Podcast སྒྲ་མཛོད་ཟེར་བ་གང་ཡིན་ནམ།
Podcast ཞེས་པ་ནི་དྲ་ཐོག་ནས་ཕབ་ལེན་གྱིསའདོད་མོས་ལྟར་གསན་ཐུབ་པའི་སྒྲ་མཛོད་ཞིག་ཡིན།ཁྱེད་ཀྱིས་ལག་ཐོག་ཁ་པར་དང་།ཨའེ་ཕོ་ཌི (Ipod) གློག་ལེབ། (Tablet) གློག་ཀླད་སོགས་བརྒྱུད་ Podcast སྒྲ་མཛོད་ལ་གསན་ཆོག SBS རླུང་འཕྲིན་གྱི་བརྗོད་བྱ་ཡོད་ཚད་ Podcast སྒྲ་མཛོད་བརྒྱུད་དབྱིན་སྐད་དང།དེ་མིན་སྐད་རིགས་མི་འདྲ་བ་མང་པོའི་ནང་གསན་རྒྱུ་ཡོད།རང་ཉིད་ཀྱི་དགའ་མོས་བྱེད་པའི་ལེ་ཚན་རྣམས་དུས་ཁོམ་ནམ་བྱུང་ལ་གསན་གནང་ཆོག
Podcast སྒྲ་མཛོད་གསན་ཚུལ་གང་འདྲ་ཡིན་ནམ།
Podcast སྒྲ་མཛོད་གསན་ཚུལ་བདེ་ཤོས་ནི་ལག་ཐོག་ཁ་པར་རྒྱུད་ཡིན།གལ་ཏེ་ཁྱེད་རང་ལ་ཀུ་ཤུ་རྟགས་ཅན་གྱི་ལག་ཐོག་ཁ་པར་ཡོད་ཚེ།དེའི་ནང་དུ་ Podcast App སྒྲ་མཛོད་མཉེན་ཆས་སྔོན་ནས་ནང་འཇུག་བྱས་ཡོད།འདི་ནི་ཁ་དོག་མུ་མེན་ཅན་གྱི་རྟགས་ཤིག་གིས་མཚོན།གལ་ཏེ་ཁྱེད་རང་ལ་ཨན་ཌོར་ (Android) མ་ལག་ཅན་གྱི་ཁ་པར་ཡོད་ཚེ།ཁྱེད་ཀྱིས། Podcast App Pocket Casts དང་། Overcast ཡང་ན་ Podcast Addict སོགས་སྒྲ་མཛོད་མཉེན་ཆས་གང་རུང་ཅིག་ཕབ་ལེན་གནང་དགོས།
བཀོལ་ཆས་འདི་རྒྱུད་དེ་ལེ་ཚན་གྱི་འགོ་བརྗོད་བཙལ་ནས།ལེ་ཚན་གྱི་ལེའུ་གང་ཞིག་ཕབ་ལེན་གནང་བར་འདམ་ག་གནང་ཆོགདེ་མ་ཟད་ལེ་ཚན་ཁག་ལ་རྒྱུན་མངགས་བྱེད་ན།ལེའུ་གསར་པ་ཐོན་མ་ཐག་ཏུ་ཁྱེད་ཀྱི་ཁ་པར་སྟེང་རང་འགུལ་གྱིས་ཕབ་ལེན་བྱེད་ངེས་རེད།དྲ་ལམ་བོངས་ཚད་དམའ་བོ་ཡོད་ན།བཀོལ་ཆས་ཀྱི་སྒྲིག་བཀོད་ལ་འགྱུར་བ་བཏང་ནས།ཁྱེད་ཀྱི་ཁ་པར་རྐུད་མེད་དྲྭ་ལ་མཐུད་སྐབས། podcast སྒྲ་མཛོད་ཕབ་ལེན་འགོ་འཛུགས་པ་བཟོས་ཆོག
གློག་ལེབ་རྒྱུད་དུའང་འགྲོ་སྟངས་དེ་བཞིན་ཡིན།ཨའེ་ཕོ་ཌི་ནང་ Podcast App སྒྲ་མཛོད་མཉེན་ཆས་སྔོན་ནས་སྒྲིག་འཇོག་བྱས་ཡོད་ཀྱང།ཨན་ཌོར་མ་ལག་ཅན་གྱི་གློག་ལེབ་ཐོག་ Podcast App སོ་སོའི་ཕབ་ལེན་གནང་དགོས།ཁྱེད་ཀྱིས་ཀློག་ཀླད་རྒྱུད་ཀྱང་ Podcast སྒྲ་མཛོད་གསན་ཐུབ།སྤྱིར་ Podcasts སྒྲ་མཛོད་མང་ཆེ་བ་དྲ་ཚིགས་རྒྱུད་གསན་ཐུབ།
SBS རླུང་འཕྲིན་མཉེན་ཆས།
SBS རླུང་འཕྲིན་མཉེན་ཆས་རྒྱུད་ SBS Podcast སྒྲ་མཛོད་དང།རླུང་འཕྲིན་གྱི་བརྗོད་བྱ་གཞན་རྣམས་གསན་གནང་ཐུབ།དེ་ཡང་ SBS རླུང་འཕྲིན་མཉེན་ཆས་ནི་ App Store དང། Google Play ལས་རིན་མེད་ཐོག་ཕབ་ལེན་གནང་ཆོགཁྱེད་ཀྱིས་འཚོལ་ཞིབ་ལ་ཆིག་རྡེབ་ནས་བརྗོད་དོན་གཞིར་བཟུང་གནས་ཚུལ་འཚོལ་གནང་ཐུབ།
Podcasts སྒྲ་མཛོད་ལ་དམིགས་བསལ་ཁྱད་ཆོས་གང་ཡོད་དམ།
Podcast སྒྲ་མཛོད་རྣམས་རྒྱུད་ང་ཚོས་རྒྱལ་སྤྱིའི་ཐོག་གི་གནས་ཚུལ་མང་པོ་ཞིག་ཤེས་རྟོགས་བྱེད་ཐུབ། Podcast སྒྲ་མཛོད་འདྲ་མིན་སྣ་ཚོགས་ཡོད་པ་རྣམས་ནས་རང་ཉིད་ཀྱི་དགའ་མོས་བྱེད་ས་ཅིག་ཡོད་ངེས་རེད། Podcast སྒྲ་མཛོད་གསན་ན་རང་ཉིད་སྤྲོ་པོར་ཡོང་བ་མ་ཟད།གནས་ཚུལ་གསར་པ་མང་པོ་ཤེས་ངེས་རེད།གང་ཡིན་ཟེར་ན། Podcast སྒྲ་མཛོད་ནི་རང་འདོད་ལྟར་གསན་ཐུབ་པས་ཁྱེད་ཀྱི་དུས་དང་རྣམ་པ་ཀུན་ཏུ་བེད་སྤྱོད་གནང་ཐུབ།དེས་ན་རང་ཉིད་ཉིན་རེའི་འགྲིམ་འགྲུལ་སྐབས་དང་།ནང་ལས་བྱེད་པའི་སྐབས་སམ།དེ་བཞིན་རླངས་འཁོར་དང་མེ་འཁོར་།གནམ་གྲུ་སོགས་ཀྱི་ནང་འགྲིམ་འགྲུལ་བྱེད་སྐབས་གསན་གནང་ཆོག
