انلی ہائی اسکول کے آٹھویں سال کی کلاس میں ایک اسٹوڈنٹ میں کووڈ ۔ ۱۹ کی تشخیص ہوئی ہے۔
اِسی اسکول میں پہلے ایک ٹیچر میں بھی وائرس پایا گیا تھا۔
اسکول کے پرنسپل گریگ رولٹن کا کہنا ہے کہ اسکول میں وائرس سے منسلک کوئی خطرہ نہیں۔
"یہ بہت اہم ہے کہ آپ کو پتہ ہو کہ جنوبی آسٹریلیا صحت ( ساؤتھ آسٹریلیا ہیلتھ) نے یہ یقین دہانی کرائی ہے کہ اس بچے کے علاوہ انلی ہائی اسکول میں کوئی اور خطرہ نہیں پایا گیا ہے۔"
آسٹریلیا میں کووڈ۔ ۱۹ کے اب تک سات سو سے زائد کیسز سامنے آچکے ہیں۔
مزید جانئے
حکومتی پابندی اور جمعہ کا اجتماع
وفاقی حکومت کی ویب سائٹ کے مطابق کرونا وائرس کی علامات، ہلکی بیماری سے لے کر نمونیا کی علامات کی طرح ہوسکتی ہیں۔علامات میں بخار، کھانسی، خراب گلا، تھکن یا سانس لینے میں دشواری شامل ہیں۔
اگر آپ میں بیرونِ ملک سے واپسی پر چودہ دن کے اندر یہ علامات پیدا ہوتی ہیں یا کسی کووڈ ۔ ۱۹ سے متاثرہ مریض سے رابطے میں آئے ہیں، تو فوری طبّی امداد حاصل کریں۔
اگر آپ سمجھتے ہیں کہ آپ کو ٹیسٹ کرانا ہے تو اپنے معالج سے رابطہ کریں یا قومی کرونا وائرس ہیلتھ معلوماتی ہاٹ لائن پر فون کریں۔
فون نمبر۔ 1800020080
کرونا وائرس سے متعلق مزید خبریں اور معلومات ایس بی ایس اردو کی ویب سائٹ پر حاصل کریں۔
