ཨོ་གླིང་རྒྱལ་ཡོངས་སུ་ཏོག་ནད་ཀྱིས་རྐྱེན་པས་དེ་རིང་མི་གྲངས་ ༩༣ འདས་གྲོངས་སུ་ཕྱིན་འདུག

འདི་ནི་ཨོ་སི་ཊོ་ལི་ཡའི་ནང་ཏོག་དབྱིབས་ནད་ཡམས་སྐོར་ཕྱི་ལོ་ ༢༠༢༢ ཟླ་ ༡ ཚེས་ ༢༨ ཉིན་གནས་ཚུལ་གསར་སྣོན་བྱས་པ་ཞིག་ཡིན།

Paramedics tending to their ambulance outside St. Vincent hospital in Melbourne.

Paramedics tending to their ambulance outside St. Vincent hospital in Melbourne. Source: AAP

  • ཨོ་སི་ཊོ་ལི་ཡའི་ནང་དེ་རིང་ཏོག་དབྱིབས་ནད་ཡམས་ཀྱིས་རྐྱེན་པས་ཁྱོན་མི་གྲངས་ ༩༣ འདས་གྲོངས་སུ་ཕྱིན་ཏེ་ད་བར་དུས་ཡུན་ཆུ་ཚོད་ ༢༤ རིང་འདས་གྲོངས་སུ་ཕྱིན་པའི་གྲངས་འབོར་མཐོ་ཤོས་དེ་སླེབས་ཡོད་པ་རེད།
  • ལོ་ན་ ༡༦ དང་ ༡༧ ཅན་གྱི་ན་གཞོན་ཕི་ཛར་འགོག་ཁབ་སྔ་ཕྱི་གཉིས་ཀ་རག་ཚར་བ་རྣམས་ལ་བྷུ་སི་ཊར་ཤུགས་སྣོན་འགོག་ཁབ་དེ་རྒྱག་ཆོག་གི་ཡོད་པ་རེད།
  • ཝི་ཊོ་རི་ཡ་དང་ནིའུ་སའོ་ཐི་ཝལ་མངའ་སྡེའི་ཆབ་སྲིད་པ་ཚོས་འབོད་སྐུལ་ལྟར་ཆེད་མཁས་མི་སྣ་ཚོས་འགོག་ཁབ་ཆ་ཚང་བརྒྱབ་ཚར་བ་ཞེས་པ་ནི་མི་རེར་འགོག་ཁབ་ཐེངས་གསུམ་བརྒྱབ་ཚར་ཡོད་མེད་ལ་བརྩི་དགོས་མིན་ཐད་བསམ་བློ་གཏོང་གིན་ཡོད་འདུག
  • ཨོ་སི་ཊོ་ལི་ཡའི་གདོད་མའི་མི་རིགས་ཀྱི་གནད་ཡོད་མི་སྣ་ཚོས་ཨོ་སི་ཊོ་ལི་ཡའི་བྱང་ཁུལ་མངའ་སྡེའི་སྤྱི་ཁྱབ་བློན་ཆེན་མཆོག་ལ་ཨོ་སི་ཊོ་ལི་ཡའི་དབུས་ཁུལ་དུ་ཏོག་དབྱིབས་འགོས་ཁྱབ་བཀག་འགོག་ཆེད་བཀག་རྒྱ་བསྡམས་དགོས་པའི་ཡོངས་ཁྱབ་འབོད་སྐུལ་ཡི་གེ་ཞིག་ཕུལ་འདུག
  • ཁ་སང་ཨོ་སི་ཊོ་ལི་ཡའི་བློན་ཆེན་ལྷན་ཚོགས་ཐེངས ༦༥ པའི་ཐོག མངའ་སྡེ་དང་ས་ཁུལ་ཁག་གི་སྙན་ཐོ་ཕུལ་བར་ལྟར་ན་ད་ལྟའི་ཆར་སྨན་ཁང་ཁག་ལ་གནོན་ཤུགས་དང་དམིགས་བསལ་ལྟ་རྟོགས་བྱེད་དགོས་པའི་ཏོག་དབྱིབས་ནད་པའི་གྲངས་འབོར་ཉུང་དུ་འགྲོ་བཞིན་ཡོད་འདུག
  • མངའ་སྡེ་མང་པོ་ནང་སློབ་མ་རྣམས་ཕྱིར་སློབ་གྲྭར་འགྲོ་རྒྱུར་འཆར་གཞི་མུ་མཐུད་གནས་ཡོད་པ་དང་། ནིའུ་སའོ་ཐི་ཝལ་མངའ་སྡེའི་སློབ་མ་ཚང་མ་བདུན་ཕྲག་རྗེས་མའི་ནང་ཕྱིར་སློབ་གྲྭར་བསྐྱོད་རྒྱུ་གཏན་འཁེལ་དང་། དེ་ཡང་ཏོག་དབྱིབས་སྟབས་བདེ་རྟགས་ཆས་ཀྱི་ས་གནས་དང་སྤྱི་བསྐྱོད་རླངས་འཁོར་དང་རི་ལིའི་ཞབས་ཞུ་གསར་པ་བཀོད་སྒྲིག་བྱས་ཡོད་སྐོར་གསལ་བསྒྲགས་གནང་འདུག
  • དེ་དང་ཆབས་ཅིག་ཝི་ཊོ་རི་ཡའི་ནང་ཏོག་དབྱིབས་སྟབས་བདེ་བརྟག་ཆས་ Rapid Antigen Tests ས་ཡ་ ༢ མངའ་སྡེའི་དང་། ཁ་ཐོ་ལིཁི་ Catholic དང་རང་དབང་ཅན་གྱི་སློབ་གྲྭ་ཁག་གི་ནང་འབྱོར་ཡོད་འདུག ཁྱོན་བརྟག་ཆས་ཡོ་བྱད་གྲངས་ས་ཡ་ ༦ སློབ་མ་རྣམས་སློབ་གྲྭར་མ་བསྐྱོད་གོང་འབྱོར་རྒྱུ་ཡིན་འདུག
  • ཁུན་སི་ལན་ཌིའི་ནང་ཏོག་དབྱིབས་ནད་པ་ ༡༨ འདས་གྲོངས་སུ་ཕྱིན་ནས་ད་བར་ཉིན་གཅིག་རིང་གི་གྲངས་འབོར་མཐོ་ཤོས་དེ་སླེབས་ཡོད་པ་དང་། དེའི་ནང་མི་གྲངས་ ༡༢ རྒན་གསོ་ཁང་ནས་ཡིན་འདུག
ཏོག་དབྱིབས་ནད་པའི་གྲངས་ཐོ།

  • དེ་རིང་ནིའུ་སའོ་ཐི་ཝལ་མངའ་སྡེའི་ནང་ཏོག་དབྱིབས་ནད་པ་ ༣༥ འདས་གྲོངས་སུ་ཕྱིན་འདུག་པ་དང་། མི་གྲངས་ ༢༧༣༧ སྨན་ཁང་ན་ལྷག་ཡོད་པས་མ་ཚད་དེའི་ནང་མི་གྲངས་ ༡༨༩ དམིགས་བསལ་ཛ་དྲག་ལྟ་རྟོགས་འོག་ལྷག་ཡོད་འདུག དེ་རིང་མངའ་སྡེའི་ནང་ཏོག་དབྱིབས་ནད་པ་གསར་པའི་གྲངས་འབོར་དེ་ ༡༣༣༣༣ ཡིན་པ་རེད།
  • ཝི་ཊི་རི་ཡ་མངའ་སྡེའི་ནང་ཏོག་དབྱིབས་ན་ཚའི་རྐྱེན་པས་དེ་རིང་མི་གྲངས་ ༣༩ འདས་གྲོངས་སུ་ཕྱིན་འདུག་པ་དང་། མི་གྲངས་ ༩༨༨  སྨན་ཁང་ནང་ལྷུང་ཡོད་པས་མ་ཚད་དེའི་ནང་མི་གྲངས་ ༡༡༤ དམིགས་བསལ་ཛ་དྲག་ལྟ་སྐྱོང་འོག་ལྷག་ཡོད་འདུག དེ་རིང་ཝི་ཊོ་རི་ཡའི་ནང་ཏོག་དབྱིབས་ནད་པ་གསར་པའི་གྲངས་འབོར་དེ་ ༡༢༧༥༥  ཡིན་པ་རེད།
  • ཁུན་སི་ལན་ཌིའི་ནང་ཏོག་དབྱིབས་ན་ཚའི་རྐྱེན་པས་ད་ལྟའི་ཆར་མི་གྲངས་ ༨༡༨ སྨན་ཁང་ན་ལྷག་ཡོད་པ་དང་། མི་གྲངས་ ༥༤ ཛ་དྲག་ཆགས་ཡོད་འདུག དེ་རིང་ཁུན་སི་ལན་ཌིའི་ནང་ཏོག་དབྱིབས་ནད་པ་གསར་པའི་གྲངས་འབོར་དེ་ ༩༩༧༤ དང་མི་གྲངས་ ༡༨ འདས་གྲོངས་སུ་ཕྱིན་འདུག་
  • ཏཱ་སི་མ་ནིང་ཡའི་ནང་དེ་རིང་ཏོག་དབྱིབས་ནད་པ་གསར་པ་ ༥༨༤ ཐོན་ཡོད་པ་དང་། གྲངས་འབོར་དེ་ནི་ཕྱི་ཟླ་ ༡ ཚེས་ ༣ ནས་བཟུང་དམའ་ཤོས་དེ་ཆགས་ཡོད་པ་རེད། ད་ལྟའི་ཆར་ཏོག་དབྱིབས་ནད་པ་ ༡༩ སྨན་ཁང་ནང་ལྷག་ཡོད་པ་དང་མི་ ༡ ཛ་དྲག་ཆགས་ཡོད་འདུག
ད་ལྟའི་ཆར་ཏོག་དབྱིབས་ནད་ཡམས་འགོས་ཁྱབ་སྐོར་ཞིབ་ཕྲ་གནས་ཚུལ་བོད་ཡིག་ནང་འདི་ནས་གཟིགས་རོགས། here.

ཨོ་སི་ཊོ་ལི་ཡའི་མངའ་སྡེ་མང་པོ་ཞིག་གིས་ཏོག་དབྱིབས་ན་ཚ་འགོས་ཡོད་ཚེ་དྲ་ཐོག་ནས་ཐོ་འགོད་བྱེད་ས་བཟོས་ཡོད།  

  • ཊི་རོ་རི་ཡ། Victoria
  • ནིའུ་སའོ་ཐིཝ་ལལ་མངའ་སྡེ། NSW
  • ཁུན་སི་ལན་ཌི། Queensland
  • ལྷོ་ཕྱོགས་མངའ་སྡེ། South Australia
  • ཏཱ་སི་མ་ནིང་ཡ།Tasmania
  • བྱང་ཕྱོགས་ས་ཁུལ། Northern Territory


མངའ་སྡེ་ནས་མངའ་སྡེ་དབར་བཀག་བསྡོམས་དང་ཟུར་བཀག 

ཁྱེད་རང་སྡོད་སའི་མངའ་སྡེ་དང་ས་ཁུལ་དེའི་ནང་བྱེད་ཆོག་པ་དང་མི་ཆོག་པ་ག་རེ་ཡོད་མེད་གཤམ་གྱི་དྲ་ཐག་འདི་ནས་གཟིགས། Find out what you can and can't do in your state or territory

འགྲིམ་འགྲུལ།

རྒྱལ་སྤྱིའི་འགྲུལ་པ་རྣམས་ཀྱི་ཆེད་གནས་ཚུལ་ཁག་ དང་ཏོག་དབྱིབས་ནད་ཡམས་དེ་བཞིན་འགྲིམ་འགྲུལ་བཅས་ཀྱི་སྐོར་སྐད་ཡིག་ཁག་གི་ནང་གཤམ་གྱི་དྲ་ཐག་འདི་ནས་གཟིགས། language

དཔལ་འབྱོར་རོགས་རམ།

མངའ་སྡེ་ཁག་གི་ནང་ཏོག་དབྱིབས་འགོག་ཁབ་བརྒྱབ་པའི་བརྒྱ་ཆ་ ༧༠ དང་ ༨༠ ལ་ཟིན་དུས་གོད་ཆགས་རོགས་དངུལ་འགྱུར་བ་བཏང་ཡོད། ཏོག་དབྱིབས་ནད་ཡམས་སྐབས་སུ་རོགས་རམ་སྐོར་ཞིབ་ཕྲ་དྲ་ཐག་འདི་ནས་གཟིགས། Getting help during Covid-19 from Services Australia in language


ནིའུ་སའོ་ཐི་ཝལ་མངའ་སྡེའི་རིག་གཞུང་སྣ་ཚོགས་ཀྱི་འཕྲོད་བསྟེན་འབྲེལ་མཐུད་ཞབས་ཞུས་ཡིག་སྒྱུར་འགྲེམས་སྤེལ་བྱས་པའི་གནས་ཚུལ་ཁག


མངའ་སྡེ་དང་ས་ཁུལ་སོ་སོའི་ནང་ཏོག་དབྱིབས་ན་ཚ་བརྟག་དཔྱད་བྱེད་ས་ཁག

ནིའུ་སའོ་ཐིཝ་ལ། NSW 
ཝི་ཊོ་རི་ཡ། Victoria 
ཁུན་སི་ལན་ཌི། Queensland 
ལྷོ་ཕྱོགས་མངའ་སྡེ། South Australia 
རྒྱལ་ས་མངའ་ཁུལ། ACT 
ནུབ་ཕྱོགས་མངའ་སྡེ། Western Australia 
ཏཱ་སི་མ་ནིང་ཡ། Tasmania
བྱང་ཕྱོགས་མངའ་ཁུལ། Northern Territory


Share

Published

Updated


Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tibetan-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service