeen ama ay waxyeelada gaadhsiiyeen wax ka badan 300 oo guri, iyadoo sidoo kalena ay jirto wadooyin mihiim ahaa oo roobabku ay waxyeeleeyeen.
Gooba ka mida meelaha roobabaka mahiigaanka ah ay ku dhufteen ee magaalada Muqdisho, ayaa waxaa booqday ra’iisulwasaaraha Xassan Cali Kheyre, iyadoo ay la jireen masuuliin uu ka mid ahaa Gudoomiyaha Gobalka Banaadir C/raxmaan Cumar Cisman (Yariisoow).
Gudoomiye Yariisoow, ayaa sheegay in khasaaraha ka dhashay roobabkan mahiigaanka ah in ay gaadhayaa ilaa $35 Million oo dollar.
Cabsida jirta ayaa waxa ay tahay, iyadoo lagu jiro xili roobaadkii, sida la odorasayana maalmahan roobab mahiigaana la filayo, in waxyeelada roobabkaasi ay sii cuslaato, sababa la xidhiidha dadka barkacayaasha ah oo aad utira badan, iyagoon haysanina xili roobaadkan hoy ay ka galaan roobaabkaas iyo duufaanada ay wataan.
