Warbixin lagu daabacay wargayska Le Monde, ee kasoo baxa dalka Fransiiska ayaa sheegtay in Shiinuhu ay bassaaseen dhismaha midawga Afrika ee ku yaala Addis Ababa, Ethiopia.
Dhismahan la sheegay in la bassasay, oo ka kooban 20 dabaq, ayaa waxaa si buuxa u dhisay shiinaha, ooguna deeqay Midoowga Afrika, iyadoo la sheegay in ay ku baxday aduun dhan $ 200/ oo Million, lana furay sanadkii 2012.
Wargayska Le Monde ayaa waxa uu daabacay - isagoo kasoo xigtay ilo wareed Midoowga Afrika ah, oo aan la shaacin - in xogaha ku kaydsan Kombuyutarada xarunta Midoowga Afrika in si joogta ah, habeen kasta mudo shan sano gudahooda loogu wareejin jiray qalab yaala Shiinaha.
Warkan, oo ay Midoowga Afrika iyo Shiinuhuba beeniyeen, ayaa u muuqda mid xasaasiyad leh hadii ay cadaato in arintaasi ay jirto, iyadoo saamayni doonta xidhiidhka Midoowga Afrika iyo Shiinaha.
