ཏོག་དབྱིབས་ནད་ཡམས་སྐོར་ཉིན་ལྟར་གནས་ཚུལ་གསར་པ་ཁ་སྣོན་བྱས་པ་དབྱིབས་ཡིག་ནང་དྲ་ཐག་འདི་ནས་གཟིགས་རོགས། SBS News Covid-19
ཨོ་སི་ཊོ་ལི་ཡའི་ནང་ཏོག་དབྱིབས་ནད་དུག་གི་འགོག་ཁབ།
ཨོ་སི་ཊོ་ལི་ཡ་གཞུང་གིས་ཨོ་སི་ཊོ་ལི་ཡའི་མི་མང་ཚང་མ་ལ་བདེ་འཇགས་དང་ཕན་ནུས་ལྡན་པའི་ཏོག་དབྱིབས་འགོག་ཁབ་གང་མགྱོགས་རག་ཐབས་གནང་བཞིན་ཡོད་པ་རེད།
ཁྱེད་རང་ལ་ཏོག་དབྱིབས་འགོག་ཁབ་གང་ནས་རག་གི་ཡོད་མེད་དང་ག་པར་དུས་ཆད་ཐོ་འགོད་བྱེད་དགོས་མིན་དྲ་ཚིགས་འདི་ནས་གཟིགས་ https://covid-vaccine.healthdirect.gov.au/
གལ་སྲིད་ཁྱེད་རང་ལོ་ན་ ༤༠ དང་དེ་ལས་རྒན་པ་ཡིན་ཚེ་ཏོག་དབྱིབས་འགོག་ཁབ་འོས་བབ་ཡོད། གལ་སྲིད་ཁྱེད་རང་ལོ་ན་ ༡༦ ནས་ ༣༩ བར་ཡིན་རུང་ད་དུང་ཏོག་དབྱིབས་འགོག་ཁབ་རག་གི་ཡོད། ཁྱེད་རང་ལ་ཏོག་དབྱིབས་འགོག་ཁབ་རག་གི་ཡོད་མེད་དྲ་ཚིགས་འདི་ནས་གཟིགས་རོགས།
ཁྱེད་རང་གི་རྒྱུན་བསྟེན་སྨན་པར་ཏོག་དབྱིབས་འགོག་ཁབ་ཐོ་འགོད་བྱེད་ཆོག་གི་ཡོད་པ་དང་། ཏོག་དབྱིབས་འགོག་ཁབ་སྐོར་དྲ་ཚིགས་འདི་ནས་ཁྱེད་རང་གི་སྐད་ཡིག་ནང་གཟིགས་ཐུབ་ https://www.health.gov.au/initiatives-and-programs/covid-19-vaccines/covid-19-vaccine-information-in-your-language
འགོག་ཁབ་གང་ཞིག་ངོ་སྤྲོད་བྱས་ཡོད་དམ།
ཨོ་སི་ཊོ་ལི་ཡ་འགོག་ཁབ་ཆེད་མཁས་སློབ་སྟོན་ཚོགས་ཆུང་གིས་ལོ་ན་ ༡༦ ནས་ ༥༩ བར་རྣམས་ལ་ཧྥི་ཛར་གྱི་འགོག་ཁབ་ངོ་སྤྲོད་གནང་ཡོད།
མ་ཚད་ལོ་ན་ ༡༨ ནས་ ༥༩ བར་རྣམས་ལ་ཨ་སི་ཋར་ཛ་ནིང་ཀའི་འགོག་ཁབ་ཀྱང་རྒྱག་གི་ཡོད་པ་རེད།
གལ་སྲིད་ཁྱེད་རང་ལ་ད་ལྟའི་ཆར་འགོག་ཁབ་རག་མེད་པ་དང་། ལོ་ན་ ༡༨ དང་དེའི་ཡན་ཡིན་ཚེ་འགོག་ཁབ་རེ་འདུན་ཞུས་ཆོག
ཨོ་སི་ཊོ་ལི་ཡའི་ནང་ལོ་ན་ ༡༦ ལས་ཆུང་བ་རྣམས་ལ་ད་དུང་འགོག་ཁབ་རྒྱག་རྒྱུ་ཐག་གཅོད་བྱས་མེད་པ་རེད།
ཏོག་དབྱིབས་ནད་ཡམས་དང་འབྲེལ་བའི་སེམས་ཁམས་འཕྲོད་བསྟེན་རོགས་རམ།
ཨོ་སི་ཊོ་ལི་ཡ་གཞུང་གིས་ཏོག་དབྱིབས་ནད་ཡམས་དང་འབྲེལ་བའི་སེམས་ཁམས་འཕྲོད་བསྟེན་དཀའ་ངལ་འཕྲད་རིགས་ལ་གནས་ཚུལ་མཁོ་སྤྲོད་དང་ཏོག་དབྱིབས་ནད་ཡམས་འགོས་ཁྱབ་སྐབས་དང་ཟུར་བཀག་དུ་སྡོད་རིང་སེམས་ཁམས་འཕྲོད་བསྟེན་བདག་གཅེས་གང་འདྲ་བྱེད་དགོས་མིན་ལམ་སྟོན་གནང་ཡོད།
ཨོ་སི་ཊོ་ལི་ཡ་གཞུང་གིས་ལོ་ལྟར་ཏོག་དབྱིབས་ནད་ཡམས་མི་མང་རྣམས་ལ་སེམས་ཁམས་གསོ་དཔྱད་སྨན་བཅོས་ལྟ་སྐྱོང་རིགས་ ༡༠ གསར་སྣོན་བྱས་ཡོད་འདུག
ཏོག་དབྱིབས་ནད་ཡམས་སྐབས་དཔལ་འབྱོར་དཀའ་ངལ་རོགས་རམ།
གལ་སྲིད་ཁྱེད་རང་དཔལ་འབྱོར་དཀའ་ངལ་ཡོད་ཚེ་ཏོག་དབྱིབས་ནད་ཡམས་སྐབས་རྒྱལ་ཡོངས་དཔལ་འབྱོར་རོམ་རམ་ཞབས་ཞུ་འབྲེལ་གཏུགས་ཁ་པར་ཨང་གྲངས་ 1800 007 007 ཐོག་འབྲེལ་བ་གནང་དགོས།
རོགས་དངུལ་དེ་བཞིན་ལས་ཀ་བྱེད་མཁན་སུ་ཞིག་ཟུར་བཀག་དུ་སྡོད་དགོས་འཁེལ་ནས་ཡོང་སྒོ་གསོག་མ་ཐུབ་པའམ། ཡང་ན་ཏོག་དབྱིབས་ན་ཚ་འགོས་ཡོད་མཁན་རིགས་ལ་ཐོབ་ཀྱི་ཡོད།
གཤམ་དུ་ཨོ་སི་ཊོ་ལི་ཡའི་ནང་མངའ་སྡེ་དང་ས་ཁུལ་ཁག་སོ་སོ་ནས་རོགས་རམ་གནང་ཕྱོགས་ཐད་གཟིགས་རོགས།
- ནེའུ་སོ་ཐི་ཝལ། NSW
- ཝི་ཊོ་རི་ཡ། Victoria
- ཁུན་སི་ལན་ཌི། Queensland
- ལྷོ་ཕྱོགས་མངའ་སྡེ། South Australia
- རྒྱལ་ས་མངའ་ཁུལ། ACT
- ནུབ་ཕྱོགས་མངའ་སྡེ། Western Australia
- ཏཱ་སི་མ་ནིང་ཡ། Tasmania
ཏོག་དབྱིབས་ན་ཚ་འགོས་ཁྱབ་གང་འདྲ་འགྲོ་གི་ཡོད་པ་དང་སྔོན་འགོག་གང་འདྲ་བྱེད་དགོས་སམ།
ཏོག་དབྱིབས་ན་ཚ་དེ་བཞིན་མི་ནས་མི་ལ་འགོས་ཀྱི་ཡོད།
- ཏོག་དབྱིབས་ན་ཚ་འགོས་ཡོད་པ་དང་ན་ཚ་ཡོད་མཁན་ནད་རྟགས་མ་ཐོན་སྔོན་ནས་ཀྱང་མི་དེ་རིགས་དང་ཐག་ཉེ་འབྲེལ་འདྲིས་བྱུང་བ།
- ཏོག་དབྱིབས་ན་ཚ་འགོས་ཡོད་པ་གཏན་འཁེལ་བྱུང་རྗེས་མི་དེས་གློ་རྒྱག་པ་དང་སྣ་ཆུ་སོགས་ནས་འགོས་ཀྱི་ཡོད།
- ཏོག་དབྱིབས་ན་ཚ་འགོས་ཡོད་པའི་མིས་དཔེར་ན་སྒོ་དང་ཅོག་རྩེའི་ལག་བཟུང་ཐོག་ལ་གློག་བརྒྱབ་པ་དང་སྣ་ཆུ་བྱུག་པ་དེའི་ཐོག་ལ་ཁྱེད་རང་གིས་ལག་པ་འཆང་རྗེས་རང་ཉིད་ཀྱི་ཁ་ངོ་ལ་ཐུག་རེག་བྱས་ཚེ་ན་ཚ་འགོས་ཀྱི་ཡོད།
ཁྱེད་རང་གིས་ཏོག་དབྱིབས་ན་ཚ་སྔོན་འགོག་ཆེད་གློ་རྒྱག་དུས་དང་སྣ་ཆུ་འཛག་དུས་གཙང་ལ་བྱེད་དགོས་པས་མ་ཚད་མི་གཞན་དང་བར་ཐག་འཇོག་པ་ནི་ཏོག་དབྱིབས་སྔོན་འགོག་ཀྱི་ཐབས་ལམ་ཡག་ཤོས་དེ་ཡིན། དེར་བརྟེན་ཁྱེད་རང་གིས།
- རྒྱུན་དུ་མི་གཞན་དང་བར་ཐག་རྨིད་ ༡་༥ བཞག་དགོས་པ་མ་ཚད། མི་གཅིག་སྡོད་སའི་བར་སྟོང་ས་ཁྱོན་རྨིད་གྲུ་བཞི་མ་ ༤ ཡོད་དགོས།
- ཁ་ལག་བཟས་པའི་སྔ་རྗེསདང་གསང་སྤྱོད་ལ་རྗེས་ལག་པ་ཆུ་དང་ཡི་ཙེ་ཡིས་ཡང་ཡང་བཀྲུ་དགོས་པ་ཡིན།
- གློ་རྒྱག་པ་དང་སྣ་ཆུ་འཛག་དུས་གཙང་ཤོག་གིས་གོ་རིམ་ལྟར་འཕྱི་དགོས་པ་དང་ཨ་རག་ལྡན་པའི་དུག་འགོག་སྨན་གྱིས་ལག་པ་དུག་སེལ་བྱེད་དགོས།
- གལ་སྲིད་ཁྱེད་རང་གཟུགས་གཞི་བདེ་པོ་མེད་ཚེ་མི་གཞན་དང་ཐུག་འཕྲད་བྱ་མི་རུང་ལ་གཞན་ལས་བར་ཐག་རྨིད་ ༡་༥ འཇོག་དགོས་པ་ཡིན།
ཨོ་སི་ཊོ་ལི་ཡ་གཞུང་གིས་ཨོ་སི་ཊོ་ལི་ཡའི་ནང་གནས་སྡོད་བྱེད་མཁན་ཚང་མས་ཏོག་དབྱིབས་སྔོན་འགོག་གཉེན་ཆས་ COVIDSafe app རང་ཉིད་ཀྱི་ཁ་པར་ནང་ཕབ་ལེན་གནང་དགོས་པའི་འབོད་སྐུལ་བྱས་ཡོད།
གལ་སྲིད་ཁྱེད་རང་ལ་ནད་རྟགས་ཐོན་ཚེ་བརྟག་དཔྱད་བྱེད་དགོས་པ་ཡིན།
ཏོག་དབྱིབས་ན་ཚ་འགོས་ཡོད་ཚེ་ནད་རྟགས་ཁག་ཅིག་རྒྱུན་དུ་ཆམ་པ་དང་ཆམ་རིམས་ཀྱི་ནད་རྟགས་ལྟར་བུ་ཡོད་པ་ཡིན། དཔེར་ན།
- ཚ་བ་འཕར་བ།
- མིད་པ་ཚ་བ།
- གློ་རྒྱག་པ།
- ཐང་ཆད་པ།
- དབུགས་གཏོང་ལེན་དཀའ་བ།
- གཞན་ཡང་ནད་རྟགས་སྣ་ཆུ་འཛག་པ་དང་། མགོ་ན་བ། ཤ་ཚུགས་དང་ལྷུ་ཚིགས་ན་བ། ཞེ་མེར་ལངས་བ། གྲོད་ཁོག་བཤལ་བ། རོ་དྲི་དང་བྲོ་བ་བརླག་པ། ཡི་ག་མེད་པ། ཐང་ཆད་པ་སོགས་འབྱུང་གི་ཡོད།
འཕྲོད་བསྟེན་འགན་འཁུར་མི་སྣས་ཏོག་དབྱིབས་ན་ཚ་བརྟག་དཔྱད་བྱེད་ས་ COVID19 Symptom Checker བཟོས་ཡོད་པས་ཁྱེད་རང་ཉིད་ཀྱི་ནང་ནས་བརྟག་དཔྱད་བྱེད་ཆོག
གལ་སྲིད་ཁྱེད་རང་ལ་ཏོག་དབྱིབས་ནད་རྟགས་ཐོན་ཚེ་སྨན་པར་ཁ་པར་བཏང་ནས་དུས་ཚོད་བཟོ་བའམ་རྒྱལ་ཡོངས་ཏོག་དབྱིབས་ནད་དུག་འཕྲོད་བསྟེན་ཛ་དྲག་འབྲེལ་གཏུགས་ཨང་གྲངས་ 1800 020 080 ཐོག་འབྲེལ་བ་བྱེད་དགོས་པ་ཡིན། མ་གཏོགས་སྨན་ཁང་དང་སྨན་དཔྱད་ཁང་དེ་འདྲར་ཁྱེད་རང་ལ་ཏོག་དབྱིབས་ནད་དུག་འགོས་ཡོད་ཚུལ་བརྡ་ལན་གང་ཡང་མ་སྤྲད་པར་ཁ་ཐུག་འགྲོ་མི་རུང་། གོང་གི་ཁ་པར་དེ་ཆུ་ཚོད་ ༢༤ རིང་ཞབས་ཞུ་ཡོད།
གང་དུ་ཁྱེད་རང་གིས་བརྟག་དཔྱད་བྱེད་ས་རག་གི་རེད་དམ།
གཤམ་གསལ་དྲ་ཐག་དེ་ལ་བསྣུན་དང་མངའ་སྡེ་དང་ས་ཁུལ་སོ་སོ་ནས་བརྟག་དཔྱད་བྱེད་ས་ཤེས་ཐུབ།
- ནེའུ་སོ་ཐི་ཝལ། NSW
- ཝི་ཊོ་རི་ཡ། Victoria
- ཁུན་སི་ལན་ཌི། Queensland
- ལྷོ་ཕྱོགས་མངའ་སྡེ། South Australia
- རྒྱལ་ས་མངའ་ཁུལ། ACT
- ནུབ་ཕྱོགས་མངའ་སྡེ། Western Australia
- ཏཱ་སི་མ་ནིང་ཡ། Tasmania
- བྱང་ཕྱོགས་མངའ་སྡེ། Northern Territory
གལ་སྲིད་ཁྱེད་རང་ལ་ཏོག་དབྱིབས་ན་ཚ་འགོས་ཡོད་པ་ཤེས་རྟོགས་བྱུང་ཚེ་དེ་མ་ཐག་ངེས་པར་དུ་ཟུར་བཀག་ལ་སྡོད་དགོས་པ་ཡིན།
- སློབ་གྲྭ་དང་ཚོང་ར། བུ་བཅོལ་ཁང་། གཙུག་ལག་སློབ་གཉེར་ཁང་སོགས་མི་མང་འདུ་འཛོམས་བྱེད་སར་འགྲོ་མི་ཉན།
- མི་གཞན་ཞིག་ལ་ཁ་ལག་དང་དགོས་མཁོ་རིགས་ཁྱེད་རང་གི་སྒོའི་འགྲམ་ལ་སྐྱེལ་རོགས་ཞེས་རེ་སྐུལ་ཞུ་དགོས།
- རྒྱུན་དུ་ནང་ལ་ཁྱེད་རང་དང་མཉམ་དུ་སྡོད་མཁན་ལས་མི་གཞན་དང་ཁྱིམ་ཚང་གཞན་སར་འགྲོ་མི་རུང་།
ཏོག་དབྱིབས་ན་ཚ་དེ་སུ་ལ་ཉེན་ཁ་ཆེ་བ་ཡོད་དམ།
མི་ཁ་ཤས་ལ་ཏོག་དབྱིབས་ན་ཚ་འགོས་ཀྱང་ན་མི་སྲིད། ཁ་ཤས་ལ་ནད་རྟགས་ཙམ་ཐོན་གྱི་ཡོད་ཀྱང་མགྱོག་པོ་དྲག་འགྲོ་བཞིན་ཡོད། ཁ་ཅིག་ལ་མགྱོག་པོ་དང་ན་ཚ་ལྗིད་མོ་ཕོག་གི་ཡོད། དེ་སྔོན་ཉམས་མྱོངས་ལྟར་ན་གཤམ་གསལ་མི་སྣ་དེ་དག་ལ་ཉེན་ཁ་ཆེ་བ་ཡོད།
- ཨེ་བྷོ་རི་ཇི་ན་དང་ཐོ་རི་སི་གླིང་ཕྲན་གྱི་མི་ལོ་ན་ ༥༠ ལས་བརྒལ་བ་དང་ན་གཅིག་དང་དེ་ལས་མང་བ་ཡོད་མཁན་གྱི་ནད་གཅོང་རིགས།
- ལོ་ན་ ༦༥ ལས་བརྒལ་བའི་མི་དང་ནད་གཅོང་། གཞན་ཡང་ནད་གཅོང་གི་རིགས།
- ལོ་ན་ ༧༠ དང་དེ་ལས་བརྒལ་བ།
- ལུས་ཟུང་ཉམས་པའི་མི།
ངས་ཁ་རས་གྱོན་དགོས་སམ།
ཨོ་སི་ཊོ་ལི་ཡའི་ནང་མངའ་སྡེ་དང་ས་ཁུལ་ཁག་ཅིག་གིས་ཁ་རས་གྱོན་དགོས་པའི་གཏན་འབེབས་བྱས་ཡོད། གལ་སྲིད་གནས་སྟངས་ལ་དཔག་པའི་ཁྱེད་རང་གི་མངའ་སྡེ་དང་ས་ཁུལ་ནང་་སྒྲིག་གཞི་འགྱུར་བ་ཕྱིན་ཚེ་དེ་བཞིན་ལམ་སྟོན་ལྟར། ས་གནས་ཀྱི་གནས་སྟངས་གསར་པ་དུས་ནས་དུས་སུ་གཟིགས་དགོས་པ་ཡིན།
མངའ་སྡེ་དང་ས་ཁུལ་སོ་སོར་གཞུང་གིས་ཁ་རས་སྐོར་གཞུང་གིས་གསར་སྣོན་བྱས་པའི་གནས་ཚུལ་གསར་པ་གཤམ་དུ་གཟིགས་རོགས།
- ཨོ་སི་ཊོ་ལི་ཡའི་རྒྱལ་ས་མངའ་ཁུལ། Australian Capital Territory
- ནེའུ་སོ་ཐོ་ཝལ། New South Wales
- བྱུང་ཕྱོགས་མངའ་སྡེ། Northern Territory
- ཁུན་སི་ལན་ཌི། Queensland
- ལྷོ་ཕྱོགས་མངའ་སྡེ། South Australia
- ཏཱ་སི་མ་ནིང་ཡ། Tasmania
- ཝི་ཊོ་རི་ཡ། Victoria
- ནུབ་ཕྱོགས་མངའ་སྡེ། Western Australia
གལ་སྲིད་ཁྱེད་རང་གིས་ཁ་རས་གྱོན་ཚེ་ཁ་རས་ཚད་ལྡན་གྱོན་དགོས་པ་ཡིན།
- ཁ་རས་མ་གྱོན་སྔོན་དང་མ་ཕུད་སྔོན་ལ་ཁྱེད་རང་གི་ལག་པ་གཉིས་དུག་སེལ་བྱེད་དགོས་པ་ཡིན།
- ཁ་རས་དེ་ཁ་དང་སྣ་ཆ་ཚང་ལེགས་པར་ཁེབས་པ་ཞིག་གྱོན་དགོས།
- ཁ་རས་ཡར་གྱོན་དུས་དང་མར་ཕུད་དུས་ཁ་རས་ཀྱི་མདུན་དེར་ལག་པ་འཆང་མི་རུང་།
- ཁ་རས་དེ་བཞིན་ཁྱེད་རང་གི་སྣ་འོག་དང་སྐེ་འོག་ལ་དཔྱང་མི་རུང་།
- བསྐྱར་སྤྱོད་བྱེད་ཆོག་པའི་ཁ་རས་རྣམས་བཀྲུས་ནས་སྐམ་རྗེས་ད་གཟོད་གྱོན་ཆོག་པ་ལས། ཐེངས་གཅིག་ལས་སྤྱོད་མི་ཆོག་པའི་ཁ་རས་རྣམས་བསྐྱར་དུ་བེད་སྤྱོད་བྱེད་མི་རུང་།
ཨོ་སི་ཊོ་ལི་ཡར་འགྲུལ་བསྐྱོད་དང་ནང་ཁུལ་དུ་འགྲུལ་བསྐྱོད།
མངའ་སྡེ་དང་ས་ཁུལ་སོ་སོ་ནས་དམ་བསྒྲགས་དང་ས་མཚམས་བཀག་བསྡོམས་བྱེད་ཆོག་གི་ཡོད།
འགན་འཁུར་ལྡན་པའི་ཁ་བྱང་ཡིག་ཆ་བསྡུ་ཉར།
ཕྱི་ལོ་ ༢༠༢༠ ཟླ་ ༡༠ ཚེས་ ༡ ནས་བཟུང་མངའ་སྡེ་དང་ས་ཁུལ་ཕན་ཚུན་བར་གནམ་ཐོག་འགྲོ་འོངས་སྐབས་མིང་དང་། གློག་འཕྲིན་ཁ་བྱང་། ཁ་པར་ཨང་གྲངས། མངའ་སྡེའི་ནང་སྡོད་གནས་ཁ་བྱང་བཅས་བསྡུ་ལེན་བྱེད་ཀྱི་ཡོད།
རྒྱལ་ནང་སྤྱི་དམངས་འགྲིམ་འགྲུལ་རྩ་འཛིན་ཁག
སྤྱི་དམངས་འགྲིམ་འགྲུལ་ཞབས་ཞུ་སྡེ་ཚན་ཁག་ལ་མངའ་སྡེ་དང་ས་ཁུལ་སོ་སོར་འགན་འཁུར་ཆེན་པོ་ཡོད་པ་དང་། རྒྱལ་ཡོངས་བློན་ཆེན་ལྷན་ཚོགས་ནས་སྤྱི་དམངས་འགྲིམ་འགྲུལ་མཉམ་འབྲེལ་ལས་ཀ་བྱེད་མཁན་དང་། འགྲུལ་པ་རྣམས་ཀྱི་འཕྲོད་བསྟེན་བདེ་འཇགས་དང་རྩ་འཛིན་ལམ་སྟོན་ནན་མོ་གནང་ཡོད། དེ་ཡང་ཁྱེད་རང་གཟུགས་གཞི་བདེ་པོ་མེད་ཚེ་འགྲིམ་འགྲུལ་གནང་རྒྱུ་མེད་པ་དང་། ཁ་ལོ་བ་དང་འགྲུལ་པ་གཞན་ལས་བར་ཐག་འཇོག་དགོས་པ། ཤོག་དངུལ་སྤྲོད་ལེན་མི་རུང་བ་བཅས་ལམ་སྟོན་གནང་ཡོད།
འགྲིམ་འགྲུལ་དམ་བསྒྲགས།
ཨོ་སི་ཊོ་ལི་ཡ་གཞུང་གི་རྒྱལ་སྤྱི་མཁའ་འགྲུལ་ཐད་དུས་ནས་དུས་སུ་བསྐྱར་ཞིབ་གནང་གི་ཡོད། དེས་ཁྱེད་རང་ཨོ་སི་ཊོ་ལི་ཡར་འཕུར་བསྐྱོད་བྱ་རྒྱུར་ཤུགས་རྐྱེན་ཐེབས་ཀྱི་ཡོད། གནས་ཚུལ་ཁག་དུས་ནས་དུས་སུ་འགྱུར་བ་འགྲོ་བཞིན་ཡོད་པ་རེད། འགྲིམ་འགྲུལ་སྐོར་ཞིབ་ཕྲ་གནས་ཚུལ་གསར་ཤོས་འདི་ནས་གཟིགས་ Smart Traveller
མངའ་སྡེ་དང་ས་ཁུལ་སོ་སོ་ནས་ཟུར་བཀག་དང་བརྟག་དཔྱད་དོ་དམ་སྐོར་གཤམ་དུ་གཟིགས།
- ནེའུ་སོ་ཐི་ཝལ་མངའ་སྡེ། NSW Travel & transport and Quarantine
- ཝི་ཊོ་རི་ཡ། VIC Travel permit, Overseas travellers and Quarantine
- རྒྱལ་ས་མངའ་ཁུལ། ACT Transport and Quarantine
- བྱང་ཕྱོགས་མངའ་སྡེ། NT Travel and Quarantine
- ཁུན་སི་ལན་ཌི། QLD Travel and Quarantine
- ལྷོ་ཕྱོགས་མངའ་སྡེ། SA Travel and Quarantine
- ཏཱ་སི་མ་ནིང་ཡ། TAS Travel and Quarantine
- ནུབ་ཕྱོགས་མངའ་སྡེ། WA Travel and Quarantine
གལ་སྲིད་ཁྱེད་རང་རྒྱལ་ཁབ་གཞན་ལ་འགྲོ་དགོས་ཚེ། གཤམ་གསལ་གྱི་སྡེ་ཚན་གང་རུང་ཞིག་དང་འབྲེལ་བ་ཡོད་ཚེ་དྲ་ཐོག་ནས་སྙན་ཞུ་འབུལ་ཐུབ་ཀྱི་ཡོད་སྲིད།
- ཁྱེད་རང་གི་འགྲུལ་བཞུད་དེ་ཏོག་དབྱིབས་ན་ཚ་འགོས་ཁྱབ་སྐོར་དང་དེ་ཡང་སྔོན་འགོག་ཁྱབ་བསྒྲགས་དང་འབྲེལ་བ་ཡོད་པ།
- ཁྱེད་རང་གི་འགྲུལ་བཞུད་དེ་བཟོ་ཚོང་ཁང་གི་ཛ་དྲག་གི་ཕྱིར་གཏོང་ནང་འདྲེན་དང་འབྲེལ་བ་ཡོད་པ།
- ཁྱེད་རང་གི་འགྲུལ་བཞུད་དེ་ཨོ་སི་ཊོ་ལི་ཡའི་ནང་མཐུན་རྐྱེན་མེད་པའི་སྨན་བཅོས་དང་འབྲེལ་བ་ཡོད་པ།
- ཁྱེད་རང་གི་འགྲུལ་བཞུད་དེ་ལྡོག་ཐབས་མེད་པའི་མི་སྒེར་གྱི་གནས་ཚུལ་དང་འབྲེལ་བ་ཡོད་པ།
- ཁྱེད་རང་གི་འགྲུལ་བཞུད་དེ་དགེ་རྩ་དང་འགྲོ་བ་མིའི་གཞི་རྩའི་ཀུན་སྤྱོད་དང་འབྲེལ་བ་ཡོད་པ།
- ཁྱེད་རང་གི་འགྲུལ་བཞུད་དེ་རྒྱལ་ཁབ་ཀྱི་ཁེ་ཕན་དང་འབྲེལ་བ་ཡོད་པ།
གཞུང་འབྲེལ་གནས་ཚུལ།
- ཨོ་སི་ཊོ་ལི་ཡ་གཞུང་གིས་ཏོག་དབྱིབས་ནད་ཡམས་སྔོན་འགོག་ཐད་དོ་དམ་གང་འདྲ་བྱེད་བཞིན་ཡོད་མེད་འདིར་གཟིགས་ Government response to the outbreak.
- ཏོག་དབྱིབས་ནད་ཡམས་སྐོར་དབྱིན་ཡིག་ནང་ཞིབ་ཕྲ་གནས་ཚུལ་འདིར་གཟིགས་ Australian Government Department of Health.
- ནང་སྲིད་ལས་ཁུངས་དང་ཨོ་སི་ཊོ་ལི་ཡ་ཚོགས་སྡེ་ཁག་གི་གནས་ཚུལ་ཁྱེད་རང་གི་སྐད་ཡིག་ནང་འདིར་གཟིགས་ in your language.
ཨོ་སི་ཊོ་ལི་ཡའི་ནང་མི་རྣམས་ངེས་པར་དུ་མི་གཞན་དང་བར་ཐག་རྨིད་ ༡།༥ བཞག་དགོས་པ་དང་། འདུ་འཛོམས་ཚད་བཀག་སྐོར་མངའ་སྡེ་གཞུང་གི་བཀོད་ཁྱབ་བརྟག་དཔྱད་བྱེད་དགོས་པ་ཡིན། ཁྱེད་རང་གི་མངའ་སྡེའི་ནང་འདུ་འཛོམས་དམ་དྲག་སྐོར་ཞིབ་འཇུག་བྱེད་དགོས།
གལ་སྲིད་ཁྱེད་རང་ལ་ཆམ་པ་དང་ཡང་ན་རིམས་ཆམ་ནད་རྟགས་ཐོན་ཚེ། བརྟག་དཔྱད་བཀོད་སྒྲིག་ཆེད་རྒྱལ་ཡོངས་ཏོག་དབྱིབས་ནད་དུག་འཕྲོད་བསྟེན་གནས་ཚུལ་མཁོ་སྤྲོད་ཛ་དྲག་འབྲེལ་གཏུགས་ཨང་གྲངས་ 1800 020 080 ཐོག་ནས་འབྲེལ་བ་བྱེད་དགོས་པ་ཡིན།
SBS གསར་ཁང་གིས་ཨོ་སི་ཊོ་ལི་ཡའི་ནང་ཏོག་དབྱིབས་ནད་དུག་གི་འཕེལ་རིམ་སྐོར་གནས་ཚུལ་གསར་ཤོས་མཁོ་སྤྲོད་བྱེད་བཞིན་ཡོད། ཏོག་དབྱིབས་ནད་དུག་སྐོར་གསར་འགྱུར་དང་གནས་ཚུལ་ཁག་དྲ་ཚིགས་ sbs.com.au/coronavirus ཐོག་སྐད་ཡིག་ ༦༣ ནང་ཡོད་པ་ཡིན།
ཁྱེད་རང་གི་མངའ་སྡེ་དང་ས་ཁུལ་ཁག་གི་ནང་ཏོག་དབྱིབས་ནད་ཡམས་དང་འབྲེལ་བའི་ཞིབ་ཕྲ་གནས་ཚུལ་ཁག་ལ་གཟིགས། ནེའུ་སོ་ཐི་ཝལ་མངའ་སྡེ། ཝི་ཊོ་རི་ཡ། ཁུན་སི་ལན་ཌི། ནུབ་ཕྱོགས་མངའ་སྡེ། ལྷོ་ཕྱོགས་མངའ་སྡེ། བྱང་ཁུལ་མངའ་སྡེ། རྒྱལ་ས་མངའ་ཁུལ། ཏཱ་སི་མ་ནི་ཡ།
