Raiisul wasaaraha New Zealand ayaa sheegtay in dalkeedu diyaar ula tahay Australia inay qaadato magangalyodoonka lagu hayo xeryaha dibada. RW ayaa sheegtay in taasi wali miiska u saaran tahay haddii Australia ay doonayso.
Tan ayaa imanaysa iyadoo madaxda dalalka Pcifigu ay ku shirayaan jasiirada Nauru oo sidoo kale ka mid ah goobaha lagu hayo magangalyodoonka.
Wasiirada cusub ee arimaha dibada Australia Marise Payne ayaa la filayaa inay dhigeeda Mew Zealand kula kulanto darafaha shirka Nauru.
Ms Payne ayaa matalaysa RW Scott Morrison oo aan isagu ka qaybgalayn shirka.
Lagasoo bilaabo 2013 New Zealand waxay diyaar u ahayd inay qaadato 150 qof oo ku xiran jasiirada Manus ee PNG laakiin marwalba waxaa diidanaa dawlada Australia oo ku doodaysay in haddii ay ogolaadaan ay kuwa dadka tahriibiya u isticmaalayaan dariiq dadka kusoo tahriibiyaan iyagoo ku leh haddii Australia ku qaadan waydo New Zealand ayaa lagu gaynayaa.
RW Jacinda Ardern ayaa wariyaasha u sheegtay in New Zealand wali diyaar ula tahay haddii Australia ogolaato in magangalyodoonkaas aan deganaansho siino.
