Dawlada Srilanaka ayaa qiratay inay hore u heshay macluumaad sirdoon oo sheegaya in koox islamist ah ay weerari doonto kaniisado laakiin aysan culays wayn saarin arintaas.
Raiisul Wasaare Ranil Wickremsinghe ayaa sheegay in dawladiisu macluumaad hore oo weerarka ku aadan u haysay inskastoo aan wasiirada loo sheegin.
Wuxuu sheegay inaan jawaabtii ku haboonayd laga bixin macluumaadkaas sirdoonka loona baahan yahay in la baaro sida macluumaadkaas loo isticmaalay.
Galabtii axada ayaa 3 ka tirsan booliska la dilay xili ay wadeen baaritaan guri ku yaal caasimada saacado kadib weeraradii lagu qaaday kaniisadaha iyo hoteelada.
Booliska ayaa sheegay in 13 qof la xiray, dhamaantoodna ay yihiin muwaadiniin Sri Lanka u dhashay.
Bandow ayaa lagusoo rogay caasimada Colombo waxaa sidoo kale la xiray warbiihinta bulshada sida Facebook iyo WhatsApp.
