Cory Bernardi iyo George Christensen ayaa lagu wadaa inay ka qaybgalaan kulna lacag loogu aruurinayo kooxo kasoo horjeeda Islamka si ay isaga difaacaan dacwooyin sumcad dilid ah oo ku socda kooxdaas iyo shaqsiyaad la xariira.
Labo xildhibaan oo ka tirsan isbahaysiga ayaa ka qayb galaya kulan ay leeyihiin kooxda loo yaqaan Q Society oo lagu qabanayo Melbourne bisha soosocta iyadoo liiska dadka ka qudbaynaya lagu daray Senator Cory Bernardi.
Websiteka Q Society ayaa lagu sheegay in lacagta kasoo baxaysa cashadan lagu maalgalindoono qarashaadka kaga baxay dacwooyin ku socda ururka iyo labo shaqsi oo dacwadoodu ka socoto maxkamada sare iyadoo dacwadaas uu keenay Mohamed El-Mouehly oo madax ka ah hayada bixisa shahaadooyinka xalaasha wuxuuna ku doodayaa ina labadaas shaqsi ay sumacada ka dileen.
