Dawlada maraykanka ayaa albaabada u xirtay xafiiska diblomaasiyada ee Falastiniyiintu ku lahaayeen caasimada Washington.
Talaabadan uu Maraykanku qaaday ayaa ah tii ugu danbaysay ee talaabooyin ka dhan ah Falastiniyiinta oo Marayknaku sheegay inay jawaab u tahay hakadka ku yimid wadahadaladii nadaba ee u dhexeeyay Falastiniyiinta iyo Isreal iyadoo Maraykanku hakadkaas ku eedaynayo Falastiniyiinta.
Talaabadan ayaa sidoo kale ah mid lagu ciqaabayo Falstiniyiinta oo isku dayay inay Isreal geeyaan maxmada danbiyada calamigaa ee fadhigeedu yahay Holland.
Maraykankan ayaa waligiis kasoo horjeeday maxkamada caalamiga ee danbiyada.
lataliyaha amaanka qaran ee Maraykanka John Bolten ayaa sheegay in maxkamada ay dhankooda ka dhimatay.
Isagoo intaa ku daray inaysan xaq u lahayn inay xakamayso Maraykanka iyo Isreal midna.
Waxaa hadaladiisii ka mid ahaa:
((Maamulka Trump ma ogolaanayo inuu furnaado xafiiska Falastiniyiintu inta Falstinyiintu ay diidan yihiin inay bilaabaan wadahadalka macna leh oo toos ah oo ay la galaan Isreal..Maraykanku wuxuu taageerayaa wadahadal nabadeed oo waxku ool ah, mana ogolaanayno in maxkamada caalamigaa ama urur kale inuu xakameeyo xaqa ay Isreal u leedahay inay is difaacdo"
