Ururka dhaqaatiirta Australia ayaa ugu baaqay dawlada Australia inay si degdeg uga saarto caruurta ku jira xerada qaxootiga ee Nauru.
A-M-A ayaa sidoo isku dayday inay ka dhaadhiciso dawladu inay wax ka badasho siyaasadeeda Nauru laakiin bishii lasoo dhaafay RW Scott Morrison ayaa diiday codsiga ururkan dhaqaatiirta.
Dr Paul Bauert oo ka tirsan A-M-A ahna dhaqtarka caruurta kuna soo daaweeyay bukaan jasiirada Nauru ayaa sheegay inay tahay xaalad murugo leh oo si sahlan looga baaqsan karay.
(("Caruurta Nauru ku jirta waxay u tahay siyaasad ulakac ah oo dawlada Australia ay ku doonayso in halkaas lagu hayo, waa siyaasad ulakac ah oo dhibaato wayn ku haysa. Waxaana anigu aaminsanahay kaysaska aan qiimeeyay inayba mucjiso tahay inaan wali dad ku dhiman.))ayuu yiri Dr Bauert.
