Sam Dastyari, oo ahaa xubin ka tirsan xubnaha Laborka ee aqalka Senatka ee Australia, ayaa is casilay, kadib markii lagu soo eedeeyey in uu daacadnimadii wadanka Australia dhumiyay.
Dastyari eedaha loo soo jeedinayay ayaa waxa ay ahaayeen in uu xidhiid aan haboonayn, ama daacad ahayn uu shaqsiyaad Shiina ah la leeyahay , isaga oo si gaara loo magacaabay / Huwang She’ang-mor”, oo isagu maalqabeen siyaasiya, iskuna daya in uu saamayn ku yeesho siyaasada Australia.
Maalmihii na dhaafay ayaa waxaa isa soo tarayay eedeeymaha Dastyari, ee ku aadan in uu si anshaxa ka baxsan xidhiidha aan daacad ahayn oola sameeyay dhanka Shiinaha.
Hogaamiyaha mucaaradka / Bill Shorten, ayaa isagu ku tilmaamay go’aanka uu qaatay Dastyari, ee uu isku casilay in uu yahay go’aan saxa.
Dastyari ayaa isagu hadal uu jeediyay kadib is casilaadaas, waxa uu yidhi: waxa aan rumaysnahay in aan sharfay dhaartii aan baarlamaanka u dhaartay, si daacadnima ahna u dhaqmi jiray, aana daacad u ahaani doono Australia.
