ཡེ་ཤུའི་འཁྲུངས་སྐར་དུས་ཆེན་སླེབས་ལ་ཉེ་བའི་སྐབས་འདིར་སིཌ་ནི་བྱང་ཁུལ་མཚོ་མཐའ་ཁུལ་དང་། Greater སིཌ་ནི་ཁུལ་དུ་གློ་བུར་ཏོག་དབྱིབས་ནད་པ་གསར་པའི་གྲངས་ཚར་འཕར་ཡོད་པའི་རྐྱེན་གྱིས། མངའ་སྡེ་དང་ས་ཁུལ་གྱི་འགོ་ཁྲིད་ཚོས་དེ་མ་ཐག་ས་ཁུལ་དེ་དག་ནས་འགྲུལ་བཞུད་དམ་བསྒྲགས་སྒྲིག་གཞི་གསར་པ་ཞིག་ལག་བསྟར་གནང་དགོས་འཁེལ་ཡོད།
རེས་གཟའ་ཉི་མའི་མཚན་གུང་བར་བརྟག་དཔྱད་སྐབས་ནད་པ་གསར་པ་ ༣༠ ཐོན་ཡོད་པ་བཅས་ཁྱོན་ཉིན་དེར་ཏོག་དབྱིབས་ནད་པ་གསར་པའི་གྲངས་འབོར་ ༧༠ ཆགས་ཡོད། འོན་ཀྱང་འགོ་ཁྲིད་ཚོས་ན་ཚ་འགོས་ཁྱབ་དེའི་འབྱུང་ཁུངས་ད་དུང་ཤེས་རྟོགས་བྱུང་མེད་སྐོར་འགྲེལ་བརྗོད་གནང་ཡོད།
རེས་གཟའ་ཉི་མའི་ཉིན་ནེའུ་སོ་ཐི་ཝལ་མངའ་སྡེའི་བློན་ཆེན་ Gladys Berejiklian མཆོག་གིས་རེས་གཟའ་སྤེན་པ་ཕྱི་དྲོ་ཆུ་ཚོད་ ༥ པ་ནས་རེས་གཟའ་ལྷག་པའི་ཆུ་མཚན་དཀྱིལ་བར་སིཌ་ནི་བྱང་ཕྱོགས་མཚོ་མཐའ་ཁུལ་ལ་བསྐྱར་དུ་བཀག་བསྡོམས་བྱ་རྒྱུ་ཡིན་སྐོར་གསལ་བསྒྲགས་གནང་ཡོད།
ཁོ་མོས་བྱང་ཕྱོགས་མཚོ་མཐའ་ཁུལ་གྱི་ས་གནས་གཞུང་གི་མངའ་ཁུལ་དེ་བཞིན་ང་ཚོས་དེ་སྔོན་ཕྱི་ཟླ་ ༣ པའི་སྐབས་སུ་དམ་བསྒྲགས་དེ་བཞིན་ཕྱིར་ལོག་ལག་བསྟར་བྱ་རྒྱུ་ཡིན་སྐོར་འགྲེལ་བརྗོད་གནང་ཡོད།
གློ་བུར་གྱི་ན་ཚ་ཁྱལ་བརྡལ་དེས་སིཌ་ནི་ཉེ་འགྲམ་དང་ནེའུ་སོ་ཐི་ཝལ་མངའ་སྡེའི་ནང་གནས་སྡོད་བྱེད་མཁན་རྣནམས་གུང་སེང་སྐབས་མངའ་སྡེའི་ནང་ཁུལ་དུ་འགྲུལ་བཞུད་བྱ་འདོད་ཡོད་མཁན་རྣམས་ལ་ཧང་སང་བའི་གནས་ཚུལ་ཆགས་ཡོད།་འདིར་ཁྱེད་རང་གི་ཤེས་དགོས་པའི་གནས་ཚུལ་ཁག་ཅིག་བཀོད་ཡོད།
ཝི་ཊོ་རི་ཡ། Victoria
སིཌ་ནི་གྱི་ས་གནས་ Greater Sydney དང་དེའི་ནང་ Central Coast དེ་བཞིན་རི་སྔོན་པོ་ཁུལ་དུ་གནས་སྡོད་བྱེད་མཁན་རྣམས་ banned ཝི་ཊོ་རི་ཡར་འགྲུལ་བཞུད་བཀག་བསྡོམས་བྱ་རྒྱུ་ཡིན་སྐོར་ཝི་ཊོ་རི་ཡ་མངའ་སྡེའི་བློན་ཆེན་ཌེ་ནལ་ཨེན་ཌོར་ Daniel Andrews མཆོག་གིས་གསལ་བསྒྲགས་གནང་འདུག
དུས་ཚོད་དེའི་རྗེས་ནས་སུ་ཞིག་མངའ་སྡེའི་ནང་འཛུལ་ཞུགས་བྱས་ཚེ་དུས་ཡུན་ཉིན་གྲངས་་༡༤ རིང་མགོན་ཁང་དུ་ཟུར་བཀག་ལ་སྡོད་དགོས་ཀྱི་ཡོད་འདུག
རེས་གཟའ་ཟླ་བའི་མཚན་གུང་བར་ཝི་ཊོ་རི་ཡའི་མི་སུ་ཞིག་ཕྱིར་ལོག་བྱེད་མཁན་རྣམས་སོ་སོའི་ནང་ཁྱིམ་དུ་དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་ཀྱི་ཡོད་འདུག
དུས་ཚོད་དེའི་རྗེས་ནས་འབྱོར་མཁན་རྣམས་ལ་ད་དུང་མགྲོན་ཁང་ཟུར་བཀག་བཀོད་སྒྲིག་གནང་རྒྱུ་ཡིན་འདུག
སྐུ་ཞབས་ཨན་ཌོར་མཆོག་གིས་གལ་གནད་ཅན་གྱི་གོམ་སྟབས་གསར་པ་དེ་ཐག་གཅོད་བྱ་རྒྱུ་ཁག་པོ་འདུག་ཀྱང་། འདི་ནི་ངེས་པར་དུ་ཐག་གཅོད་དགོས་ངེས་ཤིག་ཆགས་ཡོད་ཅེས་དང་། ཡང་ཁོང་གིས་རེས་གཟའ་ལྷག་པའ་མཚན་དཀྱིལ་བར་བྱང་ཕྱོགས་མཚོ་མཐའ་ཁུལ་དུ་བཀག་བསྡོམས་མཇུག་མ་བསྒྲིལ་བར་དུ་དེ་ལྟར་ས་མཚམས་བཀག་བསྡོམས་མུ་མཐུད་བྱ་རྒྱུ་ཡིན་སྐོར་འགྲེལ་བརྗོད་གནང་འདུག
གློག་གི་བརྡ་རྟགས་གནས་གསལ་ལྟར་ན་ Greater Sydney ཁུལ་ཕུད་དེ་མིན་ནེའུ་སོ་ཐི་ཝལ་མངའ་སྡེའི་ཁྱོན་དུ་གློག་བརྡ་ལྗང་ཁུ་ཡིན་ཡང་། ནེའུ་སོ་ཐི་ཝལ་མངའ་སྡེའི་ཁུལ་དུ་གནས་སྡོད་བྱེད་མཁན་རྣམས་ཝི་ཊོ་རི་ཡར་འགྲོ་བསྐྱོད་བྱེད་པར་ད་དུང་ཆོག་མཆན་ཞུ་དགོས་ཀྱི་ཡོད་འདུག
སིཌ་ནི་བྱང་ཕྱོགས་མཚོ་མཐའ་ཁུལ་ནས་ཡིན་པའི་མི་ཕྱི་ཟླ་ ༡༢ པའི་ཚེས་ ༡༡ དང་ཡང་ན་དེ་ནས་བཟུང་ཝི་ཊོ་རི་ཡའི་ནང་འབྱོར་ཡོད་མཁན་རྣམས་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་དང་ཟུར་བཀག་དུ་སྡོད་དགོས་ཀྱི་ཡོད་འདུག
ཁུན་སི་ལན་ཌི། Queensland
ཁུན་སི་ལན་ཌིའི་འཕྲོད་བསྟེན་འགོ་ཁྲིད་ཚོས་སིཌ་ནི་དང་མངའ་སྡེའི་ས་མཚམས་སྒོ་རྒྱག་རྒྱུ་ཡིན་སྐོར་གསལ་བསྒྲགས་གནང་འདུག སུ་ཞིག་སིཌ་ནི་དང་། རི་སྔོན་པོ། Central Coast དེ་བཞིན་ Illawarra-Shoalhaven ས་གནས་བཅས་ནས་འདས་པའི་བདུན་ཕྲག་གཉིས་ནང་བརྟག་དཔྱད་མེད་པར་མངའ་སྡེའི་ནང་འཛུལ་ཞུགས་ཆོག་གི་མེད་པ་དང་། གལ་སྲིད་འཛུལ་ཞུགས་ཆོག་མཆན་ཐོབ་ཚེ་ད་དུང་མགྲོན་ཁང་ནང་དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་ཀྱི་ཡོད་སྐོར་བརྗོད་འདུག
ཁུན་སི་ལན་ཌིའི་མི་རྣམས་རེས་གཟའ་མིག་དམར་ཐོ་རངས་ཆུ་ཚོད་ ༡ པོ་བར་གཞན་ཡང་ཆུ་ཚོད་ ༢༤ ནང་རང་ཁྱིམ་ལ་ཕྱིར་ལོག་བྱེད་ཆོག་གི་ཡོད་ཀྱང་། ཁོང་ཚོར་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་བྱེད་དགོས་པས་མ་ཚད། དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་ཀྱི་ཡོད་འདུག
རེས་གཟའ་ཉི་མའི་ཉིན་ཁུན་སི་ལན་ཌི་མངའ་སྡེའི་བློན་ཆེན་ཨ་ནཱ་སི་ཊ་ཤཱ་ Annastacia Palaszczu ལགས་ཀྱིས་གལ་སྲིད་ཁྱེད་རང་ Greater Sydney ས་གནས་ནས་ཡིན་ཚེ། ད་ལྟའི་ཆར་ཁུན་སི་ལན་ཌིའི་ནང་འགྲུལ་བཞུད་བྱ་རྒྱུའི་དུས་ཚོད་མ་རེད་ཅེས་གསུངས་འདུག
ཁུན་སི་ལན་ཌི་མངའ་སྡེས་ནེའུ་སོ་ཐི་ཝལ་མངའ་སྡེའི་ས་མཚམས་སུ་བརྟག་དཔྱད་ས་ཚིགས་ཁག་ཅིག་འགྲེམས་འཇོག་བྱ་རྒྱུ་ཡིན་འདུག
རྒྱལ་སའི་མངའ་ཁུལ། The Australian Capital Territory
ཨོ་སི་ཊོ་ལི་ཡ་རྒྱལ་ས་མངའ་ཁུལ་གྱིས་སུ་ཞིག་སིཌ་ནི་དང་། རི་སྔོན་པོ། Central Coast དེ་བཞིན་ Illawarra-Shoalhaven བཅས་ནས་འབྱོར་ཡོད་ཚེ་དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་པ་དང་། གལ་སྲིད་ཁྱེད་རང་རྒྱལ་ས་མངའ་ཁུལ་དུ་གནས་སྡོད་བྱེད་མཁན་མིན་ཚེ། གོང་གསལ་ས་གནས་དེ་དག་ལ་ཕྱིན་ཡོད་ན། ང་ཚོའི་བརྡ་ལན་དེ་སྟབས་བདེ་ཞིག་ཡིན་ "ཁྱེད་ཚོ་རྒྱལ་སའི་མངའ་ཁུལ་མ་ཡོང་རོགས་" ཞེས་རེས་གཟའ་ཉི་མའི་ཉིན་རྒྱལ་ས་མངའ་ཁུལ་གྱི་འཕྲོད་བསྟེན་བློན་ཆེན་ Kerryn Coleman མཆོག་གིས་གསར་འགོད་པར་འགྲེལ་བརྗོད་གནང་འདུག དེ་བཞིན་སུ་ཞིག་འགྲུལ་བཞུད་མཉམ་དུ་ཡོད་ཚེ་ཟུར་བཀག་དུ་སྡོད་དགོས་པ་རེད་ཅེས་ཁོ་མོས་འགྲེལ་བརྗོད་གནང་འདུག
སྨན་པ་ཀོ་ལེ་མན་ Dr Coleman ལགས་ཀྱིས་རྒྱལ་ས་མངའ་ཁུལ་གྱི་འཕྲོད་བསྟེན་ནས་ཛ་དྲག་དང་གནས་སྟངས་ཅི་འདྲ་ཡིན་རུང་རྒྱལ་ས་མངའ་ཁུལ་ལ་གནས་སྡོད་བྱེད་མཁན་མིན་ཚེ་གོང་གསལ་ས་གནས་དེ་དག་ནས་སུ་ཞིག་ལ་བསམ་གཞིག་བྱ་རྒྱུ་མིན། འདིས་མ་འོངངས་པར་མི་མང་པོ་ཞིག་ལ་དཀའ་ངལ་འཕྲད་རྒྱུ་ཡིན་པ་ངས་ཤེས་ཀྱི་ཡོད། ཏན་ཏན་ཐག་གཅོད་ཡང་མོ་ཞིག་བྱ་རྒྱུ་ཡོད་མ་རེད། ང་ཚོས་དུས་ཡུན་རིང་པོ་དམ་བསྒྲགས་བྱེད་དགོས་འཁེལ་གྱི་མ་རེད་ལ། ང་ཚོའི་ས་གནས་ནས་ཡེ་ཤུའི་འཁྲུངས་སྐར་དུས་ཆེན་དང་ལོ་གསར་གྲ་སྒྲིག་བྱེད་དགོས་པ་རེད་ཅེས་གསུངས་འདུག
ནུབ་ཕྱོགས་མངའ་སྡེ། Western Australia
སིཌ་ནིའི་བྱང་ཕྱོགས་མཚོ་མཐའ་ཁུལ་ལ་ཏོག་དབྱིབས་ནད་པ་གསར་པའི་གྲངས་འབོར་འཕར་ཡོད་པར་བརྟེན་ནུབ་ཕྱོགས་མངའ་སྡེའི་བློན་ཆེན་མཱ་ཁེ་ Mark McGowan ཨོ་སི་ཊོ་ལི་ཡ་ནུབ་ཕྱོགས་མངའ་སྡེ་ནས་ནེའུ་སོ་ཐི་ཝལ་མངའ་སྡེ་དང་ས་མཚམས་བསྐྱར་དུ་སྒོ་ཕྱེ་རྒྱུ་ཁག་པོ་ཡོད་སྐོར་གསལ་བསྒྲགས་གནང་འདུག
རེས་གཟའ་སྤེན་པ་ཉིན་མངའ་སྡེ་དེ་ནེའུ་སོ་ཐི་ཝལ་དང་ཉེན་ཁའི་ཚད་གཞི་དང་དམའ་ཤོས་ནས་འབྲིང་གྲས་སུ་ཆགས་ཡོད་སྟབས། དེའི་དོན་ནི་འདི་ལོ་ལོ་སྟོད་ཀྱི་གནས་ཚུལ་དང་ཛ་དྲག་ཚད་གཞི་གཅིག་མཚུངས་སུ་ཆགས་ཡོད།
ནེའུ་སོ་ཐི་ཝལ་མངའ་སྡེ་ནས་ཕྱི་ཟླ་ ༡༢ ཚེས་ ༢༠ རྗེས་ལ་གནམ་ཐོག་གཅིག་པུ་ནས་དམིགས་བསལ་ཆོག་མཆན་ཡོད་པ་གཅིག་མ་གཏོགས་ནུབ་ཕྱོགས་མངའ་སྡེའི་ནང་འོངས་མི་ཆོག
བློན་ཆེན་ Mr McGowa མཆོག་གིས་དུས་ཚོད་འདིར་ཐག་གཅོད་འདི་འདྲ་ཞིག་བྱ་རྒྱུ་དཀའ་ལས་ཁག་པོ་འདུག ནེའུ་སོ་ཐི་ཝལ་མངའ་སྡེ་ནས་ཡེ་ཤུའི་འཁྲུངས་སྐར་སྐབས་ནང་མི་ཕན་ཚུན་ཐུག་འཕྲད་འགྲོ་འོངས་བྱ་འདོད་ཡོད་པ་ངས་ཤེས་ཀྱི་ཡོད་ཅེས་གསུངས་འདུག
བྱང་ཕྱོགས་མངའ་ཁུལ། The Northern Territory
རེས་གཟའ་ཉི་མའི་དགོང་མོར་མངའ་སྡེའི་སྤྱི་ཁྱབ་བློན་ཆེན་ Nicole Manison མཆོག་གིས་བྱང་ཕྱོགས་མངའ་སྡེ་ནས་ Greater Sydney ནས་འགྲོ་འོངས་བྱེད་མཁན་འགྲུལ་པ་རྣམས་བཀག་འགོག་བྱ་རྒྱུ་ཡིན་སྐོར་བརྗོད་འདུག
དེ་བཞིན་སིཌ་ནི་དང་། རི་སྔོན་པོ། དེ་བཞིན་ Central Coast དང་ Illawarra ས་གནས་བཅས་ནས་འབྱོར་ཡོད་པའི་འགྲུལ་པ་རྣམས་དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་སྐོར་འགྲེལ་བརྗོད་གནང་འདུག
ཡང་ཁོང་གིས་ང་ཚོའི་མི་གཅིག་སྲུང་སྐྱོབ་དེས་ས་ཁུལ་ནང་ཡོད་པའི་ཚེ་སྲོག་ཚང་མ་སྲུང་སྐྱོབ་བྱེད་ཀྱི་ཡོད་པ་དང་། གལ་སྲིད་དེ་ལྟར་མ་བྱུང་ཚེ་དཀའ་ངལ་ཁག་པོ་ཆགས་རྒྱུ་ཡིན་སྐོར་དང་། ང་ཚོ་གང་མགྱོག་ལག་བསྟར་བྱེད་དགོས་ཀྱི་ཡོད་སྐོར་གསར་འགོད་པར་འགྲེལ་བརྗོད་གནང་འདུག
ཏཱ་སི་མ་ནི་ཡ། Tasmania
འཕྲོད་བསྟེན་འགོ་ཁྲིད་ཚོས་བྱང་ཕྱོགས་མཚོ་མཐའ་ཁུལ་གྱི་་གནས་གཞུང་གི་ས་ཁུལ་དེ་བཞིན་ཉེན་ཁ་ཆེ་བའི་གནས་སུ་ངོ་འཛིན་གྱིས་ཕྱི་ཟླ་ ༡༢ ཚེས་ ༡༡ ནས་བཟུང་ཛ་དྲག་ཅན་མ་གཏོགས་འགྲུལ་བཞུད་བྱེད་མཁན་རྣམས་བཀག་བསྡོམས་བྱ་རྒྱུ་དང་། དེ་མིན་ Greater Sydney ཡི་ས་གནས་ཁག་ཉེན་ཁ་འབྲིང་བའི་ས་ཁུལ་ལ་ངོས་འཛིན་གྱིས་ས་ཁུལ་དེ་དག་ནས་ཡོང་བའི་འགྲུལ་པ་རྣམས་དུས་ཡུན་ཉིན་གྲངས་ ༡༤ རིད་ཏཱ་སི་མ་ནི་ཡའི་ནང་འབྱོར་རྗེས་ཟུར་བཀག་དུ་སྡོད་དགོས་པའི་ཐག་གཅོད་བྱས་ཡོད་འདུག
སིཌ་ནི་ནས་ Hobart yacht race ཞེས་གྲུ་གཏོང་འགྲན་སྡུར་གྱི་དུས་སྟོན་དེ་ལོ་རྒྱུས་ནང་འདི་ལོར་ཐེངས་དང་པོ་མེད་པ་བཟོས་ཡོད། སིཌ་ནི་ནང་ཏོག་དབྱིབས་ན་ཚ་སླར་ཡང་ཁྱབ་བརྡལ་ཕྱིན་པའི་རྐྱེན་གྱིས་ས་མཚམས་བཀག་བསྡོམས་སོགས་ལ་བརྟན་ནས་གོ་སྒྲིག་གནང་ཐུབ་ཀྱི་མེད་པ་རེད།
ཨོ་སི་ཊོ་ལི་ཡ་ལྷོ་ཕྱོགས་མངའ་སྡེ། South Australia
ཨོ་སི་ཊོ་ལི་ཡའི་ལྷོ་ཕྱོགས་མངའ་སྡེའི་སྤྱི་ཁྱབ་བློན་ཆེན་སི་ཊེ་ཝན་མཱར་ཤལ་ Steven Marshall ལགས་ཀྱིས་རེས་གཟའ་ཉི་མའི་ཉིན་ Greater Sydney ས་གནས་ནས་རེས་གཟའ་ཉི་མའི་མཚན་དཀྱིལ་ནས་ས་མཚམས་སྒོ་རྒྱག་རྒྱུ་དང་། ནེའུ་སོ་ཐི་ཝལ་མངའ་སྡེ་དང་ཨཱ་དྷེ་ལཱ་སྡེ་གནམ་ཐང་བཅས་དང་འཁེལ་བའི་ས་མཚམས་ལམ་ཁ་ལ་ཏོག་དབྱིབས་ན་ཚ་འགོས་ཡོད་མེད་བརྟག་དཔྱད་ས་ཚིགས་འཛུགས་རྒྱུ་ཡིན་སྐོར་འགྲེལ་བརྗོད་གནང་འདུག
མ་ཚད་ greater Sydney ནས་ལྷོ་ཕྱོགས་མངའ་སྡེའི་ནང་འབྱོར་མཁན་འགྲུལ་པ་ཚང་མ་དུས་ཡུན་ཉིན་གྲངས་ ༡༤ རིང་ཟུར་བཀག་དུ་སྡོད་དགོས་པ་དང་། དེ་དང་ཆབས་ཅིག་ལྷོ་ཕྱོགས་མངའ་སྡེའི་ནང་གནས་སྡོད་བྱེད་མཁན་སུ་ཞིག་ཉེ་བའི་ཆར་བྱང་ཕྱོགས་མཚོ་མཐའ་ཁུལ་ལ་ཕྱིན་ཡོད་ཚེ་དེ་མཚུངས་ཟུར་བཀག་དུ་སྡོད་དགོས་ཀྱི་ཡོད་སྐོར་འགྲེལ་བརྗོད་གནང་འདུག
ཨོ་སི་ཊོ་ལི་ཡའི་ནང་ཡོད་པའི་མི་ཚང་མ་ངེས་པར་དུ་མི་གཞན་ལས་བར་ཐག་རྨིད་ ༡་༥ ཡི་མཚམས་སུ་སྡོད་དགོས་པ་ཡིན། དེ་བཞིན་ཁྱེད་རང་གི་ས་གནས་སུ་དམ་བསྒྲགས་དང་འདུ་འཛོམས་ཚད་གཞི་སྐོར་གྱི་སྒྲིག་གཞི་ཞིབ་འཇུག་བྱེད་དགོས་པ་ཡིན།
གལ་སྲིད་ཁྱེད་རང་ཆམ་པ་རྒྱག་པ་དང་། རིམ་ཆམས་ཀྱི་ནད་རྟགས་ལྟར་བུ་ཐོན་ཚེ་ནང་ལ་བསྡད་ནས་སྨན་པར་ཁ་པར་གཏང་ནས་བརྟག་དཔྱད་གོ་སྒྲིག་བྱེད་པའམ་ཡང་ན་ཏོག་དབྱིབས་ན་ཚའི་འཕྲོད་བསྟེན་འབྲེལ་གཏུགས་ཁ་པར་ 1800 020 080 ཐོག་འབྲེལ་བ་བྱེད་དགོས་པ་ཡིན།
གསར་འགྱུར་དང་ཏོག་དབྱིབས་ན་ཚའི་སྐོར་གནས་ཚུལ་སྐད་ཡིག་ ༦༣ ནང་ཡོད་པས་ https://www.sbs.com.au/language/tibetan/coronavirus-updates ནེའུ་སོ་ཐི་ཝལ་ NSW, ཝི་ཊོ་རི་ཡ་ Victoria, ཁུན་སི་ལན་ཌི་ Queensland, ནུབ་ཕྱོགས་མངའ་སྡེ་ Western Australia, ལྷོ་ཕྱོགས་མངའ་སྡེ་ South Australia, བྱང་ཕྱོགས་ས་ཁུལ་ Northern Territory, རྒྱལ་ས་མངའ་ཁུལ་ ACT, ཏཱ་སི་མ་ནི་ཡ་ Tasmania བཅས་ཁྱེད་རང་གི་འབྲེལ་ཡོད་མངའ་སྡེའི་ལམ་སྟོན་དང་གནས་ཚུལ་ཁག་ལ་ཞིབ་འཇུག་གནང་རོགས།
