Mai aprende fraze foun ida no halo ita-boot nia lian Inglés sai naturál no interesante liu tan. Liafuan sira ne'ebé ami uza maka série lian rua ne'ebé ajuda ita-boot atu komprende idioma sira hanesan 'GOAT'.
GOAT — karik ita-boot rona ona liafuan ida-ne'e antes. Se ita haree liafuan ne'e diretamente, ida ne'e signfika bibi, ka animál ida ho dikur no barba. Maibé iha lian Inglés, bainhira ita dehan ema ida maka GOAT, ida ne'e atu hatete katak sira maka di'ak liu iha tempu hotu, di'ak liu iha saida maka sira halo ou ka iha lian Ingles Greatest Of All Time.
Ohin, ita sei rona ida-ne'e iha situasaun oioin.
Bainhira ko'alia kona-ba atleta sira ne'ebé di'ak liu:
- Ha'u la fiar katak ó hanoin Ronaldo mak di'ak liu. Messi manán ona Kupa Mundial! Klaru katak nia mak GOAT (diak liu) iha joga futebol.
Ita-boot mós bele uza ida-ne'e ba ema ne'ebé halo buat ruma ho di'ak tebes, porezemplu iha serbisu fatin:
- Ha'u nia xefe husik ha'u mai tarde oras ida ohin - nia maka GOAT (laran diak)!
Liafuan ne'e mós util atu fó parabéns ba ema ne'ebé ajuda Ita:
- Obrigado ba hadi'a ha'u nia komputadór. Ita-boot mak GOAT (diak tebes)!
Uza ida-ne'e hanesan adjetivu, atu hatete katak buat ruma di'ak duni ka furak:
- Pizza ida-ne'e GOATED (gosto) tebes. Ami tenke fila fali semana oin!
Ida-ne'e mós bele sai útil se ita-boot joga video jogu sira:
- Jogu ida-ne'e Goated (diak tebes)
Explora liu tan series sira hotu iha Words we use by clicking here to listen!
Credits
Host: Nick Pagano
Written by: Nick Pagano
Graphic design: Dory Wang
Educational consultant: Professor Lynda Yates
Produced by: Dory Wang
