آسٹریلیا کے کئی شہروں میں ہزاروں کی تعداد میں طلبا اور دیگر شعبہ ہائے زندگے سے تعلق رکھنے والے افراد نے بھی ریلیاں نکالیں۔
"گلوبل اسٹرائیک فار کلائمیٹ" کے نام سے یہ ریلیاں آج جمعے کے روز ایک سو دس چھوٹے بڑے شہروں اور علاقوں سے نکالی جارہی ہیں۔
احتجاج کا مقصد دنیا میں ماحولیاتی مسائل کو اجاگر کرنا ہے۔ اس احتجاجی تحریک کی شروعات سویڈن کی نوجوان گریٹہ تھن برگ نے کی تھی۔
ماحولیاتی تبدیلی سے منسلک خطرات کی عالمی سطح پر آگاہی پھیلانے کے سلسلے میں گریٹہ تھن برگ کو نوبیل انعام کے لئے بھی نامزد کیا گیا ہے۔
اس سال"گلوبل اسٹرائیک فار کلائمیٹ" کے عنوان سے ماحولیاتی تبدیلی کے لئے احتجاج بیس ستمبر سے ستائیس ستمبر کے دوران کیا جارہا ہے۔
پاکستان کے دیگر شہروں میں بھی ماحولیاتی تبدیلی پر ریلیاں نکالی جارہی ہیں۔
ماحولیاتی کارکنوں پر مبنی کلائیمیٹ ایکشن پاکستان نامی گروپ کے تحت دیگر شہروں میں ریلیاں نکالی جارہی ہیں۔
