رُورل فائر سروسز(آر ایف ایس) کے مطابق گھر کے ہر شخص کو آگ سے بچاؤ کے لئے بات کرنی چاہیئے۔ سب کو پتہ ہونا چاہیئے کہ اگر آگ لگ جاتی ہے تو اس وقت اُسے کیا کرنا ہوگا۔
آر ایف ایس کا کہنا ہے کہ بُش فائر سے بچاؤ کا پلان (حکمتِ عملی) بنانا نہایت آسان ہے۔
پلان بنانے کے چار اقدامات ہیں:
- بات چیت
- تیاری
- معلومات
- کیا چاہیئے
آگ سے متعلق تازہ ترین معلومات
نیو ساؤتھ ویلز
وکٹوریہ
کوئینز لینڈ
ویسٹرن (مغربی) آسٹریلیا
ساؤتھ (جنوبی) آسٹریلیا
تسمانیہ
اے سی ٹی
ناردرن ٹیریٹری
بات چیت
اگر آپ گھر چھوڑنے کا سوچ رہے ہیں تو ان باتوں کا خیال رکھیں
- گھر کو کب یا کتنی دیر میں چھوڑنا ہے؟
- گھر سے کہاں جانا ہے؟
- کیا لے کر جانا ہے؟
- کس کو فون کرکے بتانا ہے کہ ہم خیریت سے پہنچ گئے ہیں؟
- اگر پلان فیل ہوجائے تو بیک اَپ پلان کیا ہے؟
دوسری جانب اگر آگ سے خطرے کی صورت میں گھر ہی میں رہنا ہے تو ان باتوں کا خیال رکھیں۔
- کیا گھر میں مشکل صورتحال سے نمٹنے کے لئے ساری اشیا اور اوزار موجود ہیں؟
- آگ لگنے کی صورت میں کب سے گھر کو بچایا جائے؟
- کیا ہمیں پتہ ہے کہ آگ لگنے سے پہلے، دوران اور بعد میں کیا کرنا ہے؟
- کیا گھر میں ہر شخص کو پتہ ہے کہ اسے آگ لگنے کی صورت میں کیا کرنا ہے؟
- بیک اپَ پلان کیا ہے؟
بُش فائر پچنے کا پلان یہاں سے ڈاؤن لوڈ کیجئے۔
A resident prepares for the approaching bushfire at Old Bar, NSW, Saturday, November 9, 2019. (AAP Image/Darren Pateman) Source: AAP
تیاری
- گھر میں درختوں اور بڑے پودوں کی غیر ضروری شاخوں کو کاٹ دیں۔
- باغ میں اگر گھاس بڑی ہوئی ہے تو اسے کاٹ دیں
- ایسی اشیا جو آسانی سے جل جائیں انہیں حفاظات سے رکھ لیں یا غیر ضروری کو ضائع کردیں
- پانی کے پائپ کو چیک کرلیں۔ ایسی جگہوں کو دیکھ لیں جہاں سے آپ پانی باآسانی حاصل کرسکیں
معلومات
رُورل فائر سروسز کی جانب سے ہر لمحے آگ سے متعلق تازہ ترین معلومات فراہم کی جاتی ہے۔
یہ معلومات باآسانی الیکٹرانک اشیا کے ذریعے حاصل کی جاسکتی ہے۔
نیو ساؤتھ ویلز اور کوئنزلینڈ میں آگ سے بچاؤ اور آگہی کے لئے ان ویب سائٹ سے رجوع کیجیئے:
Image
کیا چاہیئے
یہ سب سے اہم اقدام ہے۔ گھر سے نکلنے سے پہلے آپ یہ فیصلہ کرلیں کہ آگ لگنے یا خطرے کے پیشِ نظر آپ کو کیا لے کر جانا ہے۔
ان اشیا میں موبائل فون، چارجنگ بیٹری، میپ، ویب سائٹ اور اہم فون نمبرکی فہرست بہت ضروری ہیں۔
