"این انٹروڈکٹری ریسورس ۔ اسلام اینڈ لِوونگ اِن آسٹریلیا( ایک تعارفی وسیلہ ۔ اسلام اور آسٹریلیا میں زندگی)" کے نام سے یہ کتابچہ بورڈ آف امامز وکٹوریہ کی جانب سے شائع کیا گیا ہے۔
بورڈ کے مطابق آسٹریلیا کے مسلمان نوجوان اسلام اور اس کی تعلیمات حاصل کرنے کے لئے انٹرنیٹ کی طرف رجوع کرتے ہیں جہاں پر اکثر انھیں غلط معلومات ملتی ہے۔
علما کے مطابق بارہ صفحات پر مشتمل اس کتابچے کے ذریعے انتہا پسندی کو روکنا ہے۔
کارلٹن وکٹوریہ کے امامِ مسجد ڈاکٹر بیکم حسانی کا کہنا ہے کہ اسلام کا تشدد سے کوئی تعلق نہیں اور ہم اس کاوش کے ذریعے مسلم اور غیرمسلم افراد تک پہنچنا چاہتے ہیں
" اگر اسلام کے بارے میں کچھ سمجھنا ہوتا ہے تو نوجوانوں کی بڑی تعداد انٹرنیٹ کا رخ کرتی ہے۔
"اکثر ایسا ہوتا ہے کہ جو معلومات انہیں آن لائن ملتی ہے وہ ایسے لوگوں سے ملتی ہے جن کا نہ تو اسلام سے کوئی تعلق ہوتا ہے نہ ہی وہ اسلام کے بارے میں جانتے ہیں۔"
آسٹریلین مسلم فاؤنڈیشن کے ایگزیکیٹیو ڈائریکٹر ہاس دلال کا کہنا ہے کہ اس کتابچے کو آسٹریلیا کے لحاظ سے بنایا گیا ہے۔
Members of the Board of Imams Victoria Source: Supplied
" بہترین طریقہ یہی ہے کہ آسٹریلیا اور اس کی سرزمین کو دیکھتے ہوئے ایسے امام جو آسٹریلین کمیونٹی کا حصہ ہیں اسلام کے بارے میں بتائیں۔
شئیر
