- ནེའུ་སོ་ཐི་ཝལ་མངའ་སྡེའི་ནང་མཐོ་རིམ་ཡིག་རྒྱུགས་ཕྱི་ཟླ་ ༡༡ ཚེས་ ༩ བར་ཕྱིར་འགྱང་བྱས།
- ཝི་ཊོ་རི་ཡའི་གྲོང་ཁྱེར་ Shepparton ནང་མི་བཅུ་རེའི་ནང་མི་རེར་ཏོག་དབྱིབས་ན་ཚ་འགོས།
- རྒྱལ་ས་མངའ་ཁུལ་གྱིས་ཁྱིམ་སྡོད་བཀའ་རྒྱ་སྐབས་ཚོང་ལས་ཁག་བཅོས་སྒྱུར་བྱས།
- ཨོ་སི་ཊོ་ལི་ཡའི་སྔོན་འགོག་སྨན་ཁབ་ཀྱི་ཁྱད་མཁས་སློབ་སྟོན་ཚོགས་ཆུང་གིས་ཕི་ཛར་སྨན་ཁབ་དེ་ལོ་ན་ ༡༢ ནས་ ༡༥ བར་ལ་རྒྱག་ཆོག་པའི་ཆོག་མཆན་སྤྲད།
ནེའུ་སོ་ཐི་ཝལ་མངའ་སྡེ། New South Wales
ནེའུ་སོ་ཐི་ཝལ་མངའ་སྡེའི་ནང་ས་གནས་སུ་ཏོག་དབྱིབས་ནད་པ་གསར་པ་ ༨༨༢ ཐོན་ཡོད་པ་དང་། དེའི་ནང་བརྒྱ་ཆ་ ༨༠ ལྷག་ནི་སིཌ་ནིང་ནུབ་ཕྱོགས་དང་ལྷོ་ཕྱོགས་ཆགས་ཀྱི་ཡོད་འདུག ལོ་ན་ ༦༠ རེ་གྲངས་ཡིན་པ་ཞིག་དང་ལོ་ན་ ༩༠ གོ་གྲངས་ཡིན་པ་བཅས་ཀྱི་སྐྱེས་པ་གཉིས་འདས་གྲོངས་སུ་ཕྱིན་ཡོད་འདུག
མངའ་སྡེའི་བློན་ཆེན་ལྕམ་གྷ་ལེ་ཌི་མཆོག་གིས་སློབ་མ་རྣམས་སློབ་གྲྭར་ཕྱིར་ལོག་རྒྱུའི་འཆར་གཞི་གསལ་བསྒྲགས་བྱས།
- ཕྱི་ཟླ་ ༡༠ ཚེས་ ༢༥ ནས་བུ་བཅོལ་ཁང་དང་ལོ་རིམ་དང་པོའི་སློབ་མ་རྣམས་སློབ་གྲྭར་ཕྱིར་ལོག་དགོས་རྒྱུ།
- ཕྱི་ཟླ་ ༡༡ ཚེས་ ༡ ནས་ལོ་རིམ་ ༢ པ་དང་ ༦ པ་དེ་བཞིན་ ༡༡ ཅན་གྱི་སློབ་མ་རྣམས་སློབ་གྲྭར་ཕྱིར་ལོག་བྱ་དགོས།
- ཕྱི་ཟླ་ ༡༡ ཚེས་ ༨ ནས་ལོ་རིམ་ ༣ པ་དང་ ༤ པ་ ༥ པ་ ༧ པ་ ༨ པ་ ༩ པ་དེ་བཞིན་ ༡༠ པ་བཅས་ཀྱི་སློབ་མ་རྣམས་སློབ་གྲྭར་ཕྱིར་ལོག་བྱ་དགོས།
ཕྱི་ཟླ་ ༡༡ ཚེས་ ༨ ནས་བཟུང་སྡེ་ཚན་ཚང་མའི་སློབ་གྲྭ་ཁག་གི་ལས་བྱེད་ཚང་མས་འགན་འཁུར་ཡོད་པའི་ཐོག་ནས་ཏོག་དབྱིབས་འགོག་ཁབ་རྒྱག་དགོས་ཀྱི་ཡོད། འོན་ཀྱང་དེའི་ནང་གལ་གནད་ཆེ་བ་རྣམས་ལ་ཕྱི་ཟླ་ ༩ ཚེས་ ༦ ནས་འགོག་ཁབ་རྒྱག་རྒྱུ་ཡིན་འདུག འགོག་ཁབ་དྲ་ཐག་འདི་ནས་ vaccination appointment ཐོ་འགོད་བྱོས།
ཝི་ཊོ་རི་ཡ་མངའ་སྡེ། Victoria
ཝི་ཊོ་རི་ཡ་མངའ་སྡེའི་ནང་ས་གནས་སུ་ཏོག་དབྱིབས་ནད་པ་གསར་པ་ ༧༩ ཐོན་ཡོད་པ་དང་། དེའི་ནང་མི་གྲངས་ ༥༣ ནི་ནང་ཁུལ་འགོས་ཁྱབ་ཕྱིན་པ་ཞིག་དང་ ༢༦ ནི་གནས་གསལ་པོ་ཤེས་རྟོགས་ཐུབ་མེད་པ་རེད།
ཝི་ཊོ་རི་ཡའི་གྲོང་ཁྱེར་ Shepparton ཁུལ་དུ་གནས་སྡོད་བྱེད་མཁན་མི་གྲངས་ ༦༥༠༠༠ ཙམ་ཡོད་པ་དང་། དེའི་ནང་ཁྱོན་མི་གྲངས་ ༡༦༠༠༠ ཙམ་ཟུར་བཀག་དུ་སྡོད་དགོས་འཁེལ་ཡོད་སྟབས། ལས་བྱེད་མ་འདང་བའི་རྐྱེན་གྱིས་སྨན་ཚོང་ཁང་། རང་འདེམས་ཚོང་ཁང་། ཟ་མ་མཁོ་སྤྲོད་བྱེད་མཁན་རྣམས་བཙན་གྱིས་སྒོ་རྒྱག་དགོས་ཐུབ་ཀྱི་ཡོད་འདུག
ཨོ་སི་ཊོ་ལི་ཡའི་རྒྱལ་ས་མངའ་ཁུལ། Australian Capital Territory
ཨོ་སི་ཊོ་ལི་ཡའི་རྒྱལ་ས་མངའ་ཁུལ་ཏོག་དབྱིབས་ནད་པ་གསར་པ་ ༢༡ ཐོན་ཡོད་པ་དང་། ད་ལྟའི་ཆར་ཁྱོན་ཏོག་དབྱིབས་ནད་པ་གྲངས་ ༢༠༩ ཆགས་ཡོད་པ་རེད།
རྒྱལ་ས་མངའ་ཁུལ་གྱིས་སིལ་ཚོང་རྒྱག་མཁན་དང་། གཙང་བཟོ་བྱེད་མཁན། ལུས་སྦྱོང་ཁང་། ཞབས་བྲོ་འཛིན་གྲྭ། ས་ཁང་ཚོང་ལས་བཅས་ཀྱི་འགྱུར་བ་དེ་བཞིན་དེ་རིང་མཚན་མོ་ཆུ་ཚོད་ ༡༡།༥༩ ཐོག་ནས་ལག་བསྟར་བྱ་རྒྱུ་ཡིན་སྐོར་གསལ་བསྒྲགས་བྱས་ཡོད་པ་རེད། ཞིབ་ཕྲ་དྲ་ཐག་འདི་ནས་གཟིགས་ https://www.covid19.act.gov.au/act-status-and-response/lockdown
འདས་པའི་དུས་ཡུན་ཆུ་ཚོད་ ༢༤ ནང་ཨོ་སི་ཊོ་ལི་ཡ་ཁྱོན་དུ།
- ཁུན་སི་ལན་ཌི་ལྷོ་ཤར་ཁུལ་དུ་དེ་རིང་ཕྱི་དྲོ་ཆུ་ཚོད་ ༤ པ་ནས་དམ་བསྒྲགས་ཇེ་ལྷོད་དུ་བཏང་ཡོད་པ་རེད། ཞིབ་ཕྲ་དྲ་ཐག་འདི་ནས་གཟིགས་ COVID-19 restrictions
- ཨོ་སི་ཊོ་ལི་ཡའི་སྔོན་འགོག་སྨན་ཁབ་ཀྱི་ཁྱད་མཁས་སློབ་སྟོན་ཚོགས་ཆུང་གིས་ཕི་ཛར་སྨན་ཁབ་དེ་ལོ་ན་ ༡༢ ནས་ ༡༥ བར་ལ་རྒྱག་ཆོག་པའི་ཆོག་མཆན་སྤྲད།
ཟུར་བཀག་དང་། འགྲུལ་བཞུད། སྨན་ཁང་ནང་བརྟག་དཔྱད་དང་ནད་ཡམས་གོད་ཆགས་ཀྱི་རོགས་དངུལ།
གལ་སྲིད་ཁྱེད་རང་ལ་རྒྱལ་ཁབ་གཞན་ལ་འགྲུལ་བཞུད་བྱ་འདོད་ཡོད་ཚེ་ཕལ་་ཆེར་དྲ་ཐོག་ནས་ཐོ་འགོད་སྙན་ཞུ་འབུལ་ཆོག དྲ་ཐག་འདི་ནས་ Click here ཨོ་སི་ཊོ་ལི་ཡ་ནང་ཐོན་པར་ཆ་རྐྱེན་ག་རེ་ཚང་དགོས་མིན་སྐོར་ཞིབ་ཕྲ་གནས་ཚུལ་ལ་གཟིགས། རྒྱལ་སྤྱིའ་འགྲིམ་འགྲུལ་ཐད་ཨོ་སི་ཊོ་ལི་ཡ་གཞུང་གིས་གནས་སྐབས་ཀྱི་སྒྲིག་གཞི་ཁག་དྲ་ཚིགས་ Smart Traveller ཐོག་གནས་ཚུལ་དུས་ནས་དུས་སུ་གནས་ཚུལ་གསར་སྣོན་བྱེད་བཞིན་ཡོད།
- sbs.com.au/coronavirus ཞེས་པའི་དྲ་ཚིགས་འདིའི་ཐོག་གསར་འགྱུར་དང་གནས་ཚུལ་ཁག་སྐད་ཡིག་ ༦༠ ནང་སྤེལ་བཞིན་ཡོད།
- མངའ་སྡེ་དང་ས་ཁུལ་སོ་སོའི་འབྲེལ་ཡོད་གནས་ཚུལ་ཁག་གཤམ་གྱི་དྲ་ཐག་དེ་དག་ནས་གཟིགས་རོགས། NSW, Victoria, Queensland, Western Australia, South Australia, Northern Territory, ACT, Tasmania.
- ཏོག་དབྱིབས་འགོག་ཁབ་སྐོར་ཁྱེད་རང་གི་སྐད་ཡིག་ནང་གཤམ་གྱི་དྲ་ཐག་དེ་ནས་གཟིགས་རོགས། COVID-19 vaccine in your language.
ནིའུ་སོ་ཐི་ཝལ་མངའ་སྡེའི་ནང་རིག་གཞུང་སྣ་ཚོགས་ཀྱི་འཕྲོད་བསྟེན་འབྲེལ་མཐུད་ཞབས་ཞུས་ཡིག་སྒྱུར་བྱས་པའི།
ནད་སྲུང་འགོག་ཁབ་དང་འབྲེལ་བའི་མིང་ཚིག་རེའུ་མིག COVID-19 Vaccination Glossary
དུས་ཆད་དྲན་སྐུལ་ལག་ཆ། Appointment Reminder Tool.
དུས་ཆད་དྲན་སྐུལ་ལག་ཆ། Appointment Reminder Tool.
མངའ་སྡེ་དང་ས་ཁུལ་སོ་སོའི་ནང་ཏོག་དབྱིབས་ནད་ཡམས་བརྟག་དཔྱད་བྱེད་སའི་སྨན་ཁང་ཁག
ཏོག་དབྱིབས་ནད་ཡམས་ཀྱི་རྐྱེན་ཆགས་སྐབས་མངའ་སྡེ་དང་ས་ཁུལ་སོ་སོའི་ནང་རོགས་དངུལ་གནས་ཚུལ།
