آسٹریلین شہریت حاصل کرنے کے لئے کن مراحل سے گزرنا پڑتا ہے

آسٹریلین شہریت لینے والوں کی تعداد میں دن بدن اضافہ ہو رہا ہے۔ انیس سو اننچاس سے اب تک لگ بھگ پانچ ملین افراد کو آسٹریلین شہریت مل چکی ہے۔ آسٹریلین شہریت ملنے کے تمام مراحل کا اہم ترین لمحہ شہریت کی تقریب (سٹیزن شپ سیریمینی) ہے جب نئے شہری اس ملک سے وفاداری کے ساتھ اپنے حقوق اور فرائض نبھانے کا عہد کرتے ہیں۔ لیکن کیا آپ جانتے ہیں کہ آسٹریلین شہریت حاصل کرنے کے لئے کن مراحل سے گزرنا پڑتا ہے؟

Australia anuncia cambios proceso para adquirir la ciudadanía Source: Getty

شہریت کی درخواست کا طریقہ کار

 آسٹریلین وزارتِ داخلہ آن لائین درخواست دینے کو ترجیح دیتی ہے مگر کچھ لوگوں کو حالات کے پیشِ نظر استثنیٰ دیا جا سکتا ہے ۔ آسٹریلیا میں قانونی طور پر چار سال رہنے والے شہریت کی درخواست دینے کے اہل ہوتے ہیں۔ آسٹریلیا کی شہریت کی درخواست دینے کے لئے کئی شرائط ہیں جنہیں پورا کرنا ضروری ہے۔

اہم نکات

• آسٹریلیا کی سکونت کے چار سال میں سے کم از کم ایک سال ۔ پی آر پر رہنا ضروری ہے
• شہریت کا امتحان پاس کرنا ضروری ہوتا ہے
• سٹیزن شپ کا سرٹیفیکیٹ حاصل کر نا ضروری ہے
• آسٹرلین شہریت ملنے کے بعد آپ آسٹریلین پاسپورٹ کی درخواست دے سکتے ہیں

New Australian citizens at an Australia Day Citizenship Ceremony Source: AAP Image-Mick Tsikas

مستقل سکونت یا پی۔آر 

آسٹریلیا میں کم از کم چار سال  رہنے کے بعد ہی شہریت کی درخواست دی جاسکتی ہے جبکہ آسٹریلیا کی سکونت کے چار سال میں سے کم از کم ایک سال ۔ پی آر پر رہنا ضروری ہے۔  درخواست دہندگان ان چار سالوں میں ایک سال سے ذیادہ بیروںِ ملک نہیں رہ سکتے۔

شہریت کا امتحان

درخواست دہندگان کے لئے شہریت کا امتحان پاس کرنا ضروری ہوتا ہے ۔ ذیادہ تر امیدوار  بیس سوالات پر مبنی یہ ٹیسٹ   پچھتر فی صدی نمبروں سے پاس کر لیتے ہیں۔ امتحان میں آسٹریلیا کی معاشرت، تاریخ، جمہوریت اور قوانین پر مبنی سوالات شامل ہوتے ہیں۔ یہ سوالات آن لائین کتابچہ کے مواد پر مبنی ہوتے ہیں۔ آن لائین کتابچے میں امتحان میں شامل معلومات کا الگ حصہ موجود ہے جبکہ صرف معلومات  کے لئے ایسا مواد بھی موجود ہے جس میں سے امتحان میں سوال نہیں شامل کئے جاتے۔ میلبورن میں چھ سال سے مقیم شہلا حبیب  اس بار آسٹریلیا ڈے پر شہریت  حاصل کر رہی ہیں  ۔ ان کا کہنا ہے کہ اگر شہریت کے امتحان کا دیا گیا کتابچہ پڑھ لیا جائے تو یہ ٹیست بہت آسان ہوجا تا ہے اور اسے پاس کرنا مشکل نہیں۔

اثتثنیٰ

  سولہ سال سے کم اور ساٹھ سال سے زیادہ عمر کے افراد کے علاوہ دیکھنے سننے سے محروم   اور دیگر جسمانی یا ذہنی معذورین کو سٹیزن شپ کا امتحان نہیں دینا ہوتا۔

ایڈیلیڈ میں کام کرنے والے  ایک مقامی امیگریشن ایجنٹ کے مطابق  درخواست کی تکمیل میں چودہ مہینے تک کا وقت لگتا ہے۔اس لئیے بار بار رابطہ کرنے اور سوالات کرنے سے پہلے درخواست کی پروسیسینگ کا دورانیہ ہوم افئیرز کی ویب سائٹ پر دیکھ لیں اور اس معاملے پر ذیادہ بے صبری کا مظاہرہ نہ کریں۔

of Port Adelaide of Melbourne during the Round eighteen AFL match Source: AAP Image-Ben Macmahon

میلبورن میں چھ سال سے مقیم شہلا حبیب اس سال شیریت حاصل کر رہی ہیں اور ان کا بھی یہی مشورہ ہے کہ اگر شہریت ملنے کا لیٹیر آنے میں دیر لگے تو پریشان نہ ہوں کیونکہ اگر امورِ خارجہ کی طرف سے اگر کوئی آبجیکشن یا اعتراض نہ کیا گیا ہو تو آخرِ کار شہریت مل ہی جاتی ہے گرچہ اس میں دیر ہو سکتی ہے۔

 آسٹریلین شہریت کے بعد حقوق و فرایض   

•  اپنے حقوق و فرایض سے آگاہی اور ملکی قوانین سے واقفیت کے ساتھ جمہریت پر یقین رکھنا آسٹریلین شہریوں کے لئے ضروری ہے
• آسٹرلین شہریت ملنے کے بعد آپ آسٹریلین پاسپورٹ کی درخواست دے سکتے ہیں
• آسٹریلیا  میں آنے جانے کے لئے آسٹریلین پاسپورٹ کے علاوہ کسی اور طرح کے ویزے یا اجازت نامے کی ضرورت نہیں رہتی
•  آسٹریلین شہریوں کو بیرونِ ملک سفر کے دوران  اگر ضرورت ہو تو آسٹریلیا کی سفارتی مدد مل سکتی ہے
• آپ ووٹ ڈالنے کے حقدار ہو جاتے ہیں
• آپ آسٹریلیا کے انتخابات میں امیدوار ہو سکتے ہیں
•  آسٹریلین شہری کے بیرونِ ملک پیدا ہونے والے بچے آسٹریلن شہری کے طور پر رجسٹر ہو سکتے ہیں

For more details:https://immi.homeaffairs.gov.au/citizenship/give-up-citizenship#HowTo