Jaaliyada Australia iyo Maalinta Xoriyada Somaliya

Munaasabada maalinta xoriyada Soomaaliya 01 July 1960, ayaa Magaalada Melbourne ee gobalka Victoria, Australia, calanka Soomaalia laga taagey kana garab babanayaa calanka Australia, goobta Federation Square. Federation Square ayaa ku taala magaalada Melbourne, waana goob caana oo munaasabadaha lagu muujiyo, waana halka ay ku taala Idaacada SBS ee Australia.

Somali flag Source: SBS

01 July waa Maalinta Xoriyada Soomaaliya,  ahna maalintii midowga labadii dhinac ee xoroobey (Gobalada Waqooyi 26 Juun (Jun) 1960) iyo ( Koonfurta Soomaaliya 01 Luuliyo (July) 1960.

01 July 1960 ayaa sidoo kale ku astaysan middawgii labadii dhinac ee Xoroobay, Gobalada waqooyiga (Somaliland) iyo Koonfurta Soomaaliya.

Source: Flickr

Madaxda Jamhuuriyada Federaalka Soomaaliya ayaa xusay sanadkan labadaa munaasabood, sidoo kalena mar walba la xusaa.

01 July ayaa waxey udanbeysay todobaadka loo yaqaano “Todobaadka Xoriyada Soomaaliyeed, oo ay weheliso wadanka Jabuuti oo isna xoriyadiisa qaatay 27 Jun 1977, sidaasna ay maalmaha ( 26 , 27 Jun iyo 01 July) ku noqdeen todobaadka xoriyada Soomaaliyeed.

Jaaliyadaha Soomaaliya ee dibadaha ku kala nool ayaa iyaguna si kala gaar gaara u xusa munaasabada Xoriyadaha Soomaaliya.

Source: Madar

Wadanka Australia Jaaliyada ku nool ayaa xusta munaasabada xoriyada, kana kala dhacda gobalada Australia qaarkood.

Gobalka Victoria, magaala madaxdiisa Melbourne ayaa faras-magaalaha (CBD) goobta ugu caansan ee munaasabadaha lgu muujiyo (Federation Square) waxaa Saaka 01 July  lasudhay calanka Soomaaliya oo ka garab babanaya Calanka Australia.