Madaxweynaha Russia Vladimir Putin, ayaa markii afraad ku guulaystay madaxtinimada wadanka, isagoo ku guulaystay wax ka badan 74% caodayntii la tiriyay.
Mr Putin, qofka oogu soo dhawaa dhanka codadka doorasha, ayaa noqday ninka u sharaxan Xisbiga Hantiwadaaga Pavel Grudinin, isagoo helay waxa ka badan 13% cod.
Putin, ayaa guushiisa ka dib isagoo la hadlayay taageerayaashiisha sheegay, in guushiisa madaxweynanimada ay tahay biloowga guulaysiga shacabka Russia.
Mr Vladimir Putin, oo wadanka Russia kasoo talinayay mudo gaadhaysa 20 sano, ayaa doorashadan la tartamay 7 murashaxiin, balse ninkii oogu daleecaynta badnaa Putin, oo ahaa Alexei Navalny ayaan loo diiday in uu doorashooyinka ka qayb galo, sababa la xidhiidha dhanka sharciga.
Doorashooyinkan ayaa sida ay kusoo waramayaa kormeerayaal madax banaan, ayaa la sheegay in ayna ka madhnayn khaladaad dhanka cod bixinta ah, iyadoo lasoo sheegay in ay jirto dad laga hor istaagay in ay codeeyaan, sidoo kalena la sheegay jiritaanka dad iyagu codeeyay in ka badan hal mar.
