Dowladda Soomaaliya ayaa sheegtay in weerarka lagu qaaday hotel Xayaat ee magaalada muqdisho oo socday mudo 30 saacadood ah la soo afjaray.
Weerarkan ayaa ahaa weerarkii ugu muddada dheeraa.
Taliyaha booliska Soomaaliya Cabdi Xasan Maxmed (Xijaar) ayaa warbaahinta u sheegay inay dad ka badan 100 qof ay ka soo badabaadiyeen hotelka.
Wararka ayaa sheegaya in ugu yaraan 20 qof ay ku dhinteen weerarkan mudada dheer socday.
Kooxda Al-Shabaab ayaa sheegatay mas’uuliyadda weerarka.
Cisbitaalada Digfeer iyo Madin ayaa sheegay in dad badan oo dhaawac ah la keenay cisbitaalada iyadoo qaarkood xaaladoodu liidato. Tidada dadka dhaawaca ah ayaa lagu sheegay inay 40 kir u dhaafayaan.
Weerarkan ayaa noqonaya kii u horeeyay ee noociisa ah oo kooxdan ay qaado wixii ka danbeeyay intii la doortay Madaxweynaha cusub Xasan Sheekh Maxamuud bishii May 15.
Al-Shabaab ayaa dagaal muddo dheer dagaal kula jirtay dowladda Federaalka.
