Jaaliyada Hindiya ee dalkan Australia iyo ururada xaquuqul binaanka ayaa ka carooday go'aanka dawladu ay ku joojisay in dadku ka soo safraan Hindiya.
Duulimaadyadii Hindiya ka imaan jiray ayaa la hakiyay ilaa 15 May iyadoo COVID-19 uu faro kulul ku hayo dalkaasi.
Waxaa sidoo kale ay dawladu soo rogtay sharuuc adag oo la xariirta dadka si sharci daro ah uga yimaada Hindiya.
Sharcigan cusub ayaa lagu sheegay in qofkii jabiya xanibaada safar uu mutaysan karo 5 sano oo xarig ah ama 66 kun oo doolar oo ganaax ah.
Waxaa wali ku sugan dalka Hindiya ku dhawaad 9 kun oo ah muwaadiniin Australian ah oo 650 ka mid ah lagu tilmaamay inay yihiin dad nugul.
Wasiirka caafimaadka dawlada federalka Greg Hunt ayaa difaacay go'aanka dawlada isagoo kala mid dhigay xanibaadii safar ee la saaray China bilowgii faafka coronavirus sanadkii la soo dhaafay.
"Duulimaadyadii China ee aan mamnuucnay, oo waagaas aad loo dhaliilay wuxuu noqday go'aankii ugu muhiimsanaa ee loo qaaday dhankaa caafimaadka, go'aamadaas waxaa loo gaara in lagu badbaadiyo shacabka Australia oo laga difaaco mawjadii sadexaad ee coronavirus, mana ah mid aan si fudud u gaarnay."
Share
