Premierada New South Wales Gladys Berejiklian ayaa sheegtay in xanibaadaha Sydney saaran ay shaqaynayaan, inkasta oo gobolka laga helay 18 kays oo cusub oo COVID-19 oo ah kuwo bulshada dhexdeeda la isku qaadsiiyay.
Waxay sheegtay inaan la sii saadaalin karin in xanibaadaha la sii kordhindoono iyo inkale marka la gaaro Jimcaha laakiin waxay rajaynaysaa inay go'aanka qaadida xanibaada lagu dhawaaqidoono markii kaysaska barito la shaaciyo.
Waxayna ugu baaqday in dadka deggan gobolka inay sii kordhiyaan tirada dadka iska baaraya xanuunka gaar ahaan dhalinyarada.
"Xalay NSW waxaa laga diiwaan galiyay 18 kays oo gobolka gudihiisa la isku qaadsiiyay. 11 ka mid ah waxay ahaayeen dad gabi ahaanba karantiilnaa halka 5 ka mid ah qayb ahaan karantiilnaayeen. Nasiibdaro labo ka mid ah iyagoo xanuunka qaba ayay bulshada ku dhex jireen," ayay tiri Ms Berejiklian.
Madaxa Caafimaadka Gobolka NSW Kerry Chant ayaa sheegtay in dadka deggan Galbeedka Sydney looga baahan yahay inay feejignaadaan ayna is baaraan. Waxaana la xasuusinayaa in dadka talaalka labaad uu u haray oo waqtigooda la gaaray ay balan dhigtaan si ay u qaataan talaalkooda labaad.
