وفاقی حکومت کی جانب سے ایک نیا پلان بنایا جارہے ہے جس کے ذریعے ریجنل آسٹریلیا میں مائگریشن کا ارادہ کرنے والوں کے ویزہ کو جلد سے جلد "فاسٹ ٹریک" بنیادوں پر جاری کیا جائے گا۔
اس سلسلے میں امیگریشن کے وزیر ڈیوڈ کولمین جلد ہی اس پلان کے بارے میں عوام کو آگاہ کریں گے۔
انیس ملین ڈالر کے ذریعے ہوم افئیرز (وزارتِ داخلہ) کے حکام ریجنل آسٹریلیا میں کاروباری نمائندوں سے ملاقاتیں کریں گے۔
اس کے علاوہ علاقے کی لوکل کونسلز کو ایسے اختیارات بھی دیئے جائیں گے، جن کے ذریعے وہ بیرونِ ملک سے لوگوں کو کام دے سکیں۔
"ہمارے حکام اور دیگر افسران اب ریجنل آسٹریلیا میں کاروبار اور لوکل کونسل کے ساتھ مل کرمائگرینٹس کیلئے روزگار کے مواقع ڈھونڈٰیں گے۔ اس کے علاوہ وہ یہ بھی دیکھیں گے کہ وہاں لیبر یا ہنرمند افراد کے کیا مسائل ہیں۔"
وزیرِاعظم اسکاٹ موریسن نے کچھ عرصے پہلے یہ بیان دیا تھا کہ مائگرنٹس کو "پرمننٹ ریزیڈینسی" حاصل کرنے کیلئے ریجنل آسٹریلیا میں کم سے کم پانچ سال گزارنے ہوںگے۔
اور ایس بی ایس اردو ریڈیو پروگرام کو بدھ اور اتوار کی شام رات چھے بجے سنیئے
