New South Wales ayaa laga diiwaan galiyay 11 kays oo cusub oo gobolka gudihiisa lagu kala qaaday kadib markii ay xanuunka iska baareen dad gaaraya 48 kun oo qof.
Ilaa iyo hadda 36 kays ayaa lala xariirinayaa qofkii ugu horeeyay ee laga helay COVID-19 ee xaafadda Bondi.
Nin 40 meeyo jir ah oo laga helay ayaan wali lala xariirin kays kale ama kaysaska Bondi.
Waxaa sidoo kale la diiwaan galiyay kays kale oo ah qof hoteel ku karantiilaan.
Dr Natalie Klees oo ka tirsan Wasaarada Caafimaadka NSW ayaa sheegtay in haraaga COVID-19 laga helay bulaacadaha wasaqda oo la baaray.
"Wasaarada Caafimaadka NSW oo sii wada barnaamujka baaritaanada bulaacadaha ayaa dhawaan la ogaysiiyay in haraadiga COVID-19 laga helay Bulaacadaha xaafadaha Castle Hill Glenhaven, Rouse Hill, Cronulla iyo Bellambi. Wasaaradu waxay kaloo la socotaa in dad dhawaan laga helay COVID-19 ay ku karantiilan yihiin xaafadahaas," ayaa tiri Dr Natalie.
