Saudi Arabia ayaa si kumeel gaar ah u hakisay Muslimiinta dalkeeda usoo gala si ay gutaan Cimrada sababtoo ah cabsida laga qabo xanuunka coronavirus.
Isagoo soo xiganaya wasaarada arimaha dibada Sacuudi Arabia, Arab News Website ayaa soo wariyay in joojintan sidoo kale ay ku jirto inaan la booqon karin Masjidka Nabiga(CSS) ee Madina.
coronavirus, oo sidoo kale loo yaqaan COVID-19, ayaa caalamka oo dhan cabsi wayn ku haya wuxuuna ilaa hadda dilay 2,700 oo qof iyadoo quburada caafimaadku isku dayayaan inay daawo iyo talaal u helaan.
China oo ah halka uu kasoo bilowday kasokow wuxuu caabuqan ku fiday inka badan 30 dal oo ay ku jiraan Maraykanka, UK, Singapore, France, Russia, Spain iyo India.
Share
