Madaxweynaha Maraykanka Donald Trump ayaa qirtay in wiilka uu dhalay uu kula kulmay saraakiil Ruush ah 2016 dabaqa Trump tower si loo siiyo macluumaad ka dhan Hillary Clinton oo ay doorashada isagasoo horjeedeen, Laakiin wuxuu kulankaas ku tilmaamay mid gabi ahaanba sharciga waafaqsan.
Mr Trump ayaa sidoo kale shaagay in kulamadan ay ahaayeen kuwo caadiyan siyaasada qayb ka ah oo aan waxba ka qaldanayn.
Madaxweynahan Jamhuuriga ah ayaa hore u sheegay in kulanka looga hadlay caruur Ruush ah oo waalidiin Maraykan ah ay korsadaan (Adoption).
Madaxweynaha ayaa bartiisa Twitherka ku qoray ujeedada kulanka oo ay wiilkiisa iyo qaar kale ku sheegeen inuu ah mid lagu raadinayay macluumaad dhaawac ku ah musharaxada xisbiga Dimoqraadiga.
Qoraalka uu Twitherka soo dhigay ayuu Trump ku dafiray warar ay shaaciyeen joornaalka Washington Post iyo CNN oo ay ku sheegeen in madaxweynuhu ka walaacsan yaha in wiilkiisa wayn ay dhibaato xaga sharcigaa uga timaado kulankan lala yeeshay shaqsiyaad Ruush ah oo ay ka mid tahay qareemad xiriir la leh aqalka looga taliyo Ruushka ee Kremilinka.
