پاکستانی کرکٹر کا آسٹریلیا میں کرونا ٹیسٹ مثبت نکلا، قرنطینہ منتقل

پاکستان کے فاسٹ بولر دلبر حسین آسٹریلیا میں بِگ بیش لیگ کھیلنے آئے ہیں لیکن پرتھ میں ان کا کرونا ٹیسٹ مثبت آیا ہے جس کے بعد وہ قرنطینہ میں ہیں۔

پاکستان سپر لیگ کی ٹیم لاہور قلندرز کی طرف سے کھیلنے والے کرکٹر دلبر حسین  بگ بیش لیگ میں میلبورن کی ٹیم میلبورن اسٹارز کی نمائندگی کریں گے۔

پاکستان کے مقامی میڈیا کے مطابق لاہور قلندر کے منتظمِ اعلیٰ عارف رانا کا کہنا ہے کہ دلبر حسین کا آسٹریلیا روانگی سے پہلے ٹیسٹ لیا گیا تھا جو منفی آیا تھا۔

Dilbar Hussain of Melbourne Stars bowling during the Big Bash League (BBL) cricket match between the Melbourne Stars and the Brisbane Heat at the MCG. Source: AAP Image/Hamish Blair

دلبر حسین بگ بیش لیگ میں میلبورن اسٹارز کے لئے حارث روف کی جگہ کھیلیں گے جو اس وقت پاکستان کرکٹ ٹیم کے ساتھ دورہ نیوزی لینڈ پر ہیں۔

پاکستان کرکٹ ٹیم کے چھے کھلاڑیوں کا بھی کرونا ٹیسٹ مثبت آیا ہے جس کی وجہ سے اسکواڈ نے پریکٹس شروع نہیں کی۔

آسٹریلیا میں کرکٹ کا 'سمر سیزن' شروع ہوچکا ہے جس میں ہر سال بیگ بیش لیگ کھیلی جاتی ہے۔

پاکستان کے کئی نامور کھلاڑی اس لیگ میں شرکت کرچکے ہیں۔