ཨོ་སི་ཊོ་ལི་ཡའི་ནང་པགས་པའི་སྐྲན་ནད་ཀྱི་ཉེན་ཁ་ག་རེ་ཡོད་མེད་དང་རང་ཉིད་སྲུང་སྐྱོབ་བྱེད་སྟངས།

ཨོ་སི་ཊོ་ལི་ཡ་ནི་འཛམ་གླིང་ནང་པགས་པའི་སྐྲན་ནད་ཀྱི་ཉེན་ཁ་ཚད་གཞི་མཐོ་ཤོས་ཀྱི་གྲས་ཤིག་ཡིན་པ་རེད། པགས་པའི་སྐྲན་ནད་ནང་མང་ཆེ་བ་ཞིག་ནི་མེ་ལཱ་ནོ་མཱ་ Melanoma ཞེས་ཉི་མའི་འོད་རླབས་ཀྱིས་མིའི་ལུས་ཀྱི་གྲུབ་རྫས་ཕྲ་མོ་ Cell གནོད་སྐྱོན་བཏང་བ་ལ་བརྟེན་ནས་བྱུང་བའི་པགས་སྐྲན་རིགས་དེ་ཆགས་ཀྱི་ཡོད་པ་རེད།

surfing family

Source: Getty Images/Matteo Colombo

ཨོ་སི་ཊོ་ལི་ཡ་ནི་འཛམ་གླིང་ནང་པགས་སྐྲན་ནད་པ་མང་ཤོས་ཡིན་པའི་རྒྱུ་མཚན་ག་རེ་ཡིན་ནམ། 

ཨོ་སི་ཊོ་ལི་ཡའི་རྣམ་གྲངས་རིག་པའི་ངོ་ཚབ་ལས་ཁུངས་ཀྱིས་སྙན་ཐོ་བཏོན་པར་ལྟར་ན། ཕྱི་ལོ་ ༢༠༡༧ ནས་ ༢༠༡༨ བར་ཨོ་སི་ཊོ་ལི་ཡའི་ནང་མི་ ༣ ནང་ནས་ ༡ སྟེ་མི་འབོར་བརྒྱ་ཆ་ ༣༨་༨ ཙམ་ལ་པགས་པའི་སྐྲན་ནད་ཡོད་པ་དང་། པགས་པའི་སྐྲན་ནད་ནི་ཨོ་སི་ཊོ་ལི་ཡའི་ནང་རྒྱུན་ལྡན་ལྟར་བུ་ཞིག་ཆགས་ཡོད་པ་རེད། 


གནས་ཚུལ་གཙོ་འདོན་ཁག་ཅིག

  • མིའི་ལུས་པོ་ལ་ཉི་མའི་འོད་རླབས་ཚད་བརྒལ་ཕོག་ཚེ་དེས་པགས་པའི་ཕྲ་ཕུང་གི་ཌེ་ཨེན་ཨེ་ DNA ལ་གནོད་སྐྱོན་གཏོང་གིན་ཡོད། 
  • ཤ་མདོག་ནག་པོའི་རིགས་ལ་ཉེན་ཁ་ཆུང་བ་ཡོད་ཀྱང་། ད་དུང་པགས་པའི་སྐྲན་ནད་ཕོག་སྲིད་པ་ཡིན། 
  • ཤ་མདོག་ནག་པོའི་རིགས་ལ་མིའི་བཅུད་རྫས་ D ཡི་འཚོ་བཅུད་ཉུང་སྐྱོན་གྱི་ཉེན་ཁ་ཆེ་བ་ཡོད།  

སྨན་རྫས་ཞིབ་འཇུག་ལྟེ་གནས་དང་སྐྲན་ནད་སྟངས་འཛིན་ཚོགས་པའི་སློབ་དཔོན་ཌེ་ཝི་ཌེ་ཝི་ཊི་མན་ David Whiteman ལགས་ཀྱིས་པགས་པའི་སྐྲན་ནད་ཀྱི་དཀའ་ངལ་འབྱུང་ཁུངས་ཤིག་ནི་ས་ཁམས་དང་། གནས་སྤོ་བ་གཉིས་མཉམ་དུ་སྡེབ་པ་ལས་འབྱུང་གི་ཡོད་སྐོར་གསུངས་འདུག 

ཁོང་གིས་"ལྷོ་ཕྱེད་གོ་ལའི་ནང་ང་ཚོའི་རྒྱལ་ཁབ་ནི་ལྷོ་ཕྱེད་གོ་ལའི་འཕྲེད་ཀྱི་རྒྱང་ཐག་དམའ་མོའི་མཚམས་སུ་ཆགས་ཡོད་སྟབས། ཡོ་རོབ་དང་ཨེ་ཤེ་ཡ་བྱང་མ། གཞན་བྱང་ཨ་མི་རི་ཁ་ལྟ་བུ་འཛམ་གླིང་གི་ཆ་ཤས་གཞན་ཁག་ལས་ཨོ་སི་ཊོ་ལི་ཡར་ཉི་མའི་འོད་རླབས་ཚད་གཞི་ཤུགས་ཆེ་ས་གཞིར་ཕོག་གི་ཡོད་པ་རེད། དེར་བརྟེན་ང་ཚོ་སྡོད་ས་འདིར་ཉི་མའི་འོད་རླབས་ཁ་ཐུག་འཁེལ་ས་ཞིག་ཆགས་ཡོད་"ཅེས་གསུངས་འདུག
world globe
Source: Getty Images/maps4media

ཨོ་སི་ཊོ་ལི་ཡ་ནི་ད་དུང་སའི་གོ་ལའི་ཉི་མ་འཁོར་ལམ་ཡང་འཁེལ་གྱི་ཡོད་འདུག

ཡང་སློབ་དཔོན་ཝི་ཊི་མན་ལགས་ཀྱིས་"ང་ཚོ་ཨོ་སི་ཊོ་ལི་ཡའི་ནང་དཔྱིད་ཀ་ནི། སྤྱིར་སྟངས་ཉི་མའི་འོད་ཟེར་ཧ་ཅང་ཤུགས་ཆེ་འཕྲོས་ཀྱི་ཡོད། གང་ཡིན་ཟེར་ན་སྐབས་དེར་བྱང་ཕྱེད་གོ་ལ་དང་བསྡུར་ན་དཔྱིད་ཀ་ང་ཚོ་ཉི་མ་དང་བར་ཐག་ཅུང་ཉེ་རུ་འགྲོ་བཞིན་ཡོད་པ་རེད་"ཅེས་གསུངས་འདུག

ཁོང་གིས་ཨོ་སི་ཊོ་ལི་ཡའི་མི་མང་ཆེ་བ་ནི་ཡོ་རོབ་མི་དཀར་གྱི་རིགས་རྒྱུད་དང་ཤ་པགས་དཀར་པོ་ཡིན་པས། དེ་ནི་ཉི་མའི་འོད་རླབས་ཤུགས་ཆེ་འཕྲོས་ས་ཨོ་ས་ཊོ་ལི་ཡའི་ཁོར་ཡུག་དེ་ཁོང་ཚོར་འཚམ་པོ་མིན་སྐོར་གསུངས་འདུག
woman running beach
Source: Getty Images/MB Photography

 ཉི་མས་པགས་སྐྲན་ན་ཚ་གང་འདྲ་བྱེད་ནས་བཟོ་བཞིན་ཡོད་དམ།

མིའི་གཟུགས་པོ་ལ་ཉི་མའི་འོད་རླབས་ཚད་བརྒལ་ཕོག་ཚེ་མིའི་པགས་པའི་ནང་གྲུབ་རྫས་ཕྲ་མོའི་ DNA གནོད་སྐྱོན་བཏང་ནས་པགས་སྐྲན་གྱི་རྒྱུར་འགྱུར་བ་དང་། གནོད་སྐྱོ་ཇེ་མང་དུ་ཕྱིན་ཚེ་པགས་པའི་སྐྲན་ནད་ཆགས་ཀྱི་ཡོད་པ་རེད།

སིཌ་ནིང་ནང་ན་ཚ་སྤྱི་ཡོངས་ཀྱི་སྨན་པ་ GP ཨཱ་མཱ་ཌ་ཧཱ་སཱ་ནིང་ Ahmad Hasanien ལགས་ཀྱིས། ཉི་མའི་འོད་རླབས་པགས་པ་ལ་ཕོག་ཚེ་ག་རེ་ཆགས་ཀྱི་རེད་དམ་ཟེར་ན། ཕྱི་ངོས་ནས་མིའི་གྲུབ་རྫས་ཕྲ་མོ་ Cell ཡི་ DNA འགྱུར་བ་གཏོང་འགོ་ཚུགས་པ་དང་། དེ་ནས་ཉི་མ་ནས་ཉི་མ་དང་ལོ་ནས་ལོའི་རྗེས་ལ་པགས་པའི་སྐྲན་ནད་འགོ་ཚུགས་ནས་ཚེ་སྲོག་ལའང་ཉེན་ཁ་ཡོད་པ་རེད་"ཅེས་གསུངས་འདུག

དཔེར་ན་མིའི་གཟུགས་པོའི་ནང་ལ་ DNA བཟོ་བཅོས་བྱེད་མཁན་གྱི་འཕྲུལ་ཆས་ལ་མཚོན་ན་དེས་གནོད་སྐྱོན་བཏང་ཚར་བའི་གྲུབ་རྫས་དེ་དག་བསྐྱར་བཅོས་བྱེད་ཐུབ་ཀྱི་མེད་པ་དང་། དེ་དག་ཇེ་མང་དུ་ཕྱིན་ནས་སྐྲན་ནད་དུ་འགྱུར་གྱི་ཡོད། 

ཌོར་ཊར་ཧཱ་སཱ་ནིང་ Dr Hasanien ལགས་ཀྱིས་ལྷག་པར་དུ་ཨོ་སི་ཊོ་ལི་ཡའི་ནང་དཔྱིད་ཀ་ཉི་མའི་འོད་རླབས་ཧ་ཅང་མཐོ་བ་ཡོད་པས་ཉི་མ་ལས་སྲུང་སྐྱོབ་མ་བྱས་ཚེ་ཉེན་ཁ་ཆེན་པོ་ཡོད་སྐོར་གསུངས་འདུག ཁོང་གིས་"ཨོ་སི་ཊོ་ལི་ཡའི་ནང་ཉི་མའི་ནང་ཉི་མའི་འོད་རླབས་ཀྱི་ཤུགས་ཚད་དེ་ ༡༢ ཡིན་པ་དང་རྒྱུན་དུ་ང་རང་ཉི་མའི་ནང་ཕྱི་ལོགས་ལ་འགྲོ་རྒྱུ་ལས་གཡོལ་གྱི་ཡོད་ལ། ངས་ཕྲུ་གུ་ཚོ་ཡང་ཕྱི་ལོགས་ལ་ཁྲིད་མི་དགོས་པའི་ཐབས་ཤེས་བྱེད་ཀྱི་ཡོད་"ཅེས་གསུངས་འདུག  

དགུན་ཁ་སྐབས་སུ་ཉི་མ་ཤར་གྱི་ཡོད་ཀྱང་ཉི་མའི་འོད་རླབས་ཤུགས་ཚད་དེ་ ༣ ནས་ ༤ བར་ཡིན་པ་དང་། ཌོ་ཊར་ཧཱ་སཱ་ནིང་ལགས་ཀྱིས་སྐབས་དེར་ཉི་མའི་འོད་རླབས་ཀྱི་དུས་ཚོད་དེ་ཡང་ཐུང་ཐུང་ཡིན་སྐོར་གསུངས་འདུག 

འོན་ཀྱང་དཔྱིད་ཀའི་སྐབས་སུ་ཉི་མའི་འོད་རླབས་འཕྲོས་པའི་དུས་ཚོད་སྔ་དྲོ་ཆུ་ཚོད་ ༨ པ་ནས་ཕྱི་དྲོ་ཆུ་ཚོད་ ༤།༣༠ ཙམ་བར་འཕྲོས་ཀྱི་ཡོད་པས་མ་ཚད་རྒྱུན་དུ་འོད་རླབས་ཀྱི་ཤུགས་ཚད་ ༡༢ ནས་ ༡༤ བར་སླེབས་ཀྱི་ཡོད་སྐོར་གསུངས་འདུག
sunscreen toddler
Source: Getty Images/Stuart Westmoreland

 ཉི་མ་ལས་ཁྱེད་རང་སྲུང་སྐྱོང་བྱེད་སྟངས་ཨོ་སི་ཊོ་ལ་ཡའི་ནང་གཤམ་གསལ་དབྱིན་ཚིག་སྟབས་བདེ་འདི་ཚོ་བེད་སྤྱོད་བྱེད་བཞིན་ཡོད། 'Slip, slop, slap, seek, slide.'

ཕི་ཇི་ཕེར་ས་ཊོན་ Paige Preston ལགས་ནི་སྔོན་མ་ཨོ་སི་ཊོ་ལི་ཡའི་སྐྲན་ནད་བདེ་དོན་ལྷན་ཁང་གི་པགས་སྐྲན་ཚོགས་ཆུང་གི་ཚོགས་གཙོ་རེད། ཁོ་མོས་ཨོ་སི་ཊོ་ལི་ཡའི་མི་ཚང་མ་ཕྱི་རོལ་ཏུ་མ་འགྲོ་སྔོན་ལ་ས་གནས་དེའི་ཉི་མའི་འོད་རླབས་ཀྱི་ཚད་གཞི་བརྟག་དཔྱད་བྱེད་དགོས་པ་དང་། དེ་ཡང་ Sunsmart app ཞེས་པའི་ཁ་པར་ནང་གི་གཉེན་ཆས་དང་ཡང་ན་གནམ་གཤིས་རིག་པའི་དྲ་ཚིགས་ཐོག་ནས་བརྟག་དཔྱད་བྱེད་དགོས་པའི་འབོད་སྐུལ་གནང་འདུག

ཁོ་མོས་"གལ་སྲིད་ཉི་མའི་འོད་རླབས་ཚད་གཞི་ ༣ དང་དེའི་ཡན་ཡིན་ཚེ་ང་ཚོས་ཨོ་སི་ཊོ་ལི་ཡའི་མི་ཚང་མས་ངེས་པར་དུ་ཉི་མ་ལས་སྲུང་སྐྱོབ་ཀྱི་ཐབས་ལམ་འདྲ་མིན་སྤྱོད་དགོས་པའི་ལམ་སྟོན་བྱེད་བཞིན་ཡོད་"ཅེས་གསུངས་འདུག

ཁོ་མོས་"ཉི་མའི་འོད་རླབས་རིམ་པ་ ༣ དང་དེའི་ཡན་ཡིན་ཚེ་པགས་པ་བཀབ་ཐུབ་པའི་གོས་གྱོན་དགོས་པ་དང་། ཉི་འགོག་སྣུམ་བྱུག་དགོས། སྐེ་དང་རྣ་བ་དང་ངོ་གདོང་ཁེབས་པའི་ཞྭ་མོ་གྱོན་དགོས། གྲིབ་ནག་འོག་སྡོད་དགོས་པ་དང་ཉི་འགོག་མི་ཤེལ་གྱོན་དགོས་ཀྱི་ཡོད་པ་རེད་"ཅེས་གསུངས་འདུག
pdark skin person beach
Source: Getty Images/Elizabeth Fernandez
ཤ་མདོག་ནག་པོའི་མི་རྣམས་ལ་པགས་པའི་སྐྲན་ནད་ཕོགས་པའི་ཉེན་ཁ་ཆུང་བ་ཡོད་དམ། 

སྐུ་ཞབས་ཝི་ཊི་མན་ལགས་ཀྱིས་ཤ་མདོག་ནག་པོའི་མི་རྣམས་ལ་པགས་ནད་ཀྱི་ཉེན་ཁ་ཆུང་བ་ཡོད། འོན་ཀྱང་ཁོང་ཚོ་ལ་པགས་ནད་ཀྱི་ཉེན་ཁ་མེད་པ་མ་ཡིན་ཞེས་གསུངས་འདུག

མ་ཚད་ཌོ་ཊར་ཧན་སིན་ Dr Hasanien ལགས་ཀྱིས་ཁོང་གི་སྨན་བཅོས་ལག་ལེན་སྐབས་ཤ་མདོག་ནག་པོ་ཡིན་པའི་པགས་སྐྲན་ནད་པ་མང་པོ་ཞིག་མཐོང་མྱོང་ཡོད་སྐོར་གསུངས་འདུག

བཅུད་རྫས་ D ཉུང་སྐྱོན་གྱི་གནས་ཚུལ། 

འོན་ཀྱང་ཉི་མའི་ནང་མ་འགྲོ་ཚེ་མིའི་ལུང་ཟུངས་ལ་དགོས་པའི་བཅུད་རྫས་ D ཉུང་སྐྱོན་གྱི་གནས་ཚུལ་ཡོང་སྲིད་ལ། ལྷག་པར་དུ་ཤ་མདོག་ནག་པོའི་མི་རྣམས་ལ་བཅུད་རྫས་ D མི་འདང་བའི་དཀའ་ངལ་ཡོད། 

སྐྲན་ནད་བདེ་དོན་ལྷན་ཁང་གི་ལས་བྱེད་ཕི་ཇི་ཕེར་ས་ཊོན་ Paige Preston ལགས་ཀྱིས་ཉི་མ་སྲོལ་བ་ལས་ཁྱེད་རང་གི་སྨན་པ་ལ་བཅུད་རྫས་ D སྐོར་ག་རེ་དགོས་མིན་བཀའ་འདྲི་ཞུ་དགོས་པ་རེད་ཅེས་གསུངས་འདུག 
Bondi beach
A crowded Bondi Beach, in NSW, on a Summer day. Source: Getty Images/Matteo Colombo

Share

Published

Updated

By Chiara Pazzano

Share this with family and friends


Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Tibetan-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service