Bilayska gobalka Queensland ee Australia ayaa ku eedeeyay laba dhalinyara ah in ay si ula kac ah dab u qabadsiiyeen degaan ka mida Queensland.
Labadan dhalinyaro - oo kala ah wiil 14 jira oo kasoo jeeda degaanka Peregian Springs iyo gabadh 15 jira oo kasoo jeeda degaanka Coolum Beach – ayaa la rumaysanyaha in ay iyagu sababeen dabka ka holcay degaanka Peregian, kaasoo gubay hal guri Isniintii lasoo dhaafay.
Goobtaasi dabku ka kacay ayaa haatan iyadu ka mida meelaha dabka laga xakameeyay, iyadoo qaar kamida dadkii degaanka ahaa ay dib oogu laabteen.
Sida lagu soo waramayo, labada gobol Queensland iyo New South Wale, goobo 100 gaadhaya ayaa wali gubanaya, balse xaalada haliseed ee dababkaas ayaa sii yaraanaysa. Dadka degaanka ayaa dhankooda lagula taliyay in ay digtooni qabaan mar walba, una dhag taagaan xaaladaha dabka.
