Madaxweynaha Maraykanka Donald Trump, ayaa casilay Xoghayihii Arimaha Dibada ee Maraykanka Rex Tillerson. Casilaadan ayaa timid kadib mudo khilaaf si hoose u jiray, oo u dhexeeyay madaxweyne Donald Trump iyo Xoghayaha Arimaha Dibada ee Maraykanka Rex Tellerson.
Casilaada wasiirka ayaa timid isagoo booqasha dibada ah ku dhex jira, taasoo keentay in uu soo afjaro safartiisii, isagoo sida la xaqiijinayo casilaada wasiirka aan lagala tashanin, laguna wargalinin, kaliyana uu ka ogaaday barta Tweeterka ee Madaxweyne Trump, oo uu ku sheegay in uu casilay Rex, isagoo ooga mahad celiyay wax qabadkiisii.
Dhankiisa Rex Tillerson, ayaan wax hadala ka dhihin duruufta casilaadiisa, isagoo shir jaraa'id oo uu qabtay casilaada ka dib ku sheegay in uu si fudud ku samayni doono xil wareejintiisa, isagoo sheegay in uu bisha March dhamaadkeeda shaqadiisa oogu egtahay, kuna wareejin doono ku xigihiisa hawlihii uu hayay.
Donald Trump, ayaa isagu sheegay in Tillerson ay ku kala aragti duwanaayeen arima badan, oo ay oogu horeeyaan heshiiska nukliyeerka ee Iran, Kuuriyada Waqooyi iyo Ruushka.
Jagadan ayaa waxaa Donald Trump uu u magacaabay madaxa C I A da Maraykanka Mike Pompeo. Iyadoo uu u magacaabay madaxa CIA da, haweeneeydii ku xigaha u ahayd Mike Pempeo, Gina Haspel, iyadoo noqonaysa haweeneeydii oogu horaysay oo madax ka noqota CIA da.
