Talaado 13 Maarso 2018 SBS Somali Melbourne, Australia : Shirkada DP World ee fadhigeedu yahay magaalada Dubai ee dalka isutaga imaaraadka carabta ayaa laga mamnuucay iney kahowlgasho gudaha dalka soomaliya kadib markii Baarlamanka Federalka ay kadoodeen heshiisyo ay horey ula gashay maamulada Puntland & Somaliland kuwaas oo kusaabsanaa Dekedaha Berbera iyo Boosaaso.
DP World ayaa saami dhan 51% qaadatay halka 19% lasiiyey Dolada Ethiopia 30% soo hartayna ay yeelatay Somaliland iyadoo horey bishii April ee sanadkii hore sidaas oo kale heshiis ula gashay Maamulka Puntland Dekedeeda Boosaaso, Mudanayaasha baarlamanka ayaa arintan ka fadhiisteen iyagoo dood dheer kayeeshay sidii laga yeelilahaa Heshiisyada DP World ee Somaliya waxaana ugu dambeyn ay kasoo saareen xeerar caalami ah oo ay ansixiyeen kuwaas oo markii dambe lagu dhawaaqay, DP Worldayaa ayaa loogu baaqay iney dalka aysan ka shaqeynkarin maadaama ay baalmartay shuruucda u degsan dalka.
Ugu dambeyn Madaxweynaha Somaliya Maxamed Cabdulahi faramaajo ayaa Qudbadii uu kajeediyey Kala fadhigii 3aad ee Baarlamanka Federalka ee Somaliya ku sheegay in dalkan shirkado iyo wadama shisheeyey aysan heshiisyo caalamai ah kafulinkarin iyagoo aan soo marin hay’adaha dastuuriga ee dalka, arintaas ayey daba joogtay go’aankii baarlamanka uu kaga mamnuucay shirkada DP Worldiney kahowlgasho Gayiga Somaliya .
