Saraakiisha Maraykanka ayaa sheegay in hogaamiyihii ururka Al-Qaeda Ayman al-Zawahiri lagu dilay weerar drone ah oo hay'adda sirdoonka Maraykanka C-I-A ay ka fulisay dalka Afghanistan.
Tan oo ah dharbaaxadii ugu waynayd oo ku dhacda kooxdan mintidiinta ah wixii ka danbeeyay markii hogaamihii asaasay ururkan Osama Bin Laden la dilay 2011.
Saraakiisha ayaa sheegtay in weerarka drone-ka ah ay CIA ka fulisay caasimada Afhanistan ee Kabul.
Zawahiri ayaa qayb ka qaatay weerarkii September 11, 2001, kaas oo 4 diyaaradood oo rayid ah la afduubay kadibna lagu dhuftay labadii dabaq ee World Trade Center ee New York, xarunta wasaarada gaashaandhiga ee ku taal Pennsylvania, weeraradaas oo ay ku dhinteen kumanaan qof.
