Safaarada Maraykanke ee Soomaaliya ayaa baaq kasoo saartay dagaal u dhexeeyay ciidanka dawlada federalka Soomaliya iyo kuwa dawlad goboleedka Jubaland oo ka dhacay xadka u dhexeeya Kenya iyo Somaliya.
Baaqa ayaa lagu yiri "dhinacyada ku dagaalamayaa Beled-Xaawo iyo duleedkeeda waa inay joojiyaan iska hor imaadka."
Qoraalkan oo lagu soo daabacay barta Twitter-ka Safaaradda Mareykanka ee Soomaaliya ayaa loogu baaqay dhinacyada hogaaminaya dagaalkaas in ay dulqaad muujiyaan.
Dagaal ayaa sababay khasaare iyadoo dadka qaar ay ka barakaceen magaalada Belet-Hawo oo ay ku dhacayeen madaafiic ay is weydaarsanayeen labada dhinac ee dagaalamayay.
Share
