Madaxweynaha Maraykanka Donald Trump ayaa balanqaaday inuu soo afjarayo rabshadaha iyo fawdada ka socota dalka oo dhan.
Dibaxbaxyada ayaa ka qarxay dalka kadib dilkii George Floyd oo ahaa nin madowga Maraykanka ah oo ku dhintay gacanta booliska magaalada Minneapolis
Inkastoo qaar badan oo dibadbaxyaasha ah ay si nabad ah u mudaharaadeen, qaar kale ayaa ku kacay falal fawdo ah oo ay ku jiraan inay burburiyeen dhismayaal, boob baahsan iyo iska horimaadyo rabsdhado wata.
Madaxweyne Trump ayaa ku tilmaamay sida ay barasaabyadu uga jawaabeen rabshadaha mid "daciifnimo ah" isagoo ugu baaqay in isticmaalaan ciidanka National Guard si amniga dib loo soo celiyo.
"Burburinta nolosha dadka aan waxba galabsan iyo daadinta dhiiga dad aan waxba galabsan waa danbi ka dhan ah binaadinimada, waa danbi ilaahay laga galayo. Maraykanku wuxuu u baahan yahay in la dhiso ee uma baahna in la burburiyo. Wuxuu u baahan yahay iskaashi ee uma baahna xaqiraad. Wuxuu u baahan yahay amaan ee uma baahna fawdo. Wuxuu u baahan yahay bogsasho ee uma baahna nacayb. Wuxuu u baahan yahay cadaalad ee uma baahna isku dhexyaac. Tan ayaa ah ujeedadeena waana ku guulaysanaynaa 100%," ayuu yiri madaxweyne Trump.
