སི་ཀོ་ཊི་མ་རེ་སོན་མཆོག་གིས་འགྲིམས་འགྲུལ་དམ་བསྒྲགས་ཚད་གཞི་དང་ཁུན་སི་ལན་ཌིའི་རྒྱལ་ས་ཏོག་དབྱིབས་ནད་ཡམས་ཛ་དྲག་སྐོར་གསལ་བསྒྲགས།

ཨོ་སི་ཊོ་ལི་ཡའི་སྲིད་བློན་སི་ཀོ་ཊི་མ་རེ་སོན་མཆོག་གིས་དབྱིན་ཡུལ་ནས་འགོས་ཁྱབ་མྱུར་ཚད་ཆེ་བའི་ཏོག་དབྱིབས་ནད་ཡམས་གསར་པ་དེ་སྔོན་འགོག་ཆེད། སྲུང་སྐྱོབ་སྔ་ལས་ཚད་མཐོ་རུ་གཏང་རྒྱུ་ཡིན་སྐོར་གསུངས་འདུག

National Cabinet will meet again.

Source: AAP

ཨོ་སི་ཊོ་ལི་ཡའི་རྒྱལ་ཡོངས་བློན་ཆེན་ལྷན་ཚོགས་ནས་དབྱིན་ཡུལ་ནས་ཁྱབ་བཞིན་པའི་མྱུར་ཚད་ཆེ་བའི་ཏོག་དབྱིབས་ནད་ཡམས་གསར་པ་དེ་སྔོན་འགོག་གདོང་ལེན་ཆེད། རྒྱལ་སྤྱི་དང་རྒྱལ་ནང་གི་འགྲིམ་འགྲུལ་ཐད་འཆར་གཞི་གསར་པ་ཞིག་ལག་བསྟར་བྱ་རྒྱུ་ཐག་གཅོད་བྱས་ཡོད་འདུག

དེ་བཞིན་ཨོ་སི་ཊོ་ལི་ཡའི་མངའ་སྡེ་ཁུན་སི་ལན་ཌིའི་རྒྱལ་ས་བྷེ་རེ་སི་བྷན་ Brisbane ནང་གཙང་བཟོ་བྱེད་མཁན་ཞིག་ལ་བརྟག་དཔྱད་རྗེས་ཏོག་དབྱིབས་ནད་ཡམས་གསར་པ་འགོས་ཡོད་པ་ཤེས་རྟོགས་བྱུང་བས། གྲོང་ཁྱེར་དེ་ཏོག་དབྱིབས་ནད་ཡམས་ཀྱི་གནས་སྟངས་ཛ་དྲག་ཡིན་པའི་ངོས་འཛིན་དང་དུས་ཡུན་ཉིན་གསུམ་རིང་བཀག་བསྡོམས་བྱས་ཡོད།

སྒྲིག་གཞི་འགྱུར་བ་དེའི་ནང་གནམ་ཐོག་ནས་ཨོ་སི་ཊོ་ལི་ཡར་ཡོང་མཁན་རྣམས་སྔོན་ལ་ངེས་པར་དུ་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་དགོས་པ་དང་ན་ཚ་འགོས་མེད་པའི་གསལ་རྟོགས་བྱུང་ཚེ་གཞི་ནས་ཡོང་བཅུག་རྒྱུ་དང་། དེ་ཡང་ཨོ་སི་ཊོ་ལི་ཡར་ཕྱིར་ལོག་བྱེད་མཁན་གྱི་གྲངས་འབོར་ཡང་ཉུང་དུ་བཏང་ཡོད་འདུག

དེ་བཞིན་དབྱིན་ཡུལ་ནས་ཡོང་མཁན་འགྲུལ་པ་རྣམས་ཕྱིར་ཨོ་སི་ཊོ་ལི་ཡར་མ་ཡོང་གོང་འགོས་ཁྱབ་མྱུར་ཚད་ཆེ་བའི་ཏོག་དབྱིབས་ནད་ཡམས་གསར་པ་འགོས་ཡོད་མེད་བརྟག་དཔྱད་བྱེད་དགོས་ཀྱི་ཡོད་པ་རེད།

རྒྱལ་སྤྱི་དང་རྒྱལ་ནང་གནམ་ཐོག་འགྲུལ་བཞུད་བྱེད་མཁན་(བྱིས་པ་ལོ་ན་ ༡༢ མན་ཕུད་) དེ་མིན་ཚང་མས་འགན་འཁུར་ཡོད་པའི་ཐོག་ནས་ཁ་རས་གྱོན་དགོས་ཀྱི་ཡོད་པ་དང་། དེ་བཞིན་ཕྱི་རྒྱལ་གྱི་གནམ་ཐང་ཁག་གི་ནང་ལའང་ཁ་རས་གྱོན་དགོས་པའི་ཆ་རྐྱེན་བཟོས་ཡོད་འདུག
སི་ཀོ་ཊི་མ་རེ་སོན་མཆོག་གིས། ཏོག་དབྱིབས་ན་ཚ་འདིས་མུ་མཐུད་སོ་སོ་རང་ཉིད་ཀྱི་སྒྲིག་གཞི་རང་ཉིད་ཀྱིས་འབྲི་བཞིན་ཡོད་པ་རེད། དེའི་གོ་དོན་ནི་ང་ཚོས་ངེས་པར་དུ་མུ་མཐུད་དེ་ལ་འཐབ་རྩོད་གང་འདྲ་བྱ་རྒྱུ་ཡིན་མིན་དེ་རེད་ཅེས་གསུངས་འདུག

ཏོག་དབྱིབས་ནད་ཡམས་ཀྱི་ཉེན་ཁ་ཆུང་བའི་ལུང་པ་དེ་དག་ནས། དུས་ཚིགས་དང་བསྟུན་ནས་ལས་ཀ་ཡོང་མཁན་རྣམས་ལ་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་མི་དགོས་པར་དམིགས་བསལ་གུ་ཡངས་ཡོད་འདུག 

ཕྱི་ཟླ་ ༢ པ་བར་རྒྱལ་སྤྱི་ནས་འགྲུལ་པ་ཡོང་ཚད་ཉུང་དུ་བཏང་ཡོད་འདུག

དེ་ཡང་རྒྱལ་སྤྱི་ནས་ཨོ་སི་ཊོ་ལི་ཡའི་མངའ་སྡེ་ནེའུ་སོ་ཐི་ཝལ་དང་། ནུབ་ཕྱོགས་མངའ་སྡེ། དེ་བཞིན་ཁུན་སི་ལན་ཌི་བཅས་ལ་ཕྱིར་ལོག་བྱེད་མཁན་གྱི་འགྲུལ་པ་བརྒྱ་ཆ་ ༥༠ ཙམ་ཉུང་དུ་བཏང་ཡོད་འདུག

སྒྲིག་གཞི་གསར་པ་དེའི་འོག་ནེའུ་སོ་ཐི་ཝལ་མངའ་སྡེར་བདུན་ཕྲག་རེར་ཕྱིར་ལོག་བྱེད་མཁནའགྲུལ་པ་མི་གྲངས་ ༡༥༠༥ ཉུང་དུ་ཕྱིན་ཡོད་པས་མ་ཚད། དེ་བཞིན་ཨོ་སི་ཊོ་ལི་ཡའི་ནུབ་ཕྱོགས་མངའ་སྡེར་བདུན་ཕྲག་རེར་འགྲུལ་པ་མི་གྲངས་ ༥༡༢ རེར་ཉུང་དུ་ཕྱིན་པ། གཞན་ཡང་ཁུན་སི་ལན་ཌི་མངའ་སྡེར་བདུན་ཕྲག་རེར་འགྲུལ་པ་མི་གྲངས་ ༥༠༠ རེར་ཉུང་དུ་ཕྱིན་ཡོད་པ་རེད། 



ཝི་ཊོ་རི་ཡ་མངའ་སྡེ་ཡང་མུ་མཐུད་ནས་བདུན་ཕྲག་རེར་འགྲུལ་པ་ཡོང་མཁན་མི་གྲངས་ཚད་གཞི་ ༤༩༠ ཡིན་པས། གྲངས་ཚད་འདི་ནི་དེ་སྔོན་ཝི་ཊོ་རི་ཡའི་ནང་ཏོག་དབྱིབས་ནད་ཡམས་ཐེངས་གཉིས་པ་ཁྱབ་རྗེས་ཉུང་འཕྲི་བྱས་པ་དེ་ཆགས་ཡོད། 

རྒྱལ་ཡོངས་བློན་ཆེན་ལྷན་ཚོགས་ནས་ཕྱི་ཟླ་ ༢ ཚེས་ ༡༥ བར་འགྲུལ་པ་ཉུང་འཕྲི་བྱ་རྒྱུའི་གཏན་འབེབས་འདི་ནི། ཉེ་ཆར་རེས་གཟའ་པ་སངས་ཉིན་མངའ་སྡེ་དང་ས་ཁུལ་ཁག་གི་འགོ་ཁྲིད་རྣམས་ཚོགས་འདུ་སྐབས་གཏན་འབེབས་བྱས་པ་ཆགས་ཡོད། 

སྲིད་བློན་སི་ཀོ་ཊི་མ་རེ་སོན་མཆོག་གིས་རྒྱལ་ཁབ་གཞན་པའི་ནང་ཨོ་སི་ཊོ་ལི་ཡའི་མི་སེར་ཐོ་འགོད་བྱས་ཡོད་པའི་བརྒྱ་ཆ་ ༨༠ ནི་ད་ལྟའི་ཆར་ཏོག་དབྱབིས་ནད་ཡམས་གསར་པ་ཁྱབ་སའི་རྒྱལ་ཁབ་དེ་དག་ཆགས་ཡོད་ཅེས་གསུངས་འདུག
ཨོ་སི་ཊོ་ལི་ཡའི་འཕྲོད་བསྟེན་འགན་འཛིན་པལ་ཁེ་ལེ་ Paul Kelly མཆོག་གིས་འགོས་ཁྱབ་མྱུར་བའི་ཏོག་དབྱིབས་ནད་ཡམས་གསར་པ་འདིར་ཁ་གཏད་གཅོག་རྒྱུ་ཁག་པོ་དང་ཉེན་ཚབས་ཅན་ཞིག་ཡིན་པ་དང་། ང་ཚོའི་དམིགས་ཡུལ་གཙོ་བོ་དེ་ཨོ་སི་ཊོ་ལི་ཡའི་མི་རྣམས་བདེ་འཇགས་ཡོང་ཐབས་ཡིན་ཞིང་། ཉེན་ཁ་དེ་མི་བྱེ་དྲག་པ་གཅིག་གི་གནད་དོན་མིན་པར་ཚང་མར་འབྲེལ་ནས་ཡོད་པ་ཞིག་རེད། རྒྱུ་མཚན་གཙོ་བོ་དེ་རྗེས་མར་གཏང་འཛིན་བྱ་རྒྱུ་དཀའ་ངལ་ཁག་པོ་ཆགས་སྲིད་པ་དེ་རེད་ཅེས་གསུངས་འདུག

ཟུར་བཀག་གི་ལས་བྱེད་ཚང་མ་ཉིན་ལྟར་བརྟག་དཔྱད་བྱེད་དགོས་ཀྱི་ཡོད།

རྒྱལ་སྤྱི་ནས་གནམ་ཐོག་ཏུ་ཡོང་མཁན་འགྲུལ་པ་ཚང་མ་འབྱོར་མ་ཐག་དང་ཡང་ན་བདུན་ཕྲག་རེའི་ནང་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་བྱེད་དགོས་ཀྱི་ཡོད་པས་མ་ཚད། འཕུར་བསྐྱོད་གཉིས་བར་ནས་ཟུར་བཀག་དུ་སྡོད་དགོས་ཀྱི་ཡོད་པ་རེད། 

ད་ལྟའི་ཆར་ཁྱོན་མི་གྲངས་ ༣༨༠༠༠ ཙམ་གྱིས་ཕྱི་སྲིད་ལྷན་ཁང་དང་ཚོང་ལས་ངོ་ཚབ་བཅས་ལ་ཐོ་འགོད་བྱས་ནས་རྒྱལ་ཁབ་གཞན་ནས་ཨོ་སི་ཊོ་ལི་ཡར་ཡོང་རྒྱུར་སྒུག་ནས་བསྡད་ཡོད་འདུག


Share

Published

Updated

By Tom Stayner
Presented by Sangyal Dorjee

Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tibetan-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service