ཨོ་སི་ཊོ་ལི་ཡའི་ནང་ཏོག་དབྱིབས་ནད་དུག་གིས་རྐྱེན་པས་ཡུལ་སྐོར་སྤྲོ་འཆམ་བཀག་འགོག་དང་སྒོ་རྒྱག་དགོས་བྱུང་བས་སྔོན་དཔག་བྱས་ན་འདི་ལོའི་ཨོ་སི་ཊོ་ལི་ཡའི་གནས་སྤོས་ཡུལ་མིའི་མི་གྲངས་ཆེས་ཆེར་ཆག་རྒྱུ་ཡིན་པ་དེས་དཔལ་འབྱོར་དང་སྤྱི་ཚོགས་ནད་ཡམས་དེའི་ཁྲོད་ནས་སླར་གསོ་ཐུབ་པའི་དུས་ཚོད་འགོར་འགྱང་འགྲོ་སྲིད།
ཨོ་སི་ཊོ་ལི་ཡའི་ཡུལ་མི་གནས་སྤོ་འཆར་གཞི་དེས་ཉེ་བའི་ལོ་སུམ་ཅུའི་ནང་དཔལ་འབྱོར་འཕེལ་རྒྱས་ལ་ནུས་པ་ཆེན་པོ་ཐོན་ཡོད། འཛམ་གླིང་ས་གནས་ཁག་གི་མཐའ་མཚམས་སྒོ་རྒྱབ་པའི་རྐྱེན་གྱིས་ལོ་འཁོར་འདིར་ཨོ་སི་ཊོ་ལི་ཡར་གཞིས་ཆགས་པའི་གནས་སྤོས་ཡུལ་མིའི་བསྡོམས་འབོར（གནས་སྐབས་དང་ཡུན་རིང་གི་གནས་སྤོས་ཡུལ་མི་ཚུད་པ）དུས་ཡུན་རིང་པོའི་ནང་གི་གྲངས་འབོར་ཧ་ཅང་དམའ་པོ་ཆགས་ཡོད་འདུག
ཨོ་སི་ཊོ་ལི་ཡ་གཞུང་གིས་འགྲེལ་བརྗོད་བྱས་པ་ལྟར་ན། འདི་ལོའི་ལོ་སྟོད་ནས་བཟུང་གནས་སྐབས་ཐོངས་མཆན་ཡོད་མཁན་མི་གྲངས་ཁྲི་ ༣༠ ཙམ་ཨོ་སི་ཊོ་ལི་ཡ་ནས་ཕྱིར་ལོག་བྱས་པར་གཞིགས་ན། འདི་ལོའི་ལོ་མཇུག་ཏུ་སླེབས་སྐབས་ཨོ་སི་ཊོ་ལི་ཡའི་གནས་སྤོ་བ་མི་ཁྲི་ ༢༤ ཙམ་ཉུད་དུ་འགྲོ་རྒྱུ་ཡིན་འདུག
ཏོག་དབྱིབས་ནད་ཡམས་ཞི་འཇམ་དུ་ཕྱིན་ཚེས། ཨོ་སི་ཊོ་ལི་ཡའི་སྤྱི་ཚོགས་དང་དཔལ་འབྱོར་སླར་གསོ་དེ་གཞིས་སྤོ་བར་ཤུགས་ཆེ་བརྟེན་དགོས་ཀྱི་ཡོད་པ་དང་། ང་ཚོའི་གོམས་སྟབས་རྗེ་མར་མ་འོངས་པར་གཞིས་སྤོ་ཡུན་གནས་ཐུབ་པར་འབད་བརྩོན་བྱེད་དགོས་ཞེས་ཨོ་སི་ཊོ་ལི་ཡའི་རྒྱལ་ཡོངས་གཙུག་ལག་སློབ་གཉེར་ཁང་གི་མི་འབོར་རིག་པ་བ་སློབ་དཔོན་ལི་ཛི་ཨ་ལན་ (Liz Allen) མཆོག་གིས་ SBS གསར་ཁང་ལ་འགྲེལ་བརྗོད་གནང་འདུག
“ང་ཚོའི་མི་འབོར་ཆེན་པོ་རྒས་ཁོག་ཅན་དུ་འགྱུར་བཞིན་ཡོད། ལས་འཁྱུར་ངལ་གསོའི་མི་གྲངས་ནི་ངལ་རྩོལ་ནུས་ཤུགས་ཁྲོམ་རར་ཞུགས་མཁན་ལས་མང་བ་ཡོད” འདིས་ང་ཚོའི་ཁྲལ་བསྡུའི་རྨང་གཞི་འཇལ་མཁན་ཇེ་ཉུང་དུ་སོང་བ་མཚོན། ཁྲལ་བསྡུའི་རྨང་གཞི་ནི། ང་ཚོའི་ཞབས་ཞུ་གལ་ཆེན་ཁག་སྟེ། ང་ཚོའི་ལམ་ཁ་དང་། ང་ཚོའི་རྨང་གཞིའི་སྒྲིག་བཀོད། ང་ཚོའི་སྨན་ཁང་། ང་ཚོའི་སློབ་གྲྭ་སོགས་ཡོད་ཚད་ཆགས་ཡོད། ང་ཚོའི་གནས་སྤོས་ཡུལ་མི་བསྡུ་ལེན་བྱས་ཚེ་སྟོང་ཆ་གསབ་རྒྱུར་ཕན་ཐོགས་ཡོད་ཅེས་གསུངས་འདུག
ཨོ་སི་ཊོ་ལི་ཡའི་ ༢༠༡༩ ལོ་ནས་ ༢༠ ལོའི་བར་གྱི་གཏན་སྡོད་གནས་སྤོས་ཡུལ་མིའི་འཆར་གཞིའི་ཚད་གཞི་དེ་“སྔོན་དཔག་ལས་དམའ་བ”དང་ད་ཆ་ཨོ་སི་ཊོ་ལི་ཡ་གཞུང་གིས་གཏན་འཁེལ་བྱས་པའི་མི་གྲངས་ཁྲི་ ༡༦ གི་ཚད་གཞི་ལས་ཧ་ཅང་ཉུང་བ་ཆགས་ཡོད་འདུག
