New Zealand waxay gabi ahaan cirib tirtay COVID-19 kadib markii saraakiisha caafimaadku ay sheegeen in qofkii u danbeeyay oo qabay xanuunka uu kasoo kabsaday, sidoo kalana aan kays laga helin dalka 17 maalmood isku xiga.
Guushan taariiqiga ah ayaa imanaya iyadoo dalku filayo inuu qaado dhamaan xanibaadihii saarnaa maalinta talaadada marka laga reebo xirirda xadka dalka.
RW Jacinda Ardern ayaa sheegtay in xafladaha gaarka ah iyo ku babliga ahba la qaban karo oo aysan wax xanibaada ah saarnayn, dukaamada iyo maqaayada ayaa sidii caadiga ahaa u furan, sidoo kalana gabi ahaanba gaadiidka dadweynuhu howlohoodii dib u bilaabayaan
"Waxaan ku kalsoonahay inaan ka cirib tirnay caabuqa dalkan NZ. Laakiin cirib tirku mid halkan ku eg ma ah. Waa dadaal soconaya. Waxaan hubnaa inay kaysas mar la arkidoono. Waxaa doonayaa inaan mar kale iraahdo, haddii taasi dhacdo macneheedu ma ah inaan guul daraysanay. Waa xaqaaqda sida caabuqan u shaqeeyo. Laakiin haddii ama markii ay dhacdo waa inaan hubino inaan diyaar u nahay," ayay tiri Rw Adern.
Ku dhawaad 300 oo kun oo qof ayaa laga baaray xanuunka dalka NZ, waxaana laga helay 1504 qof waxaan u dhintay 22 qof.
