آسٹریلین سٹیزن شپ ڈے یا آسٹریلیا میں شہریت کا دن ہر سال 17 ستمبر کو منایا جاتا ہے۔ اس سال ملک بھر میں نئے شہریوں کا استقبال کرنے کے لئے 150 تقریبات کا انعقاد کیا گیا جن میں تقریباً 130 ممالک کے 8000 افراد آسٹریلوی شہری بنے۔
نیشنل میوزیم کینبرا میں منعقد کی جانے والی تقریب میں امیگریشن کے وزیر ڈیوڈ کولمین نے50 نئے شہریوں کا استقبال کیا ۔ اس سے پہلے وزیر امیگریشن ڈیوڈ کولمین نے ایک اخباری بیان میں کہا کہ "سیٹزن شپ ڈے آسٹریلین شہریت کی اہمیت کو تسلیم کرنے کا دن ہے"۔
1949 سے اب تک آسٹریلیا نے 50 لاکھ سے زائد نئے شہریوں کو خوش آمدید کہا ہے۔ ہر سال ہزاروں افراد آسٹریلین شہریت کی درخواست دیتے ہیں جن میں سے کچھ کی شہریت کی درخواست امتحان پاس نہ کرنے کے باعث مسترد ہو جاتی ہے۔ آپ آسٹریلیا کے بارے میں کتنا جانتے ہیں؟ یہ سوالنامہ یا کوئیز آپ کے لئیے نہ صرف دلچسپی کا باعث ہوسکتا ہے بلکہ شہریت کے امید واروں کی مدد بھی کر سکتا ہے۔ خود کو آزمائیے اور دیکھئے کہ کیا آپ یہ امتحان پاس کر پائیں گے؟
نوٹ: یہ کوئز آسٹریلوی محکمہ امیگریشن کی ویب سائٹ کے مواد پر مبنی ہے۔ تاہم ، اصل شہریت کے امتحان میں سوالات مختلف ہوسکتے ہیں۔
Courtesy: Shamsher Kainth - Digital Producer SBS Punjabi
شئیر
