Hogaamiyaha cusub ee xisbiga Nationalka, David Littleproud, ayaa sheegay inuu si adag uga shaqayndoono sidoo loo hubin lahaa in xisbigu gaaro heer uu guulo ka gaari karo doorashada federalka ee soosocota 2025.
Xildhibaanada xisbiga ayaa codayn ku kala doortay 3 musharax oo isu soo sharaxay hogaanka xisbiga halka sadex kale ay u tartameen ku xigeenka xisbiga.
Mr Littleproud oo ku guulaystay codaynta ayaa sheegay inuu raadinayo sidii dib loogu soo dhisi lahaa taageerada cod bixiyayaasha.
"Maanta, waxaa noo bilowday safarkii aan ugu soconay doorashada 2025. Waxaan ku bilaabaynaa safarkaas quwad iyo rayrayn anagoo og inkasta oo aan kuraasteenii xagsanay doorashadan, waxaa jira qataro soo fool leh. Waxaa jira caqabado soo socda. Laakiin diyaar ayaan u nahay inaan wajahno, kamana wado maadaama aan noqdo hogaamiye ee waxaa u diyaar ah xisbiga oo dhan. Maskaxda xisbiga oo dhan ayaan ku wajahaynaa mustaqbalka oo aan ugu shaqaynayno goboladda yaryar ee dalka. Taas ayaan cod ugu yeelanaynaa halkan Canberra," ayuu yiri Mr Littleproud.
Ku xigeenada hogaamiyaha cusub ee la doortay, Perin Davey ayaa iyaduna sheegtay in hogaanku hadda lee yahay go'aan adaygnimo cusub.
"Waxaa diirada saarayaa anoo la shaqaynaya David waa inaan isha ku hayno mustaqbalka. Waxaana sii wadaynaa inaan cod xoog leh u noqono gobolada yar yar. Waxaa nahay dad fikrado kala duwan isku biirinaya laakiin hal koox ah. Waxaana runtii ka miday sanahay in magaalooyinka yar yar ay lagama maarmaan u yihiin dhaqaalaha Australia." ayay tiri Ms Perin.
