འགོག་ཁབ་ཆ་ཚང་གི་གོ་དོན་ནི་འགོག་ཁབ་ཐེངས་གསུམ་ག་བརྒྱབ་ཚར་དགོས་པར་འགྱུར་བ་བཏང་།

Federal Health Minister Greg Hunt Source: AAP

ཨོ་སི་ཊོ་ལི་ཡའི་སྔོན་འགོག་སྨན་ཁབ་ཀྱི་ཁྱད་མཁས་སློབ་སྟོན་ཚོགས་ཆུང་གིས་"འགོག་ཁབ་ཆ་ཚང་བརྒྱབ་ཚར་བ་"ཞེས་པའི་གོ་དོན་ཚིག་བསྐྱར་བཅོས་བྱས།
ཨོ་སི་ཊོ་ལི་ཡའི་ནང་ལོ་ན་ ༡༦ ལས་བརྒལ་བ་རྣམས་ལ་འགོག་ཁབ་གསུམ་པའམ་བྷུ་སི་ཊར་(ཤུགས་སྣོན་སྨན་ཁབ་)དེ་རྒྱག་ཆོག་གི་ཡོད་པའི་གནས་ཚུལ་ཁ་སྣོན་དང་། དེ་དང་ཆབས་ཅིག་ལོ་ན་ ༡༦ ལས་ཆུང་བ་རྣམས་ལ་འགོག་ཁབ་གསུམ་པ་དེ་བཞིན་རྒྱག་རྒྱུ་ཡིན་མིན་ཐད་བསམ་ཞིབ་བྱེད་ཀྱི་ཡོད་འདུག
འགོག་ཆབ་ཆ་ཚང་བརྒྱབ་ཚར་བ་ཞེས་པའི་བསྐྱར་བཅོས་གོ་དོན་གསར་པ་དེ་བཞིན་ཨོ་སི་ཊོ་ལི་ཡའི་རྒྱལ་ནང་སྲིད་བྱུས་ཤིག་ལས་རྒྱལ་སྤྱི་དང་ས་མཚམས་སྒོ་ཕྱེ་བཞིན་པའི་འཆར་གཞི་དང་ད་ལྟའི་ཆར་འབྲེལ་བ་མེད་པ་རེད་འདུག
ཁྱད་མཁས་སློབ་སྟོན་ཚོགས་ཆུང་གིས་བསྐྱར་བཅོས་དེ་བཞིན་ཕྱི་ཟླ་ ༣ པའི་ཟླ་མཇུག་ནས་ལག་བསྟར་བྱ་རྒྱུ་ཡིན་འདུག
རྒྱལ་སྤྱིའི་ས་མཚམས་ཕྱི་ཟླ་ ༢ ཚེས་ ༢༡ ཉིན་སྒོ་ཕྱེ་རྒྱུ་དང་རྒྱལ་ཁབ་གཞན་ནས་ཡོང་མཁན་རྣམས་ལ་འགོག་ཁབ་ཐེངས་གཉིས་བརྒྱབ་ཚར་ཡོད་ཚེ་ཨོ་སི་ཊོ་ལི་ཡར་ཡོང་ཆོག་གི་ཡོད་འདུག
ཕི་ཌི་རལ་གཞུང་གི་འཕྲོད་བསྟེན་བློན་ཆེན་གྷི་རི་ཧང་ཀྲི་ Greg Hunt མཆོག་གིས་རྒན་གསོ་ཁང་ཁག་གི་ལས་ཀ་བྱེད་མཁན་རྣམས་འགན་འཁུར་ཡོད་པའི་ཐོག་ནས་འགོག་ཁབ་གསུམ་པ་བྷུ་སི་ཊར་ངེས་པར་དུ་རྒྱག་དགོས་ཀྱི་ཡོད་སྐོར་གསུངས་འདུག
རེས་གཟའ་པ་སངས་ཉིན་ནིའུ་སའོ་ཐི་ཝལ་དང་། ཝི་ཊོ་རི་ཡ། ཁུན་སི་ལན་ཌི། ལྷོ་ཕྱོགས་མངའ་སྡེ་བཅས་ལ་ཏོག་དབྱིབས་ནད་པ་ ༤༨ འདས་གྲོངས་སུ་ཕྱིན་ཡོད་འདུག
ནིའུ་སའོ་ཐི་ཝལ་མངའ་སྡེའི་བསྐྱར་དུ་སྒོ་ཕྱེ་བ་དང་། ཉེ་བའི་ཆར་རྒན་གསོ་ཁང་དང་འཕྲོད་བསྟེན་སྡེ་ཁག་ལ་གདོང་ལེན་ཐད་ཞིབ་འཇུག་བྱེད་མུས་ཡིན་འདུག
ཨོ་སི་ཊོ་ལི་ཡའི་ལྷོ་ཕྱོགས་མངའ་སྡེས་ཟ་ཁང་དང་། སྤྲོ་སྐྱིད་ཁང་། སྤྱི་དམངས་འདུ་འཛོམས་སོགས་ལ་ཚད་བཀག་ཡོད་པའི་ཐོག་ནས་བཀག་བསྡོམས་ཁག་ལྷོད་དུ་གཏང་རྒྱུ་ཡིན་འདུག

ཏོག་དབྱིབས་ནད་པའི་གྲངས་ཐོ།

ནིའུ་སའོ་ཐི་ཝལ་མངའ་སྡེའི་ནང་ཏོག་དབྱིབས་ནད་པ་ ༡༧༡༦ སྨན་ཁང་ནང་ལྷག་ཡོད་པ་དང་དེའི་ནང་ནད་པ་ ༡༠༨ ཛ་དྲག་ཆགས་ཡོད་འདུག དེ་རིང་ནད་པ་ ༡༩ འདས་གྲོངས་དང་ནད་པ་གསར་པ་ ༨༩༥༠ ཐོན་ནས་ཁ་སང་རེས་གཟའ་ཕུར་བུའི་ནད་པ་གསར་པ་གྲངས་ ༡༠༡༣༠ ནས་མ་ཟག་ཡོད་པ་རེད།
ཝི་ཊོ་རི་ཡའི་ནང་ཏོག་དབྱིབས་ནད་པ་ ༥༥༣ སྨན་ཁང་ནང་བསྡད་ཡོད་ཅིང་། དེའི་ནང་ནད་པ་ ༨༢ དམིགས་བསལ་ཛ་དྲག་ལྟ་རྟོགས་བྱེད་དགོས་ཀྱི་ཡོད་པ་དང་། དེ་རིང་ནད་པ་གསར་པ་ ༨༥༢༡ དང་ནད་པ་ ༡༣ འདས་གྲོངས་སུ་ཕྱིན་ཡོད་འདུག
ཁུན་སི་ལན་ཌིའི་ནང་ཏོག་དབྱིབས་ནད་པ་གསར་པ་ ༥༩༧༧ དང་ནད་པ་ ༡༤ འདས་གྲོངས་སུ་ཕྱིན་ཡོད་འདུག ད་ལྟའི་ཆར་ཏོག་དབྱིབས་ནད་པ་ ༥༨༤ སྨན་ཁང་ནང་ཡོད་ཅིང་དེའི་ནང་ནད་པ་ ༤༥ ཛ་དྲག་ལྟ་རྟོགས་འོག་ཡོད་འདུག
ཏཱ་སི་མ་ནིང་ཡའི་ནང་ཏོག་དབྱིབས་ནད་པ་གསར་པ་ ༥༥༢ དང་། ནད་པ་ ༡༦ སྨན་ཁང་ནང་ཡོད་ཅིང་དེའི་ནང་ནད་པ་ ༡ ད་དྲག་ཆགས་ཡོད་འདུག
ཨོ་སི་ཊོ་ལི་ཡའི་ལྷོ་ཕྱོགས་མངའ་སྡེའི་ནང་ཏོག་དབྱིབས་ནད་པ་ ༢ འདས་གྲོངས་དང་། དེ་རིང་སླར་ཡང་ཏོག་དབྱིབས་ནད་པ་གསར་པ་ ༡༤༤༥ ཐོན་འདུག ད་ལྟའི་ཆར་ཏོག་དབྱིབས་ནད་པ་ ༢༡༠ སྨན་ཁང་ནང་ཡོད་ཅིང་དེའི་ནང་ནད་པ་ ༡༦ ཛ་དྲག་ལྟ་རྟོགས་འོག་གནས་ཡོད་འདུག

ད་ལྟའི་ཆར་ཏོག་དབྱིབས་ནད་ཡམས་འགོས་ཁྱབ་སྐོར་ཞིབ་ཕྲ་གནས་ཚུལ་བོད་ཡིག་ནང་འདི་ནས་གཟིགས་རོགས། here.

ཨོ་སི་ཊོ་ལི་ཡའི་མངའ་སྡེ་མང་པོ་ཞིག་གིས་ཏོག་དབྱིབས་ན་ཚ་འགོས་ཡོད་ཚེ་དྲ་ཐོག་ནས་ཐོ་འགོད་བྱེད་ས་བཟོས་ཡོད།

ཊི་རོ་རི་ཡ། Victoria
ནིའུ་སའོ་ཐིཝ་ལལ་མངའ་སྡེ། NSW
ཁུན་སི་ལན་ཌི། Queensland
ལྷོ་ཕྱོགས་མངའ་སྡེ། South Australia
ཏཱ་སི་མ་ནིང་ཡ།Tasmania
བྱང་ཕྱོགས་ས་ཁུལ། Northern Territory

མངའ་སྡེ་ནས་མངའ་སྡེ་དབར་བཀག་བསྡོམས་དང་ཟུར་བཀག

ཁྱེད་རང་སྡོད་སའི་མངའ་སྡེ་དང་ས་ཁུལ་དེའི་ནང་བྱེད་ཆོག་པ་དང་མི་ཆོག་པ་ག་རེ་ཡོད་མེད་གཤམ་གྱི་དྲ་ཐག་འདི་ནས་གཟིགས། Find out what you can and can't do in your state or territory

འགྲིམ་འགྲུལ།

རྒྱལ་སྤྱིའི་འགྲུལ་པ་རྣམས་ཀྱི་ཆེད་གནས་ཚུལ་ཁག་ དང་ཏོག་དབྱིབས་ནད་ཡམས་དེ་བཞིན་འགྲིམ་འགྲུལ་བཅས་ཀྱི་སྐོར་སྐད་ཡིག་ཁག་གི་ནང་གཤམ་གྱི་དྲ་ཐག་འདི་ནས་གཟིགས། language

དཔལ་འབྱོར་རོགས་རམ།

མངའ་སྡེ་ཁག་གི་ནང་ཏོག་དབྱིབས་འགོག་ཁབ་བརྒྱབ་པའི་བརྒྱ་ཆ་ ༧༠ དང་ ༨༠ ལ་ཟིན་དུས་གོད་ཆགས་རོགས་དངུལ་འགྱུར་བ་བཏང་ཡོད། ཏོག་དབྱིབས་ནད་ཡམས་སྐབས་སུ་རོགས་རམ་སྐོར་ཞིབ་ཕྲ་དྲ་ཐག་འདི་ནས་གཟིགས། Getting help during Covid-19 from Services Australia in language

གསར་འགྱུར་དང་གནས་ཚུལ་ཁག་སྐད་ཡིག་ ༦༠ ནང་གཟིགས་རྒྱུ་ཡོད། sbs.com.au/coronavirus
མངའ་སྡེ་དང་ས་ཁུལ་ཁག་གི་ནང་འབྲེལ་ཡོད་གནས་ཚུལ་ཁག་ཅིག NSW, Victoria, Queensland, Western Australia, South Australia, Northern Territory, ACT, Tasmania.
བོད་ཡིག་ནང་ཏོག་དབྱིབས་ནད་ཡམས་སྐོར་གྱི་གནས་ཚུལ་འདིར་གཟིགས། COVID-19 vaccine in your language.