Wiilka la xiray ayaa bolisku ku timaamen in uu 20 jir yahay, isagoo laga soo qabtay guri ku yaala xaafada Werribee saacadu markay ahayd sadexdii galabnimo ee maalintii Isniinta 27/11/2017.
Poliska ayaa sheegay in wiilku uu ku dhashay Australia, balse waalidkiisu ay kasoo jeedaan Somalia.
Sida lagu sheegay warbahinta, wiilka qabashadiisa waxaa iska kaashadeen Saraakiisha Poliska Victoria, Poliska Federalka iyo Hayada Sirdoonka Australia.
Kuxigeenka Madaxa Poliska Gobalka Victori/ Shane Patton, oo warbaahinta la hadlayay ayaa sheegay in wiilkan sababta loo qabtay ay tahay “ in uu qorshaynayay in uu weeraro banaanka Federation Squarka ee Melbourne, gobalka Vic, waqtiga dabaaldagyadau ay ka soconayaan habeenka sanadka cusub 2018.
Polisku waxaa kale oo ay sheegeen in wiilkani uu helay buug ay al-Qaacida soo saartay oo ay ku dhigantahay macluumaad ku saabsan sida loo fuliyo fal argaggixisannimo iyo sida loo adeegsado qoryaha
Polisku waxay sheegeen, wiilka la qabtay haatan in loo hayo si su’aala looga waydiiyo danbiyada lagu soo eedeeyay, oo ay ka mid yihiin qorshayn in uu fuliyo weerar argagixiso iyo xog uruurin sidii uu fududayn lahaa falal argagixisanimo.
