Madaxweynaha dalka Mareykanka Donald Trump ayaa saxiixay amar fulineed cusub oo ka mamnuucaya dadka kasoo jeeda lix dal inay soo galaan dalka Mareykanka muddo saddex bilood ah ah.
Amarkan cusub ayaa yimid kadib markii amarkii hore ee madaxweynaha oo dalka ka mamnuucayey dadka kasoo jeeda toddobada dal uu xaakim federal ah tuuray
Amarkan ayaa sidoo kale waxa uu Mareykanka ka joojinayaa inay yimaadaan dadka qaxootiga ee caalamka oo idil muddo afar bilood ah.
Amarka cusub ayaa waxaa lagu soo koobay dadka lixda dal ee kala ah Iran, Libya, Somalia, Sudan, Syria, iyo Yemen.
Amarkan cusub ayaa waxaa sidoo kale uu kaga duwan yahay kii hore inuu dhaqan gali doono 16-ka bishan March oo uusan dhaqan galayn markiiba sidii kii hore ee maxkamdau diiday .waxaana uusan sidoo kale saamayn ku yeelandoonin dadka haysta sharciga degenaanshaha Mareykanka ee kasoo jeeda lixda dal ee la mamnuucay.
Waxaa laga reebay Ciraaq oo ku jirtay amarkii hore kadib markii dawlada Ciraaq ay dadaal dheer u gashay in laga reebo liiska dalalka laga mamnuucay inay soo galaan Maraykanka iyadoo ku dooday in Ciraaq tahay dalka koowaad ee dagaalka kula jira kooxda IS.
Amarkan cusub ayaa kusoo aadaya iyadoo dawlada Maraykanka ay hareeyeen fadeexado ku aadan xiriirka Madaxweyne Donald Trump iyo madaxweynaha dalka Ruushka Vladamir Putin.
