Premierka gobolka NSW Mike Baird ayaa ku dhawaaqay inuu siyaasada ka fariisanayo isagoo sheegay in cidii badali lahayd lagu dhawaaqidoono asbuuca soosocda.
"10 sano oo aan dadweynaha u shaqeeyay, 3 oo aan ahaa qasnajiga iyo 3 sano oo aan ahaa Premier, waxaan isleeyahay inay waqti ku haboon tahay in xilka dhiibo ayuu ugu sheegay Sydney, wax yar kadib markuu si lama filaan ah warbaahinta bulshada usoo dhigay inuu siyaasada ka fariisanayo.
Xaalada caafimaad oo la xariirta qoyskiisa ayaa go'aanka ka ahaa isagoo la tashaday xaaskiisa Kerryn ayuu yiri Mr Baird.
"Wax badan ayaad uga tanaasulaysaa shaqada dadweynaha" ayuu yiri Mr Baird isagoo ilin ka socoto xaaskiisa iyo sadexda caruurtaana intii uu socday shirka jaraaid.
Mr Baird ayaa sidoo yiri "Aaabahay, hooyaday iyo walaashay waxaa haysta xaalado caafimaad, runta hadaan is=diin sheegana mararka qaar waxaa xanuun igu hayay inaan waqti la qaadan karin"
Xisbiga Liberalka ayaa hogaamiye iyo Premier cusub doorandoona marka ay shiraan asbuuca soosocda, waxaana la filayaa in qasnajiyada Gladys Berejiklian ay qababto xukunka.
Mr Baird ayaa sheegay in go'aanka uu isaga casilay "premiernimada gobolka dalka ugu fiican waa siduu hadalka u dhigaye" uusan ahayn mid sahlanaa laakiin uu yimid waqti ku haboon.
